Tɔɔɓɛlaa veelɛ 17:17 - Yálá laawoo hɛɓɛ (dc)

¹⁷ Di kɛi di lon ɉinąą da di lon nɛ̨ąą tɛɛ nwɔ̨n bɔ, diɛ tɔlikpɛ, diɛ nuą tɔɔ ɲąmuątaa, diɛ lɛa di yee too di kala mɛ̨nįɠaa hu, di túwɔ́ pələ ɲɔ̨n gulɔ a Yai-Laa nwąną lɔ pələ.

Yálá laawoo hɛɓɛ

¹⁷ Di kɛi di lon ɉinąą da di lon nɛ̨ąą tɛɛ nwɔ̨n bɔ, diɛ tɔlikpɛ, diɛ nuą tɔɔ ɲąmuątaa, diɛ lɛa di yee too di kala mɛ̨nįɠaa hu, di túwɔ́ pələ ɲɔ̨n gulɔ a Yai-Laa nwąną lɔ pələ.

Bible

¹⁷ Da kâa dílônii kùla máŋ a kéreŋ sala ŋâla-pɔkɔŋ-ŋai dîa. Dí kɛ̀ tɛli kpɛ̂i, dí kɛ́ lì tuɛ-mɛni ƃó-ƃela pɔ́naa. Eezuɛ-ŋai díkpîŋ tɛ̀ɛ mɛni nyɔ́mɔɔ kɛ́ mɛni ma nyii-ŋai díwɛli fé kɛ́ ní Yâwɛɛ mai. Dí gɛ̀ ǹíi é ŋwána dîa a ŋánaa.

Tɔɔɓɛlaa veelɛ 17:17 ပူးပေါင်းရင်းမြစ်များ

Tɔɔɓɛlaa dɔlɔɔ 14:15

Yai-Laa kaa pai Israɛlə kɛlɛi; gaa pai kɛi yɛ hveen gbaɠai a kɛ kpɛlin ɉii yá yəi. Gaa pai Israɛlə kulɔi nɔi lɛlɛɛ ŋɛ̨i hu, yai ə dɛɛ nąnni pɔ. Ɛlɛɛ, gaa pai daɠa taɠai ɲa pulu pələ; mąąhɔlɔɓo, daa wulu kpiɛnŋąą pɛli, diɛ di kɔ́. Diɛ Yai-Laa nwąną lɔ la tii.

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Tɔɔɓɛlaa veelɛ 16:3

Kɛlaa yaamun, ə li kpɔ ə hvilɛn Israɛlə tɔɔɓɛlaa túwɔ́ pələ hu, ə non ɉəɠə ə li la ə gulɔ a haláá, di gələn. Dúwɔ́ ɲɔ̨n tii ɓə nuąi Yai-Laa ə di kpɛ di pɔ lɔi yɛ Israɛlə nuą hee laa, di kɛi gɛ.

Tɔɔɓɛlaa veelɛ 17:11

Ɉali kɔ́iɠaa kəlee ɓa, di kɛi lansan kələn naa, yɛ bələi nu huwuɠaai Yai-Laa ə di kpɛ di ɲɛ̨itɔwɔ di kɛi gɛ la. Di kɛi mɛ̨nį ɲɔ̨nŋaa kɛ a Yai-Laa nwąną lɔ pələ.

Tɔɔɓɛlaa veelɛ 17:31

Awi nuą di Nibazə mąąnįnįn ɉəɠə, da Tartakə; Sefarwaimə nuą di wɛi, di yee ə kɛ lɔ di lonnii kələn mɛ̨nį hu, diɛ Adramelɛkə da Anamelɛkə mąąwiɛ la, yiliɠaa ɓə kɛ a di wɔ haliɠaa.

Tɔɔɓɛlaa veelɛ 21:6

Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Kɔlɔnikɔ Veerɛi 28:3

Yaa kpįnįi yɛ lansan haláá kulɔ Bɛn-Hinɔmə ɓoloon ɉu, yɛ nonnii kələn, vilɛn ŋąą la tii, gɛɛ kalaa túwɔ́i tii pulu, a yaai nu huwu ŋɛ̨i Yai-Laa ə nɔi kulɔ di yəi, yɛ dɛɛ Israɛlə pɔ, di kɛi gɛ.

