Tɔɔɓɛlaa veelɛ 15:27 - Yálá laawoo hɛɓɛ (dc)

²⁷ Ɉuda tɔɔmun Azariasə nwɔ tɔɔlaa gwɛlan bow lɔɔli gɔw hveelɛɛ lɔwai ɓə, Remaliahu lon Peka ə kɛ la a tɔɔmun Israɛlə lɔi hu Samari daai. Ə kwɛlan bow hveelɛ kɛ dɔɔlaa hu.

Yálá laawoo hɛɓɛ

²⁷ Ɉuda tɔɔmun Azariasə nwɔ tɔɔlaa gwɛlan bow lɔɔli gɔw hveelɛɛ lɔwai ɓə, Remaliahu lon Peka ə kɛ la a tɔɔmun Israɛlə lɔi hu Samari daai. Ə kwɛlan bow hveelɛ kɛ dɔɔlaa hu.

Bible

²⁷ Tãi Zuda kaloŋ Azaria è kɛ̀ la ŋɔkâloŋ-laai su a kóraŋ buu feerɛi, Pika è gbîŋ kɛ̀ a kâloŋ Eezuɛ. Pika ŋí ǹâŋ láa ƃɛ́ kɛ̀ a Limalia. È kɛ̀ a kâloŋ Eezuɛ lɔii mɛi a ɣáloŋ tɔnɔ. Zeeɛ́ɛ è kɛ̀ Sameria.

Tɔɔɓɛlaa veelɛ 15:27 ပူးပေါင်းရင်းမြစ်များ

Tɔɔɓɛlaa veelɛ 15:1

Israɛlə tɔɔmun Ɉeroboamə veelɛnąą nwɔ tɔɔlaa gwɛlan bow hveelɛ kɔ́w mɛ̨ihveelɛ lɔwai ɓə, Amasiasə lon Azariasə ə dɔɔlaa hɔlɔɓo la Ɉuda lɔi hu.

Tɔɔɓɛlaa veelɛ 15:13

Yavɛsə lon Salumə ə dɔɔlaa həɠə Israɛlə lɔi hu, Ɉuda tɔɔmun Oziasə nwɔ tɔɔlaa gwɛlan bow haaɓa gɔw mɛ̨inąąn nɔwai. Ɲąnin dɔ̨nɔ̨ ɓə ə gɛ dɔɔlaa hu Samari.

Tɔɔɓɛlaa veelɛ 15:2

Gaa kwɛlan ə kɛ pow gɔw mɛ̨ida ɓɛlɔwai ə kɛ la a tɔɔmun, ə tɔɔlaa kɛ a kwɛlan bow lɔɔli kɔ́w hveelɛ Ɉerusalɛmə daai. Nee laa ɓa kɛ: Yekolyahu, yai həɠə Ɉerusalɛmə daai.

Tɔɔɓɛlaa veelɛ 15:23

Ɉuda tɔɔmun Azariasə nwɔ tɔɔlaa gwɛlan bow lɔɔli lɔwai ɓə, Menahɛmə lon Pekahia ə kɛ la a tɔɔmun Israɛlə lɔi hu Samari daai. Ə kwɛlan veelɔ kɛ dɔɔlaa hu.

Tɔɔɓɛlaa veelɛ 15:25

Nwɔ kɔ́ nwun nąmu Peka yai kɛ a Remaliahu lon, ə nɔgilii kɛ mą, ə ɓɔwa pu Pekahia ɓa, ə mą kɛ Argɔvə da Arie, di lɛɛ dɔɔ pɛlɛ́ ɲələi pələ Samari daai. Peka da Galaadə nuą ɓə li mɛ̨nįi tii kɛi. Peka ə Pekahia paa, ə hee dɔɔ kpəlin ɉu.

Tɔɔɓɛlaa veelɛ 15:26

Pekahia kɛ mɛ̨nį gbəliɠaa, mɛ̨nįɠaa kpɔ ə gɛ, yili pɛ̨ɛ̨ Israɛlə tɔɔɓɛlaa di kɛ mɛ̨nį hɛɓɛ́ hu.

Tɔɔɓɛlaa veelɛ 15:28

Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa; nɛ̨ŋɛ̨n Nevatə lon Ɉeroboamə ə Israɛlə yee lɔ ɉu, hvo həɠə bulu.

Tɔɔɓɛlaa veelɛ 15:37

Nąąlɔwai ɓə Yai-Laa ə gɔwɔ tɔɔ la yɛ, Aramə tɔɔmun Resin tɔɔ la a kɔ́ Remaliahu lon Peka ɓa Ɉuda lɔi hu.

Tɔɔɓɛlaa veelɛ 15:8

Ɉuda tɔɔmun Azariasə nwɔ tɔɔlaa gwɛlan bow haaɓa kɔ́w mɛ̨ihaaɓa lɔwai, Ɉeroboamə lon Zakari ə tɔɔlaa hɔlɔɓo Israɛlə lɔi hu Samari daai. Ə ɲąnin ɉaaɓa kɛ ɉu.

Kɔlɔnikɔ Veerɛi 28:6

Remaliahu lon Peka ə nu waa nwundɔ̨nɔ̨ nu waa pow hveelɛ paa Ɉuda nuą lɔwai a hvoló tɔ̨nɔ̨, gəlee di ɓo a kuláa walawala. Mąąhɔlɔɓo, aa kɛ kulɔ nąnni di wɔ Yálái Yai-Laa woo mu.

Azaya 7:1

Ɓɛlɔwai Yotamə lon Akazə ə kɛ la a tɔɔmun, Oziasə yɛ ɓo a Ɉuda tɔɔmun, ɛlɛɛ, Resin yɛ ɓo a Aramə tɔɔmun, Remaliahu lon Peka yɛ ɓo a Israɛlə tɔɔmun, di li kɔ́ pɛlɛi Ɉerusalɛmə taa ɓa; kɛlaa di hvo pɛli ɉon ɉii.

Azaya 7:4

ə́ mo mą, yɛ mą: «‹Ə́ líí laa yɛ́, hvo ɲɔw, ə́ líi hvo kulɔ yɛ́ gwɛi kpuwɔ hveelɛi ŋɛ̨i di mɛ̨i lulu kaa kulɔi mąą mɛ̨nį ɓa; diɛ ɓaa, Aramə tɔɔmun Resin da Remaliahu lon di wɔ liiholi kɛnɛ̨ɛ̨i.

Azaya 7:9

Ɛfraimə lɔi daa lee ɓaa Samari, ɛlɛɛ, Remaliahu lon nwɔ tɔɔlaa kɛi lɔ ɓaa Samari. Ka wala laa na, ka hvo pai lamui.»›»