Tɔɔɓɛlaa veelɛ 17:3 - Yálá laawoo hɛɓɛ (dc)

³ Asiri tɔɔmun Salmanasarə ə pa ə kɔ́ pɛlɛ mą. Ose ə lɛɛ ɲee mu, yɛ nįįhɔ̨nwɔ̨ kulɔ mą.

Yálá laawoo hɛɓɛ

³ Asiri tɔɔmun Salmanasarə ə pa ə kɔ́ pɛlɛ mą. Ose ə lɛɛ ɲee mu, yɛ nįįhɔ̨nwɔ̨ kulɔ mą.

Bible

³ Tãi Osia è kɛ̀ la a kâloŋ, Asiria kaloŋ Sɛmanesɛ è kɔ́ pɛ̀lɛ Eezuɛ lɔii ma. È gâloŋ da ŋɔnûai yée mɛi ɣâle é pɛ́lɛ ǹɔii mɛi. È Gâloŋ Osia kɛ̀ gɛ́ ŋuŋ-fela-fe tɛ̀ɛ bɔ́.

Tɔɔɓɛlaa veelɛ 17:3 ပူးပေါင်းရင်းမြစ်များ

Samia Veerɛi 8:2

Davidə ə Moabə nuą hon a kɔ́; ə di pɛlɛ nɔi ɓa, ə di heei kɛ haaɓa, ə ɉeei hveelɛ paa, ə ɉeei tɔ̨nɔ̨ lɛɛ a vulú. Moabə nuą di lɛɛ Davidə yee mu, diɛ nįįhɔ̨nwɔ̨ kulɔ mą.

Samia Veerɛi 8:6

Davidə ə lɔi ɲą́ą́wooɓo nuą hee Damasə daai Aramə lɔi hu. Aramə nuą di lɛɛ Davidə yee mu, diɛ nįįhɔ̨nwɔ̨ kulɔ mą. Ɓɛi lɔpee Davidə ə kɛi li laa, Yai-Laa ə kɛi gɔ́ nɛ̨ɛ̨ mą.

Tɔɔɓɛlaa veelɛ 15:19

Asiri tɔɔmun Pulə ə pa ə pɛlɛ nɔi ɓa a kɔ́, kɛlaa, Menahɛmə ə wali kwələ kilə waa pow haaɓa tɛɛ Pulə pɔ, əgɛ, yili ə kpɔnmąą tɛɛ bɔ, dɔɔlaa ə lɛɛ ɲəi a nwalawalaa.

Tɔɔɓɛlaa veelɛ 15:20

Menahɛmə ə nwalii tii hɔlɔɓo nįįhɔ̨nwɔ̨i ŋɛ̨i ə gulɔ Israɛlə nuą diɛ, ə da kulɔ nwali nąmįną yəi. Nu tɛitɛi ə kɛi wali kwələ pow lɔɔli kulɔ. Ə kɛi gulɔ yɛ dɛɛ Asiri tɔɔmun bɔ, əgɛ, yili ə bulu pənə hvo lɔ nɔi.

Tɔɔɓɛlaa veelɛ 15:29

Israɛlə tɔɔmun Peka nwɔ lɔwai hu, Asiri tɔɔmun Tiglatə-Pilesɛrə ə pa Iyɔn, Avɛlə-Bɛtə-Maaka, Yanoa, Kɛdɛsə, Hasɔrə, Galaadə, Galile lɔi, da Nɛftali lɔi nąą kəlee, ə nuą hon ə li a diɛ Asiri.

Tɔɔɓɛlaa veelɛ 17:2

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, yili ɓə ə ɲee lɔ ɉu. Kɛlaa, hvo həli Israɛlə tɔɔɓɛlaa dɔlɔɔɠaa pɔ.

Tɔɔɓɛlaa veelɛ 17:4

Kɛlaa, Asiri tɔɔmun aa kɛ gbaɠala kaa, yɛ Ose a nɔgilii kɛ mą. Mąąhɔlɔɓo, Ose ə nuą tɔɔ Eziptə tɔɔmun So pɔɔli, ɛlɛɛ, hvo kɛa kɛi nįįhɔ̨nwɔ̨ kulɔ Asiri tɔɔmun mą yɛ bələi a gɛ la a kwɛlan gəlee. Asiri tɔɔmun ə Ose hon, ə yɔwɔn doo gɔwɔ kwąną, ə doo gaho ŋą.

