Tɔɔɓɛlaa veelɛ 13:14 - Yálá laawoo hɛɓɛ (dc)

¹⁴ Elise ə too a ɲɔ̨n, ɲɔ̨n tii ɓə ə lɛɛi ɉu. Israɛlə tɔɔmun Ɉoasə ə li bɔɔli, ə ɲɛ̨ilai pɛlɛ Elise ɲɛ̨ilai, yɛ wɔlɔ, yɛ kɛ Elise ɓa: «Ną́n! Ną́n! A Israɛlə nwɔ huwalawala da nwɔ hoo mɛ̨imun!»

Yálá laawoo hɛɓɛ

¹⁴ Elise ə too a ɲɔ̨n, ɲɔ̨n tii ɓə ə lɛɛi ɉu. Israɛlə tɔɔmun Ɉoasə ə li bɔɔli, ə ɲɛ̨ilai pɛlɛ Elise ɲɛ̨ilai, yɛ wɔlɔ, yɛ kɛ Elise ɓa: «Ną́n! Ną́n! A Israɛlə nwɔ huwalawala da nwɔ hoo mɛ̨imun!»

Bible

¹⁴ Ɣâla ŋɔlóno-kɛ-nuui Ilasa è naa kɛ̀ kɔlɛ̂i kpɔ́ a gbanaŋɔɔ. Ǹyaŋ gɔlɔ-felai ŋí ƃé è lɛ̀ɛ zu. Eezuɛ kaloŋ Zɛoasi è lì bɔ́ naa a gɛɛ é naa káa. Gâloŋ è wɔ̀lɔ ma ǹyɛɛi, “Ńâŋ! Ńâŋ! Í kɛ̀ a Eezuɛ maa-kɔ̃ɔ-nuu kpanaŋɔɔ!”

Tɔɔɓɛlaa veelɛ 13:14 ပူးပေါင်းရင်းမြစ်များ

Zɛnɛse 48:1

Mɛ̨nįɠaai tii kəlee tɛɛ pulu, diɛ Ɉosɛfə ɓa: «Ə́ nąn gaa ɲɔ̨n gɛi.» Ɉosɛfə ə nɛɛ mą, ə nonnii hveelɛi həɠə, Manase da Ɛfraimə da diɛni di li.

Zɛnɛse 49:33

Ɉakɔbə ə kpɛɛ lɔ a niɛwooɠaai tii kɛɛ nonnii diɛ, ə tinɛ̨n, ə laa ə kɛ lɔ kɛa a niɛ nąnni pɔ.

Zɛnɛse 50:1

Ə kɛ lɔ tii, Ɉosɛfə ə wolo nąn ma, ə wɔlɔ kpɔ kɛnɛ̨, ɲɛ̨iya yɛ pu nąn ɲɛ̨ilaa, ə yələwala too nąn ma.

Tɔɔɓɛlaa veelɛ 13:12

Ɉoasə kɛ mɛ̨nį gbəliɠaa, mɛ̨nįɠaa kpɔ ə gɛ, gɔɠaai da Ɉuda tɔɔmun Amasiasə di gɔ́, kɛlɛi gəlee pɛ̨ɛ̨ Israɛlə tɔɔɓɛlaa kɛ mɛ̨nį hɛɓɛ́ hu-ee?

Tɔɔɓɛlaa veelɛ 13:13

Ɉoasə ə laa nąnni kwɛlɛ, Ɉeroboamə ə hee dɔɔlaa hu, di Ɉoasə loo Samari daai Israɛlə tɔɔɓɛlaa kámą hu.

Tɔɔɓɛlaa veelɛ 13:15

Elise yɛ mą: «'Ə́ nwɔ kilɛn ɉəɠə, ə́ bɛlɛ mɛ̨ɛ̨kɔwɠaa diɛ.» Ɉoasə ə gilɛn ɉəɠə ə bɛlɛ mɛ̨ɛ̨kɔwɠaa diɛ.

Tɔɔɓɛlaa veelɛ 2:12

Elise ə kɛli gaa, yɛ tomą, yɛ kɛ mą: «Ną́n! Ną́n! Yɛ́i Israɛlə nwɔ kɔlaɠa da nwɔ wotolo!» Yii pulu Eli ə kpɛɛ Elise ɲɛ̨i, Elise ə gwaną həɠə huɓɛla ɉu hveelɛ.

