Tɔɔɓɛlaa veelɛ 12:10 - Yálá laawoo hɛɓɛ (dc)

¹⁰ Ɉaláá laa həli mun Yohoyada ə kəhi ta həɠə, ə nwolo ɓɔ naawulun mɛ̨i, ə ɉee ɉaláá kulɔ taɓali kwɛlɛ, nu a kɛi lɔ Yai-Laa yəi bɛlɛ́n, ɓa-mįi-yee hu pələ. Ɉaláá laa həli nuąi kɛi di ɲɛ̨i kɛ bɛlɛ́ laaləi, walii kpɔ di kɛi paa la Yai-Laa yəi bɛlɛ́n, di kɛi doo gəhii tii hu.

Yálá laawoo hɛɓɛ

¹⁰ Ɉaláá laa həli mun Yohoyada ə kəhi ta həɠə, ə nwolo ɓɔ naawulun mɛ̨i, ə ɉee ɉaláá kulɔ taɓali kwɛlɛ, nu a kɛi lɔ Yai-Laa yəi bɛlɛ́n, ɓa-mįi-yee hu pələ. Ɉaláá laa həli nuąi kɛi di ɲɛ̨i kɛ bɛlɛ́ laaləi, walii kpɔ di kɛi paa la Yai-Laa yəi bɛlɛ́n, di kɛi doo gəhii tii hu.

Bible

¹⁰ Tãi gãlai láa a kâa fɛ̀ɛ la a sɛŋ kâoi, gâloŋ ŋɔkɔlɔ pɔ̃yɛ-nuui da zâla láa-soŋ-nuu kɛ́tɛi da kâa pà dí gãlai láa ƃó dí zɛŋ kâoi lóno dí bú ƃɔrɔ-ŋa su.

Tɔɔɓɛlaa veelɛ 12:10 ပူးပေါင်းရင်းမြစ်များ

Samia Veerɛi 20:25

Sewa ɓə kɛ a ɉɛɓɛ́ kɛmun, Sadɔkə da Abiatarə, diɛ ɓo a ɉaláá laa həli nuą.

Samia Veerɛi 8:17

Ahituvə lon Sadɔkə, da Abiatarə lon Ahimelɛkə ɓə kɛ a ɉaláá laa həli nuą, ɛlɛɛ Seraya yɛ ɓo a ɉɛɓɛ́ kɛmun.

Tɔɔɓɛlaa veelɛ 12:11

Da ga lɔ kɛ diɛ nwali aa kɛnɛ̨ gəhi hu, tɔɔmun nwɔ hɛɓɛ́ kɛmun da ɉaláá laa həli nuą di nwun nąmu, di kɛi pa, diɛ Yai-Laa yəi bɛlɛ́n nwalii tii həɠə diɛ nonon.

Tɔɔɓɛlaa veelɛ 19:2

Yili pulu, ə dɔɔ pɛlɛ́ nwun nąmu Ɛliakimə da ɉɛɓɛ́ kɛ mun Sɛvna, da ɉaláá laa həli nuą bɔlɔpɔlɔɠaa, di kəlee daa mąąwɛli həɠə too di kwaną, ə di tɔɔ Yálá kwəi mɛ̨nį hukulɔ mun Esai pɔɔli, yai kɛ a Amɔsə lon.

Tɔɔɓɛlaa veelɛ 22:12

Yili pulu, ə mo ɉaláá laa həli mun Hilkiyahu, Safan lon Ahikamə, Mikaya lon Akbɔrə, ɉɛɓɛ́ kɛ mun Safan da tɔɔmun nwɔ tímun Asaya, yɛ diɛ:

Tɔɔɓɛlaa veelɛ 23:4

Tɔɔmun ə mąą laa tɛɛ ɉaláá laa həli mun gɛnɛ̨ Hilkiyahu, da ɲee pɔ nuą ɉaláá kulɔ mɛ̨nį hu, da bɛlɛ́ laaləi mąąkpɛ nuą, yɛ diɛ: ɉɛnŋąą kpɔ di lɔ la Yai-Laa hee pɛlɛ́ mu, yɛ ɓo a Baalə da Asera da yələ kwəi hɛnŋąą di mąąwiɛ hɛnŋąą, di kəlee kulɔ laa, di kulɔ la Ɉerusalɛmə taa pulu pələ, di di kələn Sedrɔn ɓoloon ɉu, di nuwu həɠə di paa la Betɛlə daai.

Tɔɔɓɛlaa veelɛ 5:23

Naaman yɛ mą: «Əi! Wali kwələ pow mɛ̨ida ka.» Naaman ə nwali da ɉəɠəɠaa tii pu ɓíi hveelɛ hu, ə dɛɛ nu hveelɛ pɔ, ə kpala Gehazi la, yɛ mą: «'Lí la», nu hveelɛi tii di ɉəɠə, da diɛni diɛ li.

Kɔlɔnikɔ Maa-ŋuŋ 9:19

Salumə Kore lon, Ɛviasafə lon, Kore lon, da di kaayɔwɔɠaai kɛ a pɛlɛ́ tɔ̨nɔ̨ mu nuą. Kore nuąi tii ɓə kɛ a ɉəɠə pɛlɛ́ gbon galan ɉu mɛ̨ikaa nuą; di nąnni ɓə wɔlɔ kɛ a Yai-Laa ŋą ɓuwui laaləi mɛ̨ikaa nuą.

Kɔlɔnikɔ Veerɛi 24:11

Yii kɛa naalɛ yələ ə ɉəli mą, di gəhi həɠə di li la Levi lonnii pɔ, di li wali lonoi tɔɔmun nií la. Di gaa diɛ kɛ wali kaa ɉu kɛnɛ̨; tɔɔmun ŋą hɛɓɛ́ kɛmun, da ɉaláá laa həli mun gɛnɛ̨, di gəhi huɓo, di pənə di li di ɉee ɉeei. Di kɛi gɛ tii hvóló tɛitɛi kəlee yee mu. Di wali hɔlɔɓo kpɔ kɛnɛ̨.

Ɛsdrasə 3:7

Di wali tɛɛ kwɛni haɠa nuą pɔ, da pɛlɛ mɛ̨i kɛ nuą, ɛlɛɛ, kɔ̨nɔ̨n da lɔɔ, ə mą kɛ wulɔ, di tɛɛ Sidɔn da Tirə nuą pɔ, ə gɛ, yiliɠaai di kpitili wulu tee Liban, di tɛɛ la Ɉafa gboloyá ŋą pələ, di paa la. Yɛ pələi Pɛrsə tɔɔmun Sirusə ə mąą laa tɛɛ la di pɔ.