Tɔɔɓɛlaa veelɛ 14:10 - Yálá laawoo hɛɓɛ (dc)

¹⁰ A tɛ̨ą, Amasiasə! Ə́ yee tii aa tɛɛ Edɔmə lɔi ɓa kɔ́ hu, ya ka tii gɛi yɛ́ ə́ nwun dɛ la. Ə́ nwun dɛ-o! Kɛlaa, lɛɛ la ə́ pɔɔli. Lə mɛ̨nį ɓa, ə́ kaa tɔɔi ə́ nwun nɛɛ ɉu mɛ̨nį tɔwɔ, yɛ́ kɛ ə́ Ɉuda lɔi lɛɛ ə́ pɔ nwun na ə pili?.»

Yálá laawoo hɛɓɛ

¹⁰ A tɛ̨ą, Amasiasə! Ə́ yee tii aa tɛɛ Edɔmə lɔi ɓa kɔ́ hu, ya ka tii gɛi yɛ́ ə́ nwun dɛ la. Ə́ nwun dɛ-o! Kɛlaa, lɛɛ la ə́ pɔɔli. Lə mɛ̨nį ɓa, ə́ kaa tɔɔi ə́ nwun nɛɛ ɉu mɛ̨nį tɔwɔ, yɛ́ kɛ ə́ Ɉuda lɔi lɛɛ ə́ pɔ nwun na ə pili?.»

Bible

¹⁰ Amazia, gáa íkili ŋá a gɛɛ íwala-wâlai nâa a ŋá ŋánaa kpɛ́ni fêi, í Idɔŋ lɔii yée-mɛi ɣâle kɔ́ su. Mɛnii ŋí a íŋɛi tɛ́. Kɛ́lɛ lɛ́ɛ í pɔ́-taai í maa yoŋka tɛɛ. À kɛ̀ ƃa mɛni kpɔ̂lu kɔ̀ri yâ, ka ílɔii-ŋuŋ su-ƃelai kélee ká ŋuŋ lá a pâi pilîi.”

Tɔɔɓɛlaa veelɛ 14:10 ပူးပေါင်းရင်းမြစ်များ

Tɔɔɓɛlaa veelɛ 14:7

Amasiasə yee ə tɛɛ Edɔmə ɓa gboloyá ɓoloon bɔ, nu waa pow ɓə lɛɛ gɔi tii hu. Ə Sela taa hon, ə nąą laa hee a Yokteɛlə, naai tii lɔ ɓə ni mą háá ɓa a háá.

Kɔlɔnikɔ Veerɛi 26:16

Vaŋą kɛnɛ̨ pələi tii, humɛ̨ni kɛnɛ̨ ə lɔ ɉu, ə lɛɛ la ɉu, ə gbɔwɔ nwun napili; hvo lɛɛ Yai-Laa nwɔ Yálái ɓa kwəi tɔ̨nɔ̨ laa hu. Ya ka tii lii, yɛ lɔ Yai-Laa nwɔ pɛlɛ́i mu, yɛ lansan kələn lansan kələn ɉi.

Kɔlɔnikɔ Veerɛi 32:25

Kɛlaa Ezekiasə hvo Yálá nwɔ mɛ̨inɛ̨ɛ̨ tii hukɔlɔn mą, ɛlɛɛ, nwɔɔ hu mɛ̨nį kɛnɛ̨ laa mąą mɛ̨nį, əgɛ, di liiholi hee Ɉuda da Ɉerusalɛmə ɓa.

Kɔlɔnikɔ Veerɛi 35:21

Neko ə tiɓo kə mun Ɉosiasə pɔ, ə pa yɛ mą: «Ɉuda tɔɔmun! Lə mɛ̨nį ɓə gaa gwa yɛ́ gu lɔwai? Yɛ́ hvəi ŋį́ pa kɔ́ pɛlɛi yɛ́ háákələi, kɛlaa, ɲówo pɔlɔ-pɔlɔi ŋɛ̨i ɓə! Yálá yɛ ŋį́ gɔɠɔ mąąhulɔ; Ɲálái ŋɛ̨i aa tɔɔ búlú, hvó kɛ ə́ kaa tɔɔi na, hvo pa ə́ hukala.»

Lɛɛ gbɔwɔ ɓa 8:9

Yai-Laa ə gɛ yɛ bələi Moisə ə ɉu hvɛli la. Gbəŋəɠaa kəlee di haa bɛlɛ́ɠaa mu, gwəliɠaa hu, da ɲɛɛ kɔ́wɔɠaa hu.

Hanwon 15:18

Nui a níiholi ɉa, a hvaa too, nui ɲee a pɛli níi ɓa, a kpilɛn ŋąą yɛɛ.

Hanwon 16:18

Kpɔwɔ ɲąą kɛnɛ̨ a kɛɛ kala, ɲɛ̨itɛ yɛ nu hukala.