Kɔlɔnikɔ Veerɛi 33:6

Yaa kpįnįi tii, ə nonnii kulɔ a haláá, ə di kələn Bɛn-Hinɔmə ɓoloon ɉu. Yaa kpįnįi, ə tɔlikpɛ, ə ɲɛ̨ąkpɛ, ə ɲąmuątaa tɔlikpɛ. Ə Yai-Laa nwąną lɔ a mɛ̨nį ɲɔ̨nŋąą tii ə kɛi gɛ ɲɛ̨i mui.

Azaya 47:9

Mɛ̨nį ɲąąnwąnąą hveelɛi tii kaa laai yɛ́, a yələ tɔ̨nɔ̨, hvóló tanɔ̨n yee mu, yá hvɛɠɛ a ə́ lonnii, kalaninnaa ə laa ə́ mɛ̨i, gəlee kaa pai həlii yɛ́, bələi mąn tɔlukpɛ pələ tamąą la ə́ yəi, ɲɛ̨ąkpɛ nuą kpulu kɛnɛ̨ la ə́ yəi, dɛɛ gɛi ɓa.

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Azaya 8:19

Akɛtii da kɛ kaa: «'Ka ɲɔ̨muątaa tɔlukpɛnuą mąąni kɛ, 'ka tɔlukpɛnuą, ɲɛ̨ąkpɛnuą, da kpɛɛn bili nuą di mąąni kɛ, akɛ tii, mąą hvo nɛ̨ɛ̨li nuą diɛ di wɔ haliɠaa mąąni kɛ, ɛlɛɛ, diɛ ɲɔ̨muą hvɛli nu hulúɠaa mąą mɛ̨nį ɓa?»

Ɉeremi 19:5

Yii daa haláá kulɔi pɛli Baalə ɓa, diɛ di lonnii kələn naa Baalə ɓa; ɛlɛɛ yaan, ɲą́ą́ hvəi di tɔɔ la, yili kili hvo ta too li ɲą́.

Ɉeremi 25:7

Yai-Laa yɛ diɛ: ‹Ká hvo ka wəli tɔɔ li nwóó ɓa, kɛlaa kaa mun, ka nííkələn gwə́i a ka túwɔ́ pələ, yili yɛ mɔ̨nɔ̨ laa kaa.›

Ɉeremi 27:9

«A kɛ tii, ka hvo ka wəli tɔɔ ka wɔ mɛ̨nį ɓoɔ gɛɛ tɔwɔ nuą woo ɓa, da ka wɔ tɔli kpɛ nuą, da ka wɔ hįi woo hukulɔ nuą da ka wɔ ɲɛ̨ąkpɛ nuą, da gwɛlɛɛn gɛ nuą diɛ, diɛi tii kɛi kaa: 'Ká hvo pai lɛɛi Babilonə tɔɔmun yee mu.

Ɉeremi 7:31

Daa hvaaiɠaa kulɔ Bɛn-Hinɔmə ɓoloon ɉu Tofɛtə, naa ɓə da kɛ di lon ɉinąą da di lon nɛ̨ą kələn ɉii laa. Ya pa, ɲą́ą́ hvəi di tɔɔ a yili, yili gili hvo ta too li gwə́i.

Izikiɛ 16:21

Ə́ nónnii nwun dee, yɛ́ di tɛɛ di pɔ a haláá.

Izikiɛ 20:26

Ŋą́ di mąąliɓi a di wɔ haláá hɛnŋaai, a di lonnii dɔlɔɔ tɔlɔɔɠaai di kɛi gulɔ a ɉaláái; ə gɛ ŋą́ di hutɔɔ, diɛ pɛli gbaɠala kaai diɛ kɛ, ɲą́ą́ ɓə gáá a Yai-Laa.

