Tɔɔɓɛlaa veelɛ 17:35 - Yálá laawoo hɛɓɛ (dc)

³⁵ Da Yai-Laa ni di ta nįnɛ̨ həɠə, Yai-Laa ə mo diɛ, yɛ diɛ: «Mąą hvo nɛ̨ɛ̨li ka hvo kwɛli hvilɛn haliɠaa diɛ, ka hvo di mąąwiɛ, ka hvo haláá kulɔ diɛ.

Yálá laawoo hɛɓɛ

³⁵ Da Yai-Laa ni di ta nįnɛ̨ həɠə, Yai-Laa ə mo diɛ, yɛ diɛ: «Mąą hvo nɛ̨ɛ̨li ka hvo kwɛli hvilɛn haliɠaa diɛ, ka hvo di mąąwiɛ, ka hvo haláá kulɔ diɛ.

Bible

³⁵ Yâwɛɛ è Kpanaŋ-woo kɛ̀ díyêei é mó dîa ǹyɛɛi, “Káfe Ɣâla da kpɛ́ni-ŋa fɛ̀li. Káfe pìlaŋ káŋume ŋá díŋɛi-tuɛ kpaa máŋ ká tíi kɛ́ dîɛ kpaa máŋ ká sâla-ŋa kula dîa.

Tɔɔɓɛlaa veelɛ 17:35 ပူးပေါင်းရင်းမြစ်များ

Tɔɔɓɛlaa veelɛ 17:15

Yai-Laa nwɔ tíɓoɠaa, da mįnɛ̨i da di nąnni di ɉəɠə, di tɛɠɛɓo ɉu, diɛ kpɛli-kpɛli mɛ̨nį mąą gilɛ həɠə, diɛ ka kɛa, di hu aa kala. Nɔiɠaa kɛ di kwɛlɛ, di hvilɛn di túwɔ́ pələ pulu, ɛlɛɛ yaan, Yai-Laa ə mo diɛ, yɛ diɛ: 'Ka hvo túwɔ́ yɛ diɛ.

Lɛɛ gbɔwɔ ɓa 20:3

«Yálá takpɛli hvo kɛ ka yəi, ə kulɔ Ɲą́ą́ búlú.

Ɉeremi 10:5

Ɉaliɠaa tii, kaa yɛ nwɛ̨nį kpɛ gbala, a nwɛ̨nį mąą ɲɔw, hva hɛn da kɛ mą; di hva hvaa, di hva hiɛ, hvo kɛ li daa kɛi di kpəŋə. Ka hvo kpɔ tai ɲɔw ɉaliɠaa tii diɛ. Di hva pɛli mɛ̨nį ɲąą nwąnąą laai nu ɓa; di tɔlɔ hvo kpɛli diɛ nu ta ɓa.»

Ɉeremi 25:6

Ká hvo kɛ ka káá hvilɛn ɉii haliɠaa pulu, kaa tí diɛ, ɛlɛɛ, kaa kwɛli hvilɛn diɛ. 'Ká hvo kɛ ka káá nwą́ną lɔi a ka túwɔ́ pələ, və́ pa mɛ̨nį ɲɔ̨n naa káá.›

Dutɛrɔnome 5:2

«Yai-Laa gu wɔ Yálái, ə mįnɛ̨ laa gwa diɛni gu lɔwai Horɛbə yee ɓa.

Dutɛrɔnome 5:9

«Ka hvo kwɛli hvilɛn ɉɛnŋąąi tii ta ɓa, ka hvo tí diɛ; mąąhɔlɔɓo Ɲą́ą́ Yai-Laa ka wɔ Yálái, gáá a Yálá tolɔɔ, nuąi da kɛ wɛli kpɛɛ mąą laa kulɔi a ɲą́ą́, ŋą́ di wɔ nɛ̨ŋɛ̨nŋąą pɔɔ kulɔ di lonnii diɛ, ə mą kɛ mąnįn bulu mąnįnɠaa diɛ.

Dutɛrɔnome 6:14

Ka hvo hvilɛn haliɠaa pulu, ə mą kɛ ka kwɛlɛ lɔiɠaa ŋɛ̨i di wɔ hali ta lɔpee;

Zasua 23:16

Mįnɛ̨i Yai-Laa ka wɔ Yálái da ka nąnnii di ɉəɠə, yai ə naa ka nwuɔ̨, ka ɉukala, kaa hvilɛn haliɠaa pulu, kaa kwɛli hvilɛn diɛ; Yai-Laa nwɔ liiɲąnwąną a ɓɛla ka mɛ̨i, ka kpɛɛ kpɔ a ɉu kpua nɔi lɛlɛɛ ŋɛ̨i ə dɛɛ ka pɔ ɉu.»

Zasua 23:7

Nu huwuɠaa ŋɛ̨i daa lɛɛ ka kwɛlɛ, 'ka hvo humun a di túwɔ́ pələ, 'ka hvo di wɔ haliɠaa hvɛli; 'ka hvo ka kwɛla a di wɔ haliɠaa ta laa, 'ka hvo mąąwiɛ tɛɛ di pɔ, 'ka hvo pɛlɛ di kɔ́wɔ mu.

Nwun mąąɓo 6:10

Ŋą́ mo kaa, gɛ́ kaa: Ɲą́ą́ ɓə gáá a Yai-Laa, ka wɔ Yálá, mąą hvo nɛ̨ɛ̨li ka hvo kwɛli hvilɛn Amɔrə nuą di wɔ haliɠaai di kaa laa diɛ, ɓɛi ka káá laa heeni. Ya ka ti, ka hvo nwóó hon ni!»