Tɔɔɓɛlaa veelɛ 14:27 - Yálá laawoo hɛɓɛ (dc)

²⁷ Yai-Laa hvo kɛ kɛ li diɛ gaa Israɛlə laa kpɛɛi yələkɔlɔn mu. Ə di nwun mąąɓo a Ɉoasə lon Ɉeroboamə ɲee hu.

Yálá laawoo hɛɓɛ

²⁷ Yai-Laa hvo kɛ kɛ li diɛ gaa Israɛlə laa kpɛɛi yələkɔlɔn mu. Ə di nwun mąąɓo a Ɉoasə lon Ɉeroboamə ɲee hu.

Bible

²⁷ Nyíi nɔ́ Yâwɛɛ è wɔ́lɔ góno tèe a gɛɛ vé pâi Eezuɛ-ŋai kélee su karâi ŋ̀éniɛi sui, è kpɔŋ maa tɛ̀ɛ Zoai ǹóŋ Zɛroboaŋ pɔ́ é díŋuŋ ma ƃó.

Tɔɔɓɛlaa veelɛ 14:27 ပူးပေါင်းရင်းမြစ်များ

Tɔɔɓɛlaa veelɛ 13:23

Kɛlaa, Yai-Laa ə Israɛlə nuą ɲɛ̨imąąwɛli kaa, ə ɲɛ̨i lɛlɛɛ hee diɛ, mįnɛ̨ da Abrahamə, Isaakə, Ɉakɔbə ni di ɉəɠə mąą mɛ̨nį ɓa; hvo kɛ bɔ di huwu hvo kpɛɛ, hvo di pili ɲɛ̨ipulu.

Tɔɔɓɛlaa veelɛ 13:5

Yai-Laa ə nu tɛɛ Israɛlə nuą pɔ, yii ə di nwun mąąɓo. Israɛlə nuą di kulɔ Aramə nuą yee mu, nu kəlee ə hee ɲəi bɛlɛ́n yɛ bələ ə kɛ la a tɔlɔɔ tɔlɔɔ yələ.

Tɔɔɓɛlaa veelɛ 5:1

Naaman ə kɛ a Aramə tɔɔmun nwɔ kulááɠaa nwun nąmu kɛnɛ̨, nwɛli ə ɓo nwɔ tɔɔmun mą kpɔ kɛnɛ̨. Mąąhɔlɔɓo, yaa tii ɲee hu ɓə Yai-Laa ə kɛi yeetɛɛmąą tɛɛ la Aramə pɔ. Kɛlaa, gɔ́kuláá walawalai tii, hvólóɲɔ̨n ə kɛ mą.

Mąątɛ̨nɛ̨ 69:28

Di kɛ mɛ̨nį ɲɔ̨nŋaa pu gee mɛ̨i, di wɔɔ nąą hvo kɛa kɛ ə́ wɔ tələnmolaai hu.

Dutɛrɔnome 25:19

A kɛ tii Yai-Laa ka wɔ Yálái a pa hvįįtɔɔ tɛɛi ka pɔ, yɛ ka kulɔ ka yowoɠaa kəlee yəi nɔi hu, a nɔi Yai-Laa ka wɔ Yálái kaa dɛɛi ka pɔ a ka kwɛlin yɛ ka hee ɉu; Amalɛkə laa kulɔ yələkɔlɔn mu; ka hvo lɛ̨ą yili ɓa.

Dutɛrɔnome 29:20

Yai-Laa a mąą nu huwu kulɔ Israɛlə nuhuwuɠaa kəlee lɔwai, ə nwun na pili, bələ ɓə, mįnɛ̨i ŋɛ̨i bɛ̨ɛ̨ dɔ́n ɉɛɓɛ́i ŋɛ̨i hu, ɉu mɛ̨nįɠaa a nɛɛ la ma.

Dutɛrɔnome 9:14

Nɛ́ɛ́ laa ŋį́ di nwun na pili, gáá di laa kpɛɛi yələkɔlɔn mu; kɛlaa, gáá ə́ kɛi a nu huwu hvaŋą kɛnɛ̨ɛ dɛɛ diɛ.»

M̀ɛni-lɛɛi 3:5

«Bələ ɓə, nui ɲee a tɛɛ mɛ̨nįɠaa tii ɓa, gaa pai həɠə kwɛlɛɛɠaa tooi la gwąną, ɛlɛɛ, vá naa waa yɛnɛ̨ɛ̨ hva kpɛɛ hɛɓɛ́ hu, ɛlɛɛ, ŋą́ naa ɓo Ną́n ɲɛ̨i ɓa da nwɔ malakaɠaai ɲɛ̨i ɓa.

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.