Tɔɔɓɛlaa veelɛ 18:31

Ka hvo kɛa ka wəli tɔɔ Ezekiasə woo ɓa, mąąhɔlɔɓo, yii Asiri tɔɔmun ə mo ya ka: Ka hvaa mą gwa kaani gu nɛ̨ɛ̨. Ka ka kpɔɔ tɛɛ bɔ́, akɛtii, ka káá pai ka wɔ viɲə yɛɛɠaa dɔ̨nɔ̨ kulɔi da ka wɔ Ɓolaa wuluɠaai, ɛlɛɛ, ka káá ka ka kpələ a ka wɔ yálɔwa hu yá.

Tɔɔɓɛlaa veelɛ 18:7

Yai-Laa ə kɛ bɔ, mɛ̨nįi lɔpee kɛ a ɲee lɔ ɉu, ɉu a nɛ̨ɛ̨ ɲəi. Ə nwun gulɔ Asiri tɔɔmun nwɔ heeɓolaa mu, hvo kɛa pənə hvo lɛɛ ɲee mu.

Nehemi 9:32

«Yii hu kɛa, ku wɔ Yálá, yɛ́i ə́ kaa a Yálá kɛnɛ̨ɛ, vaŋą kɛnɛ̨ɛ, mąą ɲɔwɔ, mįnɛ̨i ka ɉəɠə ya bɔ mɛ̨nį kɛ da ə́ woo; mɔ̨nɔ̨i ŋɛ̨i aa laa ku wɔ, hvo gaa a mɛ̨nį hviikpɛɛ. Kuɔ-o, ku wɔ tɔɔɓɛlaai, ku ŋąąwoo ɓo nuą, ku wɔ haláá laa həli nuą, da ə́ wɔ loloɓo nuąi, da ku ną́nni, ə mą kɛ nɔi lonnii kəlee, ə həɠə Asiri tɔɔɓɛlaa di wɔ hvólói ɓa, ə həli la háákələi ɓa.

Azaya 17:4

Mąą yələi tii, Ɉakɔbə hvaŋą ta a kulɔ mą, goo haɠa a wolo, kəŋə la ə tee.

Azaya 8:8

Gaa pai həlii Ɉuda lɔi ɓa, yɛ hiɛ mɛ̨i, yɛ nąą kəlee hvɛɛ, yɛ həli kpɔ nu kwąną, ɛlɛɛ ɲąą kɛnɛ̨ pələ, Oo Ɛmanuɛlə, gaa pai yɛ́ lɔii laa hvɛɛi nąą kəlee.

Izikiɛ 23:5

Ohola ə too wɛli honŋąą hu; hvo lɛɛ ɲə́i; nii mu ə həɠə kɛnɛ̨ nwɔ wɛliɠaa pɔ; diɛ ɓaa a Asiri nuą, diɛi a gwɛlɛ nuą.

Osia 10:14

Tin gaa pai tooi ə́ wɔ lɔi hu, di ə́ wɔ taa kpɛa kpɛaɠaai kəlee pu, yɛ bələi Salman ə Bɛtə-Arvɛlə pu lai, a ɲələi tii di kɛi gɔ́ kɔ́ la, diɛ lon gaa lee nwun nwolo nonnii mɛ̨i.

Osia 10:4

Nuą kaa lɔ di woo kwɛlɛi, diɛ di kwɛla, ɛlɛɛ, diɛ mįnɛ towələ mį́i, a lɛɛ. Yiliɓa, bələi kpɔlɔ nu paa kala tiliin a ɓɔn na kɛɛ hinŋąą mɛ̨i, bələ kpɔlɔɔ ɓə di hutɔɔ mɛ̨nį kaa pai ɓɔn ɉii la kɛɛ kəlee.

Osia 8:10

Di mą hamą pilɛɠaa ɲąąkwɛlɛ nɔiɠaa hu, gáá kɛa pai di ɲąąkpɔn ɉii, ɛlɛɛ ɉu hvo pai kwɛai, di mąą kaa pai kɛi kpalin ɉii, tɔɔɓɛlaa di wɔ tɔɔmun nwiɛ mu.

Levetekɔ 26:25

Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.