Tɔɔɓɛlaa veelɛ 17:7 - Yálá laawoo hɛɓɛ (dc)

⁷ Yili ə laa tii Israɛlə nuą diɛ, mąąhɔlɔɓo, di nɛ̨ŋɛ̨n ɉəɠə Yai-Laa di wɔ Yálái ɓa, yai di kulɔ Eziptə tɔɔmun ɲee mu luwɔlaa hu. Di kɛi kɛa kwɛli hvilɛn haliɠaa diɛ,

Yálá laawoo hɛɓɛ

⁷ Yili ə laa tii Israɛlə nuą diɛ, mąąhɔlɔɓo, di nɛ̨ŋɛ̨n ɉəɠə Yai-Laa di wɔ Yálái ɓa, yai di kulɔ Eziptə tɔɔmun ɲee mu luwɔlaa hu. Di kɛi kɛa kwɛli hvilɛn haliɠaa diɛ,

Bible

⁷ Mɛni-ŋai ŋí kélee dí kɛ̀ kpɛ́ni fêi, Eezuɛ-ƃelai dí sɔnyɔ̂ŋ kɛ̀ da dí pôlu tɔɔ Díɣâlai Yâwɛɛ ma nyii díŋuŋ ma ƃò é dí kúla Ize lɔii su ƃɛ́i dí kɛ̀ naa a luɛ-ŋai. Dí kɛ̀ Ɣâla-pɔkɔŋ-ŋa fɛlîi.

Tɔɔɓɛlaa veelɛ 17:7 ပူးပေါင်းရင်းမြစ်များ

Tɔɔɓɛlaa dɔlɔɔ 11:4

Ɓɛlɔwai kɛa Salomɔn ə pɔlɔ la, nɛ̨ąni di gili tinɛ̨n di nɔ wɔ hali kɔ́wɔ hu, nwɔ giliŋąhiɛ hvo kɛa lɛɛ a ɉaŋąą Yai-Laa nwɔ Yálái pɔ pələ. Salomɔn nwɔ kɛ pələ ə kulɔ nąn Davidə nwɛi mu.

Tɔɔɓɛlaa dɔlɔɔ 15:3

Nɛ̨ŋɛ̨nŋaai kpɔ wɔlɔ Abiyamə nąn ə ɉəɠə, ə hvilɛn gəlee pulu yɛ gɛ, hvo gwəi kwələ nwɔ Yálái Yai-Laa ɓa, hvo túwɔ́ a nɛlɛɛ, yɛ bələi nąn Davidə ə túwɔ́ la.

Tɔɔɓɛlaa veelɛ 16:2

Akazə kaa kwɛlan ə kɛ pow hveelɛ, ɓɛlɔwai ə dɔɔlaa hɔlɔɓo la. Ə tɔɔlaa kɛ a kwɛlan bow kɔ́w mɛ̨ida Ɉerusalɛmə. Hvo kɛ túwɔ́ li a ɉaŋąą Yai-Laa ɲɛ̨i ɓa, yɛ nąn Davidə.

Tɔɔɓɛlaa veelɛ 17:35

Da Yai-Laa ni di ta nįnɛ̨ həɠə, Yai-Laa ə mo diɛ, yɛ diɛ: «Mąą hvo nɛ̨ɛ̨li ka hvo kwɛli hvilɛn haliɠaa diɛ, ka hvo di mąąwiɛ, ka hvo haláá kulɔ diɛ.

Kɔlɔnikɔ Maa-ŋuŋ 5:25

Di hvó lɛɛ di nąnnii di wɔ Yálái pulu di kwəi tɔ̨nɔ̨ mɛ̨i, di Yálá lɛɛ, nuąi Yálá ə di hukala di ɲɛ̨itɔwɔ, di hvilɛn di wɔɔ haliɠaa pulu.

Kɔlɔnikɔ Veerɛi 36:5

Yoyakimə kaa kwɛlan ə kɛ a kwɛlan bow hveelɛ gɔw lɔɔli yɛ dɔɔlaa hɔlɔɓo, ə tɔɔlaa kɛ a kwɛlan bow gow tanɔ̨n Ɉerusalɛmə daai. Yoyakimə ə túwɔ́ a ɲɔ̨nwɔ̨ɔ̨ nwɔ Yálái Yai-Laa ɲɛ̨i ɓa.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Mąątɛ̨nɛ̨ 78:12

Ə kpalo mɛ̨nį kɛnɛ̨ kɛ di nąnni ɲɛ̨i ɓa, Eziptə lɔi hu, Tanisə yɛɛ kɔwɔ hu.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Azaya 57:5

Ka ka lii muhəɠə lɔwɔ ɲɔ̨n gəlee mu, ɓɛi lɔpee wulu kpɛa-kpɛa laa mąą kaa laa, kaa lɛapɛlɛɛ paa ɓoloonŋąą hu, da kwɛni woloɠaa hu.

