Tɔɔɓɛlaa veelɛ 14:19 - Yálá laawoo hɛɓɛ (dc)

¹⁹ Di nɔgilii kɛ mą Ɉerusalɛmə daa, ə pu ə li Lakisə, di nuą laŋąn mą Lakisə, di baa laa.

Yálá laawoo hɛɓɛ

¹⁹ Di nɔgilii kɛ mą Ɉerusalɛmə daa, ə pu ə li Lakisə, di nuą laŋąn mą Lakisə, di baa laa.

Bible

¹⁹ Nûa da-ni dí tɔ̀ɔ Amazia ma Zerusâlɛŋ dí gbɛtɛ a gɛɛ dí baa. Nya ƃe tãi è gɔ̀lɔŋ lai, è pu é lí Laki taa-leei su. Tãi è lì la naai, ŋɔkpɔara-ƃelai dí làaŋ ma naa, dí pɛ̀lɛ ma dí baa.

Tɔɔɓɛlaa veelɛ 14:19 ပူးပေါင်းရင်းမြစ်များ

Tɔɔɓɛlaa veelɛ 14:18

Amasiasə kɛ mɛ̨nį gbəliɠaa, kɛlɛi gəlee pɛ̨ɛ̨ Ɉuda tɔɔɓɛlaa kɛ mɛ̨nį hɛɓɛ́ hu-ee?

Tɔɔɓɛlaa veelɛ 14:20

Di bowa laa wotolo hu, hooɠaa diɛ ɲala, di paa la Ɉerusalɛmə di noo nąnni kámą hu Davidə taa.

Tɔɔɓɛlaa veelɛ 15:10

Yavɛsə lon Salumə ə lɔ Zakari kilii, ə ɓɔwa pu mą nuą ɲɛ̨i ɓa, ə baa ə hee ɉeei dɔɔlaa hu.

Tɔɔɓɛlaa veelɛ 15:14

Gadi lon Menahɛmə ə həɠə Tirsa, ə pa ə ɓɔwa pu Yavɛsə lon Salumə ɓa Samari daai, ə baa, ə hee dɔɔlaa hu.

Tɔɔɓɛlaa veelɛ 15:25

Nwɔ kɔ́ nwun nąmu Peka yai kɛ a Remaliahu lon, ə nɔgilii kɛ mą, ə ɓɔwa pu Pekahia ɓa, ə mą kɛ Argɔvə da Arie, di lɛɛ dɔɔ pɛlɛ́ ɲələi pələ Samari daai. Peka da Galaadə nuą ɓə li mɛ̨nįi tii kɛi. Peka ə Pekahia paa, ə hee dɔɔ kpəlin ɉu.

Tɔɔɓɛlaa veelɛ 15:30

Ela lon Ose ə nɔgilii kɛ Remaliahu lon Peka ɓa, ə baa, ə hee ɉeei dɔɔlaa hu. Oziasə lon Yotamə nwɔ tɔɔlaa gwɛlan bow hveelɛ lɔwai li kɛ.

Tɔɔɓɛlaa veelɛ 18:14

Ɉuda tɔɔmun Ezekiasə ə nuą tɔɔ Asiri tɔɔmun bɔɔli Lakisə, yɛ mą: «Ŋą́ą́ ɉɔ́n gɛ, hvó kɛ ə́ kaa pɛlɛi mą́ą́ a kɔ́; kɛlaa, tiɛ̨i yá naa nwúɔ̨, ŋą́ ɉəɠə.» Asiri tɔɔmun ə kɔ́ nįįhɔ̨nwɔ̨ laa Ɉuda tɔɔmun nwuɔ̨ a wali kwələ kilə waa mɛ̨inąąn da hɛni kilə nwun mɛ̨inąąn.

Tɔɔɓɛlaa veelɛ 18:17

Asiri tɔɔmun ə lɛɛ Lakisə daai, ə nwɔ kɔ́kulááɠaa kəlee ɲɛ̨itɔwɔmun, da gɔ́laɠa nwun nąmu, ə mą kɛ, nwɔ kɔ́ kɔ́ hɛnŋąą həɠə mu, ə di tɔɔ Ɉerusalɛmə tɔɔmun Ezekiasə pɔɔli, da kɔ́kuláá kpulu kɛnɛ̨. Di pa, di həli Ɉerusalɛmə. Di pa di tɔɔ ɓɛi a ɲá heei kɛnɛ̨ ɓa ɲələi pələ nąą kwɛlɛ, bələi tii a li ɉəɠə waa mun bɔ yɛa pələ, mɛ̨i.

Tɔɔɓɛlaa veelɛ 21:23

Tɔɔmun Amɔn yee mu nuą di lɔ gilii, di baa ɲəi bɛlɛ́n.

Tɔɔɓɛlaa veelɛ 9:27

Yili nąą kaai Ɉuda tɔɔmun Akaziasə ə mo, ə tɛɛ a gilɛ, ə li Bɛtə-Gan pələ. Kɛlaa, Ɉehu ə hvilɛn bulu, yɛ diɛ: Ka yaa kpɛli mąn baa! Di Akaziasə lɛɛ nwɔ wotoloi hu di ɉaɠa Gurə yee ɓa Yivleamə kwɛlɛ. Ə pa Megido, ə haa laa.

Ɉeremi 34:7

Ɓɛlɔwai Babilonə tɔɔmun ə kɛi gɔ́ pɛlɛ la Ɉerusalɛmə taa ɓa, da Ɉuda taaɠaai kɛi tɔɔ na, yɛ bələi Lakisə da Azeka di kaa laa, mąąhɔlɔɓo, diɛ ɓə a Ɉuda taaɠaai di mąąkpɛ hįi ə kɛ diɛ; di hvo ni kɛ daa hveelɛi tii hon ni.

Mise 1:13

Lakisə nɛ̨ɛ̨nu, ɉooɠaa kpulɔn nwotolo ɓa; nąą ɓə Siɔn nɛ̨ɛ̨gbɛla nwɔ nɛ̨ŋɛ̨n kpala ə tɔɔlaa. Mąąhɔlɔɓo, ə́ pɔɔli ɓə Israɛlə ə nwɔ kulɔ nwoo mu laa kɛ laa.

Zasua 10:3

Ɉerusalɛmə tɔɔmun Adoni-Sedɛkə ə nuą tɔɔ Hebrɔn tɔɔmun Hohamə pɔɔli, da Yarmutə tɔɔmun Pireamə, da Lakisə tɔɔmun Yafia, da Ɛglɔn tɔɔmun Devirə, yɛ diɛ:

Zasua 10:31

Ɉosue da Israɛlə nuą kəlee di həɠə Livna, də li Lakisə, di nąą mąą tínɛ̨n, di kɔ́ pɛlɛ mą.

Zasua 15:39

Lakisə, Bɔskatə, Ɛglɔn,