Hanwon 17:14

Nui a hvaa kɔ́wɔ tɔɔ, gaa yɛ nui a gaɓan ɉəɠə yá tɔwɔ. Gɛɛ vaa hu hvo kɛnɛ̨, həɠə laa.

Hanwon 20:3

Nui a ɲee kulɔ hvaa mɛ̨nį hu, ɲɛ̨i a pɔ̨nɔ̨. Kɛlaa, kilikpɛɛgwəi nuą líiholi laa nɛ̨ɛ̨i.

Hanwon 25:8

Mɛ̨nįi ə́ ɲɛ̨i ə gaa, 'hvó humo 'hvó mo kiti haɠa ɓa, yili a kɛ tii, akɛ nui ŋɛ̨i ə́ ɉɔn doo a pa, tɛ̨ą a wala kɛ ə́ pɔ, lə ɓə kɛa yá gɛ?

Hanwon 26:17

Hvaai ə́ laa hvo ɉu, yá ə́ laa pili ɉu, gaa yɛ, yilɛ a kɛi tɛɛ, nu yɛ ɉon a nwəli.

Hanwon 3:30

'Hvó ɓaɠaɓo nu ɓa, 'hvó hvaa pɛlɛ mą kpɛli-kpɛli.

Izikiɛ 28:5

Ə́ kili ɲą laai yɔw kɛi, yáá ə́ yəi hɛn gɔw hu kɛnɛ̨, ɛlɛɛ, hɛn gɛnɛ̨ pələ ə́ yəi, yáá ə́ nwun dɛ.

Izikiɛ 38:17

Mɛ̨nįi Mɛ̨nį kəlee ŋą Hééɓomun Yálá kaa moi ya ka, yɛ: Yɛ́ ɓə ŋį́ kɛi ə́ mąą mɛ̨nį ɓo; wɔlɔ wɔlɔ mɛ̨nį li; gwə́i mɛ̨nį hu kulɔ nuą, diɛ gwə́i mɛ̨nį ɓo, yɛ hvilɛn yɛ́; kwɛlan damąą yee mu, diɛ kɛ gáá pai pai a yɛ́, yɛ́ pɛlɛ diɛ a kɔ́.

Izikiɛ 38:2

Hulɔnu lon, ə́ ɲɛ̨i tinɛ̨n Magɔgə lɔi hu, Gɔgə pɔ pələ; yai gaa a Mɛsɛkə da Tubalə tɔɔmun gɛnɛ̨ɛ. Gwə́i mɛ̨nį hukulɔ, yɛ hvilɛn mą.

Izikiɛ 38:5

Pɛrsə lɔi da Nubi da Putə, di kaa pai kɛi di pɔ. Ɓowa kwɛa da kɔ́ kɔ́ hə́mə di ɓo gəlee yəi.

Danîa 11:12

Ɲeetɛɛmaai tii ɉɛɠɛɛ pələ tɔɔmun a gɛ, a gbɔwɔ ŋąą kɛnɛ̨ yili hu. Kɛlaa, pələ ma a kɔ́kuláá kpulu tamąą paa la, ya hvəi pai yeetɛɛmąą kɛi.

Habakukə 2:4

Bɛ̨ɛ̨ yɛ diɛ: Nui nwɔ kiliŋąhiɛ ɲɔ̨nwɔ̨ɔ̨i a too, Kɛlaa, nui tələnmoɔ a yɛnɛ̨ɛ̨ kɛ, nwɔ tələmo laa haalai.

Habakukə 2:5

A tɛ̨ą lɔɔ a nu ɓowo. Kpɔɔɲąŋą kɛnɛ̨ yɛ nu həɠə pələ mɛ̨i. Di kwəi kɛnɛ̨i yɛ ɲąmuątaa di kɛ pələ kaa yɛ haa, di hva pilɛ. Da lɔi tɔ̨nɔ̨ hu nuą kpələ, di hvilɛn dakpɛliɠaa pulu. Diɛ lɔiɠaa lɔ di yee mu.

Dutɛrɔnome 8:14

ka hvo kɛ ka káá ka kpɔwɔ ɲąą kɛnɛ̨i, kaa lɛ̨ą Yai-Laa ka wɔ Yálái ɓa. Yaa tii ɓə ka kulɔ Eziptə lɔi hu, nuwɔ laa pɛ́lɛ́i tii mu.

Zĩi 1:9

Kristalon wɔ yɛnɛ̨ɛ̨ pɛliɛ mą, mąą mɛ̨nį nwąną mɛ̨nį ə kɛ a nwɔɔ ɲɛ̨i pono;

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Nwun mąąɓo 9:52

Abimelɛkə ə pa ə pɛlɛ bɛlɛ́ ɓa, nwɔ̨n doo mɛ̨nį ɓa ɉu.