Tɔɔɓɛlaa veelɛ 12:20 - Yálá laawoo hɛɓɛ (dc)

²⁰ Ɉoasə kɛ mɛ̨nį gbəliɠaa, da mɛ̨nįɠaa kpɔ ə gɛ, kɛlɛi gəlee pɛ̨ɛ̨ Ɉuda tɔɔɓɛlaa kɛ mɛ̨nį hɛɓɛ́ hu-ee?

Yálá laawoo hɛɓɛ

²⁰ Ɉoasə kɛ mɛ̨nį gbəliɠaa, da mɛ̨nįɠaa kpɔ ə gɛ, kɛlɛi gəlee pɛ̨ɛ̨ Ɉuda tɔɔɓɛlaa kɛ mɛ̨nį hɛɓɛ́ hu-ee?

Bible

²⁰ Zoasi ŋɔkâloŋ-laai kpɛɛ ŋá tãi, ŋɔgɔmɛnɛ-ƃela kpaya-kpayai da-ni dí díwoo sèe a gɛɛ dí baa. Nya ƃe dí bàa Mɛlo ŋɔpɛ́rɛi mu nyii gáa berei ma ƃa kɛ̀ liî Sɛla.

Tɔɔɓɛlaa veelɛ 12:20 ပူးပေါင်းရင်းမြစ်များ

Samia Veerɛi 5:9

Davidə ə hee gulaa kwəlii, ə nąą laa hee a «Davidə taa.» Yili pulu, Davidə ə pɛlɛ́ɠaa tɔɔ kpɔ nąą kwɛlɛ kəlee, ə həɠə gɛɛnąą laa hvɛɛ ɓa, yɛ li la daa kwəi pələ.

Tɔɔɓɛlaa dɔlɔɔ 11:27

Bələi ə tɔɔ la tɔɔmun na, bələ ka: Mɛ̨nɛ̨i ŋɛ̨i kɛ Yálá hee pɛlɛ́, da dɔɔ pɛlɛ́ di lɔwai, ɓɛlɔwai Salomɔn ə kɛi dɔɔ la, yɛ nąn Davidə taa hį́i nwoloi laa kpulu,

Tɔɔɓɛlaa dɔlɔɔ 14:29

Roboamə kɛ mɛ̨nį gbəli, mɛ̨nįɠaa kpɔ ə gɛ, kɛlɛi di bɛ̨ɛ̨ Ɉuda tɔɔɓɛlaa kɛ mɛ̨nį hɛɓɛ́ hu-e?

Tɔɔɓɛlaa veelɛ 12:19

Ɉuda tɔɔmun Ɉoasə ə ɉɛn gɔwɠaai kɛ Yai-Laa yəi bɛlɛ́n gəlee həɠə, yai kɛ Ɉosafatə, Yoramə, da Akaziasə, diɛi kɛ a galani a Ɉuda tɔɔɓɛlaa, ə mą kɛ yaa kpinįi tii, yii kɛ daa Yálá kɔ́ la, ə mą kɛ ɉɛni yii kɛ ɲəi bɛlɛ́n, dɔɔ pɛlɛ́ mu, ə gəlee tɛɛ Aramə tɔɔmun Hazaɛlə ɓa; yili hvo kɛa pa Ɉerusalɛmə a kɔ́.

Tɔɔɓɛlaa veelɛ 14:5

Yii kɛa Amasiasə ə hee kpɔ tin-tin dɔɔlaa hu, nuąi wɔlɔ nąn Ɉoasə paa, ə di paa yaa kpɛli.

Tɔɔɓɛlaa veelɛ 21:23

Tɔɔmun Amɔn yee mu nuą di lɔ gilii, di baa ɲəi bɛlɛ́n.

Tɔɔɓɛlaa veelɛ 8:23

Yoramə kɛ mɛ̨nįɠaa yiiɠaai lɛɛ pulu, mɛ̨nįɠaa kpɔ ə gɛ, yili hvo mɔ̨ɔ̨ pɛ̨ɛ̨ li Ɉuda tɔɔɓɛlaa di kɛ mɛ̨nį hɛɓɛ́ hu?

Kɔlɔnikɔ Veerɛi 25:27

Amasiasə a kulɔ kɛ nąą ta, hvo kɛi hiɛ Yai-Laa nwɔ liɛwoo kpaalə mɛ̨i. Nuą di lɔgilii Ɉerusalɛmə daai, ə pu, ə li Lakisə. Di nuą tɔɔ bulu Lakisə, nąą ɓə di baa laa.

Kɔlɔnikɔ Veerɛi 33:24

Ɲee pɔ nuą di lɔgilii kɛ mą, di baa ɲəi bɛlɛ́n.

Nwun mąąɓo 9:6

Sisɛmə kalanɉonŋąą kəlee da Bɛtə-Milo daai nuą kəlee, di di ɲąąkpɔn, də li ɓɛi ŋɛ̨i gwɛni ə kɛ laa vaa wəla kwɛlɛ, Sisɛmə daa kpala, di Abimelɛkə hee laa a tɔɔmun.