Ɉeremi 10:5

Ɉaliɠaa tii, kaa yɛ nwɛ̨nį kpɛ gbala, a nwɛ̨nį mąą ɲɔw, hva hɛn da kɛ mą; di hva hvaa, di hva hiɛ, hvo kɛ li daa kɛi di kpəŋə. Ka hvo kpɔ tai ɲɔw ɉaliɠaa tii diɛ. Di hva pɛli mɛ̨nį ɲąą nwąnąą laai nu ɓa; di tɔlɔ hvo kpɛli diɛ nu ta ɓa.»

Izikiɛ 39:24

Ŋį́ di hon yɛ bələi lɔ di di mąą liɓi lai, diɛ kulɔ la nwoo mui; yili ɓə gɛ gɛ́ ɲɛ̨́i loo diɛ.

Osia 12:14

Kɛlaa, Yálá kwəi mɛ̨nį hu kulɔ mun da yee ŋą ɓə Yai-Laa ə Israɛlə kulɔ la Eziptə lɔi hu, yɛ paa la; Yálá kwəi mɛ̨nį hu kulɔ mun da ɓə Israɛlə mąą kɔ́nwɔ̨.

Osia 4:12

Ɉɛn nwɔ́ nu huwui a mąąnikɛ, ya ɓaa a nwɔ wului, ɛlɛɛ, nwɔ wulu wonwoi ɓə a gili ɲą pɔ̨nɔ̨, mąąhɔlɔɓo, wɛli mɛ̨nį a nwun ɉu lan, ɛlɛɛ, daa lɔ wɛli mɛ̨nį hu, diɛ kulɔ la di wɔ Yálái, woo mu.

Osia 4:13

Da kɛ haláá kulɔi yeeɠaa nwuɔ̨, diɛ hali kɔ́ hɛnŋąą kələn yee kpukpuɠaa nwuɔ̨, hɛanɠaa mu, da towələ wuluɠaa mu, gbala ə tɔɔ, di nįnįn mu ɲąąnɛ̨ɛ̨i. Yili mąą mɛ̨nį ɓə ka lonnii nɛ̨ąą da di kɔ́lɔ lɔwɔ́tɔɔ la, ka lon nɛ̨ąni diɛ wɛli hon.

Dutɛrɔnome 31:29

Mąąhɔlɔɓo, gíli kaa ɉu, gɛ́ diɛ, ɉáá pulu, ka káá pai ka yee lɔi nɛ̨ŋɛ̨n mɛ̨nįɠaa hu, ɛlɛɛ, bələi ŋį́ nɛ kaa, kaa həɠə mɛ̨i. Ka wɔ yɛnɛ̨ɛ̨ dɔwɔ pələ, mɔ̨nɔ̨ɠaa kaa pai lɔi ka pɔ; mąąhɔlɔɓo, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka káá pai ka yee lɔi gɛɛ hu, kaa niikələn gwəi a ka túwɔ́ pələ ɲɔ̨nŋąą.»

Zasua 23:16

Mįnɛ̨i Yai-Laa ka wɔ Yálái da ka nąnnii di ɉəɠə, yai ə naa ka nwuɔ̨, ka ɉukala, kaa hvilɛn haliɠaa pulu, kaa kwɛli hvilɛn diɛ; Yai-Laa nwɔ liiɲąnwąną a ɓɛla ka mɛ̨i, ka kpɛɛ kpɔ a ɉu kpua nɔi lɛlɛɛ ŋɛ̨i ə dɛɛ ka pɔ ɉu.»

Nwun mąąɓo 6:10

Ŋą́ mo kaa, gɛ́ kaa: Ɲą́ą́ ɓə gáá a Yai-Laa, ka wɔ Yálá, mąą hvo nɛ̨ɛ̨li ka hvo kwɛli hvilɛn Amɔrə nuą di wɔ haliɠaai di kaa laa diɛ, ɓɛi ka káá laa heeni. Ya ka ti, ka hvo nwóó hon ni!»