Tɔɔɓɛlaa veelɛ 15:19 - Yálá laawoo hɛɓɛ (dc)

¹⁹ Asiri tɔɔmun Pulə ə pa ə pɛlɛ nɔi ɓa a kɔ́, kɛlaa, Menahɛmə ə wali kwələ kilə waa pow haaɓa tɛɛ Pulə pɔ, əgɛ, yili ə kpɔnmąą tɛɛ bɔ, dɔɔlaa ə lɛɛ ɲəi a nwalawalaa.

Yálá laawoo hɛɓɛ

¹⁹ Asiri tɔɔmun Pulə ə pa ə pɛlɛ nɔi ɓa a kɔ́, kɛlaa, Menahɛmə ə wali kwələ kilə waa pow haaɓa tɛɛ Pulə pɔ, əgɛ, yili ə kpɔnmąą tɛɛ bɔ, dɔɔlaa ə lɛɛ ɲəi a nwalawalaa.

Bible

¹⁹ Tãi Minaŋɛŋ è kɛ̀ la ŋɔkâloŋ-laai sui, Asiria kaloŋ Tigila Pileza è kɔ́ pɛ̀lɛ Eezuɛ lɔii ma. È fàa ma é kpɔŋ-maa tɛɛ Minaŋɛŋ pɔ́ naa a gɛɛ é tûa ŋɔkâloŋ-laai su, à kɛ̀ Minaŋɛŋ a fàa ma é sɛŋ kâo kole kpua-kpua ŋɔpãŋ wála buu lɔ́ɔlu mɛi feerɛ káo lɔ́ɔlu mɛi da (76,000) tɛɛ bɔ́.

Tɔɔɓɛlaa veelɛ 15:19 ပူးပေါင်းရင်းမြစ်များ

Tɔɔɓɛlaa veelɛ 12:18

Nąąlɔwai Aramə tɔɔmun Hazaɛlə ə pa ə kɔ́ pɛlɛ Gatə ɓa, ə ɉon. Hazaɛlə ə kɛi gbɔwɔ pɛli, kɔ́ too mɛ̨nį ɓa Ɉerusalɛmə ɓa.

Tɔɔɓɛlaa veelɛ 14:5

Yii kɛa Amasiasə ə hee kpɔ tin-tin dɔɔlaa hu, nuąi wɔlɔ nąn Ɉoasə paa, ə di paa yaa kpɛli.

Tɔɔɓɛlaa veelɛ 15:18

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə ɲee lɔ ɉu yɛ gɛ nwɔ yɛnɛ̨ɛ̨ kəlee yee mu, nɛ̨ŋɛ̨n Nevatə lon Ɉeroboamə ə Israɛlə yee lɔ ɉu, hvo dɔ̨nɔ̨ kpɛli mąąlaa.

Tɔɔɓɛlaa veelɛ 15:20

Menahɛmə ə nwalii tii hɔlɔɓo nįįhɔ̨nwɔ̨i ŋɛ̨i ə gulɔ Israɛlə nuą diɛ, ə da kulɔ nwali nąmįną yəi. Nu tɛitɛi ə kɛi wali kwələ pow lɔɔli kulɔ. Ə kɛi gulɔ yɛ dɛɛ Asiri tɔɔmun bɔ, əgɛ, yili ə bulu pənə hvo lɔ nɔi.

Tɔɔɓɛlaa veelɛ 15:29

Israɛlə tɔɔmun Peka nwɔ lɔwai hu, Asiri tɔɔmun Tiglatə-Pilesɛrə ə pa Iyɔn, Avɛlə-Bɛtə-Maaka, Yanoa, Kɛdɛsə, Hasɔrə, Galaadə, Galile lɔi, da Nɛftali lɔi nąą kəlee, ə nuą hon ə li a diɛ Asiri.

Tɔɔɓɛlaa veelɛ 16:8

Ɉɛni da nwalii kɛ Yai-Laa yəi bɛlɛ́n, yii kɛ dɔɔ pɛlɛ́ mu, Akazə ə ɉəɠə, ə dɛɛ Asiri tɔɔmun bɔ a ɉamą.

Tɔɔɓɛlaa veelɛ 18:16

Nąąlɔwai ɓə Ezekiasə ə ɉɛnii kɛ Yai-Laa nwɔ pɛ́lɛ́i gbonŋaa ɓa ə di kulɔ la, ə hɛni pɛlɛ mą, ə dɛɛ Asiri tɔɔmun bɔ.

Nehemi 9:32

«Yii hu kɛa, ku wɔ Yálá, yɛ́i ə́ kaa a Yálá kɛnɛ̨ɛ, vaŋą kɛnɛ̨ɛ, mąą ɲɔwɔ, mįnɛ̨i ka ɉəɠə ya bɔ mɛ̨nį kɛ da ə́ woo; mɔ̨nɔ̨i ŋɛ̨i aa laa ku wɔ, hvo gaa a mɛ̨nį hviikpɛɛ. Kuɔ-o, ku wɔ tɔɔɓɛlaai, ku ŋąąwoo ɓo nuą, ku wɔ haláá laa həli nuą, da ə́ wɔ loloɓo nuąi, da ku ną́nni, ə mą kɛ nɔi lonnii kəlee, ə həɠə Asiri tɔɔɓɛlaa di wɔ hvólói ɓa, ə həli la háákələi ɓa.

Mąątɛ̨nɛ̨ 83:8

Gevalə nuą, Amɔn nuą, Amalɛkə nuą, Filisti nuą da Tirə nuą.

Azaya 9:1

Nuąi kɛi hiɛi kpinį hu, daa kɛɛ pɔ̨nɔ̨ kɛnɛ̨ kaa; nuąi di wɔ lɔi kaa haa nįnįn mu, kɛɛ aa pɔ̨nɔ̨ di mɛ̨i.

Ɉeremi 17:5

Yai-Laa woo kaa, yɛ: Nɛ̨ŋɛ̨n naa mun mąą nui a gilitɔɔ nu kan ma, yɛ nįį na nu nwɔ yeewalawala mɛ̨i, yɛ gili kulɔ Yai-Laa hu.

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Izikiɛ 23:5

Ohola ə too wɛli honŋąą hu; hvo lɛɛ ɲə́i; nii mu ə həɠə kɛnɛ̨ nwɔ wɛliɠaa pɔ; diɛ ɓaa a Asiri nuą, diɛi a gwɛlɛ nuą.

Osia 10:6

Nįŋɛ̨ lon gbɛli mąn, di kaa pai líi la Asiri, a nąą tɔɔmun gɛnɛ̨ hamą. Yili a kɛ a Ɛfraimə nwumɛ̨ mɛ̨nį, Israɛlə ɲɛ̨i yɛ paa nwɔ lɔ giliiɠaa mąą mɛ̨nį ɓa.

Osia 5:13

Ɛfraimə aa nwɔ ɲɔ̨n kaa, Ɉuda yaan, aa nwɔ palai kaa; Ɛfraimə aa li Asiri pɔ pələ, ɛlɛɛ, aa kɛla tɔɔ dɔɔmun gɛnɛ̨ pɔ. Kɛlaa, gáá moi kaa: Hva pɛli ka ɓaloi, hva pɛli ka wɔ palai hali kɛi.