Tɔɔɓɛlaa veelɛ 17:25 - Yálá laawoo hɛɓɛ (dc)

²⁵ Ɓɛlɔwai di hee la a nįnɛ̨, gɛɛ nąą tii ɓa, di hvo kɛi ɲɔw Yai-Laa ɓa, Yai-Laa ə yalaɠaa tɛɛ, yiliɠaai diɛ di paa.

Yálá laawoo hɛɓɛ

²⁵ Ɓɛlɔwai di hee la a nįnɛ̨, gɛɛ nąą tii ɓa, di hvo kɛi ɲɔw Yai-Laa ɓa, Yai-Laa ə yalaɠaa tɛɛ, yiliɠaai diɛ di paa.

Bible

²⁵ Tãi ŋɔ̃ya-ŋai ŋí dí sèe la Eezuɛ lɔii su a maa-ŋuŋ, dífe kɛ́ ní Yâwɛɛ fɛlii ǹyaŋ è yala sûlu-ŋa tɛ̀ɛ a gɛɛ dí tóo dísama. Dí ǹûai da-ni pàa.

Tɔɔɓɛlaa veelɛ 17:25 ပူးပေါင်းရင်းမြစ်များ

Tɔɔɓɛlaa dɔlɔɔ 13:24

Yili ə tɛɛ yɛli. Da yala di kwiɛn bələi, ɲala ə baa. Bowa ə kɛ too ni bələ mɛ̨i, ɲala da ɉoohvaalən di tɔɔ gwɛlɛ.

Tɔɔɓɛlaa dɔlɔɔ 20:36

Nui ŋɛ̨i di hvo gɛlɛ, ə tinɛ̨n, yɛ mɛlan ma: «Mɛ̨nįi Yai-Laa ə́ ə́ tí la, yii hvo gɛ li, ə́ ɲɛ̨i hee laa, ə́ kaa lɔ pai həɠəi gwɛ́lɛ ɓɛ, yala ta ə wolo yɛ́.» Di di ɓɛlaɓo lɔ, da yala di kwilɛn, ɲala ə wolo mą ə baa.

Tɔɔɓɛlaa veelɛ 17:26

Di mo Asiri tɔɔmun mą, diɛ mą: Nu huwuɠaa ə́ di kulɔ lɔiɠaa hu, yɛ́ di hee Samari taaɠaa hu, di hvo nąą nɔi nwɔ Yálá mąąwiɛ pələ kɔ́lɔn. Ɲálái tii aa yalaɠaa tí diɛ, ɛlɛɛ, yiliɠaa diɛ di paa. Mąąhɔlɔɓo, di hvo nɔi Yálá mąąwiɛ pələ kɔ́lɔn.

Tɔɔɓɛlaa veelɛ 17:28

Ɉaláá laa həli nuą tii kulɔ Samari, diɛ li, dɔ̨nɔ̨ ə pənə ə pa, ə hee Betɛlə, yɛ Yai-Laa mąąwiɛ pələ lɛ nuą diɛ.

Tɔɔɓɛlaa veelɛ 17:32

Kɛlaa, di kɛi lɔ ɲɔw Yai-Laa ɓa yaa kpɛli. Di nuą həɠə di lɔwai a ɉaláá laa həli nuą di nwɔ haláá kulɔiɠaai ɓa, yiliɠaa diɛ ɉaláá laa həli a di laa ɉali kɔ́iɠaa ɓa.

Tɔɔɓɛlaa veelɛ 17:34

Ə mą kɛ háákələi, bələ lɔ ɓə da kɛ túwɔ́i la, di hvo kɛi ɲɔw Yai-Laa ɓa. Di hvo nwɔ̨nɔ̨ hvilɛn díɓoɠaa da ɉaláá kulɔ pələɠaa pulu, ə mą kɛ, dɔ́n nwoo da mɛ̨nįɠaai Yai-Laa ə naa Ɉakɔbə lonnii nwuɔ̨, yaai ə Israɛlə laa hee Ɉakɔbə mą.

Tɔɔɓɛlaa veelɛ 17:41

Yɛ bələi ɉį́i takpɛliɠaa tii di kɛi Yai-Laa mąąwiɛ la, di yee ə ɓo di lɔ di yíi pələ pɔlɔ hu, diɛ di wɔ haliɠaai mąąwiɛ, bələ lɔ ɓə di lonnii di wɔ lonnii di kɛi túwɔ́ la háá ɓa háá.