Tɔɔɓɛlaa veelɛ 20:1

Nąąlɔwai tii, ɲɔ̨n ə pɛlɛ Ezekiasə ɓa, a ɉaa ɲɔ̨n. Yálá kwəi mɛ̨nį hukulɔ mun Amɔsə lon Esai ə pa, yɛ mą, mɛ̨nįi Yai-Laa ə mo ya ka: «Yɛ, ə́ ə́ yəi bɛlɛ́n bɛli, mąąhɔlɔɓo, ə́ kaa pai haai, hvó pai kulɔ ɲɔ̨n ŋɛ̨i hu.»

Tɔɔɓɛlaa veelɛ 6:21

Yii lɔ Israɛlə tɔɔmun ə di kaa, yɛ Elise ɓa: «Nán! Ŋą́ di paa?»

Mąątɛ̨nɛ̨ 12:1

Nwələ ɲɛ̨itɔwɔmun, gwɛnįn, ɲɛli ə ɓo ɲą mɛ̨ihaaɓa, Davidə nwɔ wələ.

Hanwon 11:11

Mɛ̨nį kɔ́lɔn ŋąą a ə́ mɛ̨i kaa. Kiliŋąhiɛ lɛlɛɛ yɛ kpɔmąą tɛɛ ə́ pɔ.

Azaya 57:1

Tələnmo lon a haa, nu ta hva yili kaa a mɛ̨nį wala wala, da nu lɛlɛɛɠaa həɠə di yəi bɛlɛ́n, ɛlɛɛ, nu ta hva gaa yɛ kɛ, kili ɲɔ̨nwɔ̨ɔ̨ ka tii a gɛ, diɛ tələnmomun nwuɔ̨.

Izikiɛ 14:14

Ə mą kɛ, nu haaɓai ɲɛ̨́i a Noe, Daniɛlə, da Ɉobə, da kɛ kɛ nɔi ti hu, diɛ lɔ ɓə li pɛli di kpɔwɔ nwun mąąɓoi a di wɔ tələnmolaa. Mɛ̨nį kəlee ŋą Hééɓomun Yálá woo li.

Izikiɛ 22:30

Ŋą́ ɲɛ̨́i laa a nu di lɔwai, yii a pɛli bɛlɛ́ nwąną muhəɠəi; yɛ tɔɔ nííla nwolo kɛɛnąą nɔi ɓalo mɛ̨nį ɓa, və́ pa lee ɉukala; kɛlaa, və́ mąą nu kaa li.

Zakari 1:5

Ka nąnnii tii, mįnɛ̨ ɓə di kaa laa? Ɛlɛɛ, Yálá kwəi mɛ̨nį hu kulɔ nuąi tii, di kaa lɔ mɔ̨ɔ̨ ni yɛnɛ̨ɛ̨?

Markə 6:20

Herodə ə kɛi ɲɔ̨w Ɉaan ɓa. Mąąhɔlɔɓo, ə kɛ gɔlɔn yɛ Ɉaan kaa a nu mąąhəɠɛɛ, əlɛɛ, dəlimo. Herodə ə kɛi Ɉaan mɛ̨i kaa. Herodə aa kɛi kɛ Ɉaan woo mɛ̨n, gwəi ə kɛi pili mą. Kɛlaa, ə mą kɛ tii, nwoo mɛ̨n nwɛli ə kɛ lɔ mą.

Ɉaan 11:3

Lazarə mąąhalani di wəlɛɛ tɔɔ Jesus pɔ diɛ mą: «Ną́mu, nui ŋɛ̨i nwɛli ə kɛ yɛ, gaa ɲɔ̨n gɛi.»

Gɛlaɠaa 13:36

«Davidə nwɛi, nwɔ yɛnɛ̨ɛ̨ kəlee hu, ə kɛi tí Yálá ɓa, yii kpɔ Yálá ə kɛ bɔ, ya ɓə ə gɛ. Ə haa, di naa nąnni kwɛlɛ, ɛlɛɛ, gɔlɔ ə luwun.

Filipə 2:26

gaa kpɔ bɔ ə ɲɛ̨i tɔɔ káá, niihɛlɛnŋąąi, mąąhɔlɔɓo, kaa kɛ nwɔ ɲɔ̨n mɛ̨nį pələ mɛ̨n.