Tɔɔɓɛlaa veelɛ 17:32 - Yálá laawoo hɛɓɛ (dc)

³² Kɛlaa, di kɛi lɔ ɲɔw Yai-Laa ɓa yaa kpɛli. Di nuą həɠə di lɔwai a ɉaláá laa həli nuą di nwɔ haláá kulɔiɠaai ɓa, yiliɠaa diɛ ɉaláá laa həli a di laa ɉali kɔ́iɠaa ɓa.

Yálá laawoo hɛɓɛ

³² Kɛlaa, di kɛi lɔ ɲɔw Yai-Laa ɓa yaa kpɛli. Di nuą həɠə di lɔwai a ɉaláá laa həli nuą di nwɔ haláá kulɔiɠaai ɓa, yiliɠaa diɛ ɉaláá laa həli a di laa ɉali kɔ́iɠaa ɓa.

Bible

³² Ǹûai ŋí dí Yâwɛɛ fɛ̀li máŋ. Dí nûa sii támaa-tamaa kùla dísama dí díkɛ a dísâla láa soŋ-ƃela díɣâla pɔkɔŋ-ŋai fɛli kwaa-ŋai ma a gɛɛ díkɛ sâla kulâi naa dímɛni ma.

Tɔɔɓɛlaa veelɛ 17:32 ပူးပေါင်းရင်းမြစ်များ

Tɔɔɓɛlaa dɔlɔɔ 12:31

Ɉeroboamə ə haláá kulɔiɠaa hee, ɛlɛɛ, ə ɉaláá laa həli nuą həɠə lɔ nuą lɔwai, yiliɠaai di hvo kɛ a Levi nu huwu ta.

Tɔɔɓɛlaa dɔlɔɔ 12:33

Yálá kɔ́i ŋɛ̨i ə bɛli Betɛlə, ə tɛ laa a ɲąnin nwɔ hvóló pow kɔ́w lɔɔli yələ, guui tii ɓə ə ɉəɠə ɉu gbɔwɔ ɓa. Ə hɛli pu Israɛlə lonnii mąą mɛ̨nį ɓa. Ə tɔɔ ɉaláá kulɔi, yɛ lansan kələn.

Tɔɔɓɛlaa dɔlɔɔ 13:31

Gbɛɛ a noɔ, yɛ nonnii diɛ: «Ŋą́ pa haai, ka nóó ɓɛi gu Yálá nwɔ nui loo laa, ka gɔ́wɠaa laa gɔwɠaa kwɛlɛ.

Tɔɔɓɛlaa dɔlɔɔ 13:33

Ə mą kɛ tii, Ɉeroboamə hvo ɲee kulɔ nwɔ túwɔ́ pələ ɲɔ̨n ɉu; ə kɛi lɔ ni nuą həɠə lɔ tii nɔi lonnii lɔwai, yɛ di kɛ a haláá laa həli nuą; di wɔ haláá kulɔiɠaai ɓa. Nui lɔpee a kɛ bɔ, di kɛi ɉee a ɉaláá laa həli mun da.

Tɔɔɓɛlaa veelɛ 17:25

Ɓɛlɔwai di hee la a nįnɛ̨, gɛɛ nąą tii ɓa, di hvo kɛi ɲɔw Yai-Laa ɓa, Yai-Laa ə yalaɠaa tɛɛ, yiliɠaai diɛ di paa.

Tɔɔɓɛlaa veelɛ 17:29

Kɛlaa, ɉaláá kulɔiɠaa Samari nuą di bɛli, nu huwuɠaa ŋɛ̨i pa heei laa, nu kəlee ə nwɔ haliɠaa hee ɉaláá kulɔiɠaa tii ɓa. Bələ ɓə nu huwu tii kəlee di gɛ la daaɠaa di hee ɉu nąą kəlee.

Tɔɔɓɛlaa veelɛ 17:33

Di kɛi lɔ ɲɔw Yai-Laa ɓa, di yee ə ɓo nwɔ̨nɔ̨ di pɔ lɔi haliɠaa mąąwiɛ pələ ɓa, lɔ yɛ bələi nuąi di di kulɔ nɔi di yee ə kɛ la mą.

Tɔɔɓɛlaa veelɛ 17:41

Yɛ bələi ɉį́i takpɛliɠaa tii di kɛi Yai-Laa mąąwiɛ la, di yee ə ɓo di lɔ di yíi pələ pɔlɔ hu, diɛ di wɔ haliɠaai mąąwiɛ, bələ lɔ ɓə di lonnii di wɔ lonnii di kɛi túwɔ́ la háá ɓa háá.

Tɔɔɓɛlaa veelɛ 23:19

Gbakonaɠaa ŋɛ̨i Israɛlə tɔɔɓɛlaa di dɔɔ Samari daa leeɠaa hu, diɛ Yai-Laa lii kələn na gwəi, Ɉosiasə ə yiliɠaa kəlee wolo yɛ bələi ə gɛ la Betɛlə daai.

Ɛsdrasə 4:2

di pa di həli Zorobabɛlə ɓa da bɛlɛ nąmįną, diɛ kɛ diɛ: «Ku kaa bɔ, gwa kaa ni gu Yálá hee pɛ́lɛ́i ŋɛ̨i tɔɔ, mąąhɔlɔɓo, kuɔ kpɛli, kwa kɛ kwɛli hvilɛn ɉii ka wɔ Yálái ɓa, ə həɠə Asiri tɔɔmun Asaradɔn nwɔ lɔwai ɓa, yaai pa ɓɛ a kuɔ, kwa kɛ haláá kulɔi Yálá ɓa.»

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.