Tɔɔɓɛlaa veelɛ 2:24

Elise ə tinɛ̨n, ə ɲɛ̨i hee diɛ, ə di nɛ̨ŋɛ̨n nąą Yai-Laa laa hu. Nąąlɔwai ursə hveelɛ di kulɔ nɔwɔi, di pa, di nɛapɛlɛ tii bow nąąn kɔ́w hveelɛ paa ɉu.

Azaya 15:9

Divɔn yaɠaa laa hvɛɛi a ɲąmą, gáá nwɔ̨nɔ̨ Dimɔn nwɔ mɔ̨nɔ̨i ta pɛlɛi mą, Moabə nuąi da kulɔ ɉu, a diɛi pai lɛɛi nɔi, ŋą́ yala hvilɛn di pulu.

Ɉeremi 10:7

Gbɛɛ a pɛli niikpələi a yɛ́! Lɔiɠaa di wɔ tɔɔmun! Mąą nɛ̨ɛ̨ kilimąą nuą di hɔlɔɓo lɔi kəlee hu, di tɔɔ, lɔiɠaa hu, Kɛlaa, nu ta hvo laa yɛ ɓo yɛ yɛ́!

Ɉeremi 15:3

Yai-Laa woo ka nwɔ̨nɔ̨, yɛ diɛ: «Gáá pai heei di hu a pələ nąąn: Kɔ kɔ́ ɓɔwa yɛ di paa, yilɛɠaa diɛ di powa yala. Yələi nwɛ̨nįɠaa da lɔwɔ huwɔɠaa diɛ di powa mįi, diɛ di huwu pu.

Ɉeremi 5:6

Yili mąą mɛ̨nį ɓa, yalaɠaa kaa kulɔi gban mu, diɛ wolo diɛ; húlúɠaa diɛ kulɔ gbaalə hu, diɛ di hu kala. Kwɛ́liɠaa diɛ di wɔ taaleeɠaa kwɛlɛ tɛ; hɛn kpɔ a kulɔ taai diɛ ɉu hvala-hvala. Mąąhɔlɔɓo, di wɔ kwɛli tee laa hu lɔ ɓə kɛnɛ̨i, diɛ di pulu tɔɔ la Yálá ɓa.

Izikiɛ 14:15

Ɛlɛɛ, ŋą́ lɔwɔ huwɔ ɲɔ̨nwɔ̨ɔ̨ɠaa ɲąątɔɔ nɔi ti ɓa, di nɛɛ a lɔi pun, ɉu lon da hva lɛɛ laa; nu ta hva pɛli tɛɛi laa ɉuwɔɠaai ti mąą mɛ̨nį ɓa.

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Danîa 6:26

Mɛ̨nįgaai tii tɛɛ pulu, tɔɔmun Dariusə ə hɛɓɛ́ pɛ̨ɛ̨, ə naa həli hįi kəlee ɓa, nɔiɠaa kəlee hu, hįi woo kəlee ɓo nuą diɛ, diɛi di kaa lɔi mɛ̨i naa kəlee, yɛ diɛ: «Gɛ́ liilaa ə tɛɛ ka pɔ kpɔ kɛnɛ̨!

Levetekɔ 26:22

Ŋą́ lɔwɔ huwɔɠaa ŋąątɔɔ kaa, diɛ ka lonnii kulɔ ka yəi, diɛ ka wɔ taatɛlɛɛɠaai hu kala, diɛ ka paa, ka wɔ pələɠaai di kpɔlɔɔn.

Zôna 1:9

Ɉonasə ə di woo ŋąąpənə, yɛ diɛ: «Gáá a Hebreu mun, Yálái ŋɛ̨i a Yai-Laa yai yələkɔlɔn da lɔi di pɛli, ə mą kɛ gboloyá, ya ɓə ŋį́ ɲɔw mą.»

Zasua 22:25

Yai-Laa ə gu ɲɛ̨n naa gwa gaani, ya ɓaa Ɉurdɛn yá. A kɛ tii, kaai ɓaa: Rubɛn huwu, Gadə huwu da Manase huwu bələ tɔ̨nɔ̨, ka mąą mɛ̨nį hvo hɛlɛn ni Yai-Laa ɓa!› Ka lonnii hvaa woo tii a pɛli ə gɛ, ku wɔ lonnii di hva kɛa ɲɔw Yai-Laa ɓa.