Izikiɛ 20:31

Ka kɛi li kɛ a ka wɔ haláá hɛnŋaai, kaa ka lonnii pili nwɔ̨n ɉu, ka kɛi ka mąąliɓi ɉaliɠaai tii pɔ, aa lɛɛ ɉu, aa həli la háákələi ɓa. A kɛ ti, gáá pai gbɔ́wɔ́ lɛɛi laa káá mą́ą́nin kɛ, kaai a Israɛlə nuąi? Yii kpɔ gáá a vúlú, vá tí ka hvo mą́ą́nin kɛ, Mɛ̨nį kəlee ŋą Hééɓomun Yálá woo li.»

Izikiɛ 23:37

Mąąhɔlɔɓo daa di hilɛ hvulu, daa wəli hon, ɛlɛɛ, ɲąmą pɔɔ kaa di yee ɓa; di too wəli mɛ̨nį hu da di wɔ haliɠaai, di hvo nɛɛ li a yili; lonŋąąi kwa diɛni ku gaai, di di tɛɛ ɉaliɠaai ti pɔ, yiliɠaai diɛ di mįi.

Izikiɛ 23:39

Ɲələi di kɛi di lonnii kulɔ la a haláá ɉaliɠaa diɛ, mąą yələ di lɔ nwɔ́ pɛlɛ́i mu, diɛ mąą luwu la tii; mɛ̨nįi di gɛ ɲəi bɛlɛ́n ya ka ti.

Levetekɔ 18:21

«Hvó ə́ lon da tɛɛ, diɛ Molɛkə hali kɔ́ la, hvo ə́ wɔ Yálái laa pu a dúwɔ́ pələ yili, Ɲą́ą́ ɓə gáá a Yai-Laa.

Levetekɔ 19:26

«'Ka hvo huwɔ mįi ɓɛi ka ɲąmą pulaa, ka hvo tɔlukpɛ, ka hvo ɲɛ̨ąkpɛ.

Levetekɔ 19:31

«'Ka hvo ɲąmuątaa tɔlu mɛ̨nį kaa a tɛ̨ą, ka li di pɔ, yili a ka mąąliɓi. Ɲą́ą́ ɓə gáá a Yai-Laa, ka wɔ Yálá.

Mise 5:12

ɉali mąą nįnįnŋaa da ɉali kɔ́iɠaa, ŋą́ di kpɛɛ nɔi hu, ɉɛn ə́ bɛli a ə́ yee, hvá kɛa pənə yɛ́ pɛlɛ nií la.

Gɛlaɠaa 16:16

Yələ ta, ku kɛɛ lii Yálá hvɛlii, kolo-kɛ nɛ̨ɛ̨non da ə pa ku laakwiɛn ɉii, ɲɛ̨ąkpɛ ɲįnɛ̨n da ə kɛ bulu. Ɲɛ̨ąkpɛ ɲįnɛ̨n ti, ə kɛli hɛn gɔw tiɛ̨ nąmįną diɛ kpɔ kɛnɛ̨.

Lomaŋ 7:14

Gu gɔlɔn gbɔ a tɛ̨ą guɔ diɛ: Tɔ́n gaa a nįį hu mɛ̨nį. Kɛlaa, ɲą́ą́ gáá nu kɔ́lɔ hu, daa nɔ́wɔtɔɔ yɛ luwɔ nɛ̨ŋɛ̨n ma.

Galatə 5:26

Mąą hvo nɛ̨ɛ̨li 'gu hvo gu kpɔwɔ ɲąąkɛnɛ̨, gu hvo gu liiŋąnwąną gu kee pɔ, gu hvo gu keeni ɲɛ̨ikɔw kpɔlu.

Dutɛrɔnome 32:16

Di Yai-Laa liikələn gwəi a ɓɛlɛkpɛɛ mąą túwɔ́ yii di kɛi mo. Di nwɔ liiholi muhəɠə a kwɛli hvilɛn ŋąą haliɠaa diɛ.

Dutɛrɔnome 4:25

Ɓɛlɔwai ka káá pai lon ɉɔlɔɓoi la da mąnįn mɛlaa, ka pa kɛi a nu mąą pɔlɔɔɠaa nɔi tii hu, ɲələi ka lan na kaa hali pɛli, a hɛn da mąą nįnįn, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa kaa gɛ, kaa nwąną lɔ,