Tɔɔɓɛlaa veelɛ 17:24 - Yálá laawoo hɛɓɛ (dc)

²⁴ Asiri tɔɔmun ə nuą həɠə Babilonə, Kutə, Awa, Hamatə, ɛlɛɛ, Sefarwaimə, ə di hee Samari taaɠaa hu a Israɛlə lonnii mąąhvalin. Samari ə kɛ kɛa a di wɔ lɔi, di hee nąą taaɠaa hu.

Yálá laawoo hɛɓɛ

²⁴ Asiri tɔɔmun ə nuą həɠə Babilonə, Kutə, Awa, Hamatə, ɛlɛɛ, Sefarwaimə, ə di hee Samari taaɠaa hu a Israɛlə lonnii mąąhvalin. Samari ə kɛ kɛa a di wɔ lɔi, di hee nąą taaɠaa hu.

Bible

²⁴ Asiria kaloŋ è nûa kùla nyii-ŋai kɛ̀ daa-lêe-ŋai ŋí sui. Babelɔŋ, Kuta, Ava, Ama da Sɛvavaiŋ é lí a dia é dí kɛ́ dí sée Sameria lɔii su. Dí sèe daa-ŋai su ƃɛ́i Eezuɛ-ŋai dí wɔ́lɔ kɛ̀ naai é pɛ́lɛ dí taa-leei Sameria ma. Dí naa sìɣe a dípɔɔ.

Tɔɔɓɛlaa veelɛ 17:24 ပူးပေါင်းရင်းမြစ်များ

Tɔɔɓɛlaa dɔlɔɔ 8:65

Ɲąnin mɛ̨ihveelɛ yələ ɓə Salomɔn ə ɉɛli pu la da Israɛlə nuą, ə kɛ a ŋąąkpɔn gɛnɛ̨. Ə həɠə Lebo-Hamatə ə li Eziptə, nuą di kɛi həɠə nąą kəlee. Di kɛ Yai-Laa ku wɔ Yálá lííla hvóló mɛ̨ihveelɛ yee mu, di pənə di hvóló mɛ̨ihveelɛ laa mɛ̨i.

Tɔɔɓɛlaa veelɛ 17:6

Ose nwɔ tɔɔlaa gwɛlan mɛ̨inąąn nɔwai, Asiri tɔɔmun ə Samari hon a kɔ́, ə Israɛlə nuą damąą həɠə, ə li a diɛ Asiri lɔi hu, ə di hee Hala da Habɔrə ya kwɛlɛ, yai kɛ a Gozan nwɔ ya lee kɛnɛ̨, ə daɠaa hee Medi taa kpɛa kpɛaa hu.

Tɔɔɓɛlaa veelɛ 18:31

Ka hvo kɛa ka wəli tɔɔ Ezekiasə woo ɓa, mąąhɔlɔɓo, yii Asiri tɔɔmun ə mo ya ka: Ka hvaa mą gwa kaani gu nɛ̨ɛ̨. Ka ka kpɔɔ tɛɛ bɔ́, akɛtii, ka káá pai ka wɔ viɲə yɛɛɠaa dɔ̨nɔ̨ kulɔi da ka wɔ Ɓolaa wuluɠaai, ɛlɛɛ, ka káá ka ka kpələ a ka wɔ yálɔwa hu yá.

Tɔɔɓɛlaa veelɛ 18:34

Hamatə da Arpadə haliɠaa, di kaa mį? Sefarwaimə da Hena, ɛlɛɛ, Iwa di wɔ haliɠaai di kaa mį? Ɉaliɠaa tii, di pɛli mɔ̨ɔ̨ Samari lɔi kulɔi ɲéé ŋą?

Tɔɔɓɛlaa veelɛ 19:13

Mį ɓə Hamatə tɔɔmun gaa laa, da Lairə tɔɔmun Arpadə, da Sefarwaimə nwɛi, da Hena nwɛi, ə lɛɛ, da Iwa?»

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Azaya 10:9

Kɛlɛi Kalno aa kɛ kɛa yɛ Karkemisə Hamatə ə ɓo yɛ Arpadə, Samari ə ɓo yɛ Damasə?

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 36:19

Hamatə da Arpadə di wɔ yáláɠaai kaa mį? Sefarwaimə nwɔ yáláɠaai kaa mį? Di mɔ̨ɔ̨ pɛli Samari kulɔi ɲee ɲą?

Azaya 37:13

Mįnɛ̨ ɓə kələi dɔɔɓɛlaa ŋɛ̨i kaa laa: Hamatə nwɛi, Arpadə nwɛi, Lairə nwɛi, Sefarwaimə tɔɔmun nwɛi, Hena nwɛi, ɛlɛɛ da Iwa nwɛi?»

Azaya 37:18

Yai-Laa! Tɛ̨ąą li! Asiri tɔɔɓɛlaa daa nukanŋaa hu kala da di wɔ lɔiɠaa.

Ɉeremi 21:2

«Yai-Laa mąąni kɛ ku mąą mɛ̨nį ɓa, mąąhɔlɔɓo, Babilonə tɔɔmun Nabukodonosorə aa kɔ́ pɛlɛ kuɔ, gbəli hu Yai-Laa a pɛli ə kpalo mɛ̨nį ta kɛ, ə ku mąąkɔ̨nwɔ̨ Nabukodonosorə yəi.»

Ɉeremi 50:1

Mɛ̨nįi Yai-Laa ə mo, yɛ hvilɛn na Babilonə ɓa, yɛ hvilɛn na Kalde lɔi ɓa, ya ka, ə bu gwəi mɛ̨nį hukulɔ mun Ɉeremi la.

Maafîu 10:5

Nu pow-kɔw-hveelɛi tii Jesus ə di tɔɔ, ə di liɛwoo kɛ, yɛ diɛ: «Líi ka káá moi; ɓɛi Ɉuifəɠaa di hvo laa, 'ka hvo li nąą bələ. 'Ka hvo li kpɛli Samari taa ta hu.