Tɔɔɓɛlaa veelɛ 11:9 - Yálá laawoo hɛɓɛ (dc)

⁹ Gulááɠaa tii di lɛɛ ɉaláá laa həli mun Yehoyada woo mu mɛ̨nį kəlee hu. Di ɲɛ̨itɔwɔ nuą di di wɔ nuą kəlee ŋąąkpɔn, yiiɠaai di wɔ hvólói a kɛi kpɛɛ a túwɔ́ yələ, yiiɠaa diɛ di wɛi kɔ́wɔ tɔɔ.

Yálá laawoo hɛɓɛ

⁹ Gulááɠaa tii di lɛɛ ɉaláá laa həli mun Yehoyada woo mu mɛ̨nį kəlee hu. Di ɲɛ̨itɔwɔ nuą di di wɔ nuą kəlee ŋąąkpɔn, yiiɠaai di wɔ hvólói a kɛi kpɛɛ a túwɔ́ yələ, yiiɠaa diɛ di wɛi kɔ́wɔ tɔɔ.

Bible

⁹ Gɔ-kuluƃa-ŋai mɛi-ƃelai dí mɛnii kélee kɛ̀ yɛ̂ɛ berei Zɛoiada è mò la dîai. Dí tɛi-tɛi kélee dí dínuu-kpulu-ŋai tòli, diai kɛ̀ pâi tíi kɛ̂i da diai kɛ̀ kulâi tíi kɛ̂i.

Tɔɔɓɛlaa veelɛ 11:9 ပူးပေါင်းရင်းမြစ်များ

Samia Veerɛi 8:18

Yehoyada lon Benayahu ɓə kɛ Kereti da Peleti nuą nwun na. Davidə lonnii di kɛ a haláá ɉaláá laa həli nuą.

Tɔɔɓɛlaa veelɛ 11:4

Gwɛlan mɛ̨ihveelɛ lɔwai, Yehoyada, ə nwun nąmįną həɠə a Kari nuą, da gilɛ həɠə nuą, ɛlɛɛ kilɛn nąŋąlonŋaa təli, di pa Yai-Laa yəi bɛlɛ́n, di di kwɛla mą Yai-Laa ɲɛ̨i ɓa, yili pulu ə tɔɔmun non nɛ kɛa diɛ.

Kɔlɔnikɔ Maa-ŋuŋ 26:26

Selomitə tii da gaayɔwɔɠaa ɓə di di tɛɛ ɉɛngɔwɠaa, da ɉaláá kulɔ hɛnŋąą tii tɔɔmun Davidə ə di laakwɛlanmo Yálá ɓa nwun na, da pɛlɛ́ nwun nąmįną, nu waa tɔ̨nɔ̨ nwun nąmįną, nu nwundɔ̨nɔ̨ nwun nąmįną, da kɔlaɠa nwun nąmįną.

Kɔlɔnikɔ Veerɛi 23:8

Lévi lonnii da Ɉuda nuą di gɛ yɛ bələi ɉaláá laa həli mun Yehoyada ə mo la diɛ. Nu kəlee ə nwɔɔ nuą həɠə. Yiiɠaai kɛi gólo kpalatɔɔ a vįitɔɔ yələ, da yiiɠaai kɛi li vįitɔɔ ɓa, Yehoyada hvo ɲee kulɔ nuąi kɛ gólo ɓa di hu.