Tɔɔɓɛlaa veelɛ 11:19 - Yálá laawoo hɛɓɛ (dc)

¹⁹ Yili pulu, ə guláá nwun nąmįną həɠə, da Kari nuą, da gilɛ həɠə nuą, da nɔi lonnii kəlee, di tɔɔmun gulɔ Yai-Laa hee pɛlɛ́ mu, di tɛɛ la a gilɛ həɠə nuą di wɔ pələi, də li la dɔɔ pɛlɛ́ mu. Ɉoasə ə hee dɔɔ kpəlin ɉu.

Yálá laawoo hɛɓɛ

¹⁹ Yili pulu, ə guláá nwun nąmįną həɠə, da Kari nuą, da gilɛ həɠə nuą, da nɔi lonnii kəlee, di tɔɔmun gulɔ Yai-Laa hee pɛlɛ́ mu, di tɛɛ la a gilɛ həɠə nuą di wɔ pələi, də li la dɔɔ pɛlɛ́ mu. Ɉoasə ə hee dɔɔ kpəlin ɉu.

Bible

¹⁹ È gɔ-kuluƃa-ŋai túɛ-ƃelai tòli díkîe ma, gâloŋ mɛi-kaa kɔ-kuluƃa-ŋai túɛ-ƃelai da ǹɔii-ƃela kpaya-kpayai kélee. Dí tɔ̀ɔ Gâloŋ Zoasi ma dí kúla la ŋâla-pɛrɛ kɛ́tɛi mu dí tɛ́ɛ la gâloŋ-pɛrɛ kɛ́tɛi mɛi-kaa kɔ-kuluƃa-ŋai dí galai lá dí lɔ́ la gâloŋ-pɛrɛ kɛ́tɛi mu. È sèe gâloŋ see-sɛŋ ŋá. È nâa kɛ̀ a kâloŋ Zuda lɔii mɛi.

Tɔɔɓɛlaa veelɛ 11:19 ပူးပေါင်းရင်းမြစ်များ

Zɛnɛse 37:36

Madian nuąi tii Ɉosɛfə ya, di li la Eziptə, di nɔwɔtɔɔ Potifarə ɓa; yai kɛ a dɔɔ kwəli mąąkpɛ nuą di nwun nąmu.

Tɔɔɓɛlaa dɔlɔɔ 1:13

'Li! Ə́ həli tɔɔmun ma, yɛ́ mą: ‹Kɛlɛi yɛ́ ɓə a nwɔ́ mɛ̨nį nąmu-ee! Kɛlɛi yə́ ɓə ə́ kwɛla ə́ wɔɔ luwu nɛ̨ą ɓa, yɛ kɛ mą: «Ə́ lon Salomɔn ɓə pai heei dɔɔkpəlin ɉu a mą́ą́hvalən», ə tɛɛ kani ləi yai Adoniasə kaa kɛa a tɔɔmun?›

Tɔɔɓɛlaa dɔlɔɔ 14:27

Tɔɔmun Roboamə ə dakpɛliɠaa pɛli a ɓala kwɛli, ə di kalihvaɓo bɛlɛ́ mąąkpɛ kɔlaɠa nwun nąmįną diɛ, diɛi di ɲɛ̨i ə kɛ tɔɔmun nwɔ pɛ́lɛ́i laaləi.

Kɔlɔnikɔ Maa-ŋuŋ 29:23

Salomɔn ə hee Yai-Laa nwɔ tɔɔkpəlin hu a nąn Davidə mąąhvalin, ɛlɛɛ hɛn gəlee ə lɛlɛ mą; Israɛlə nuą kəlee di kɛ nwoo ɲą.

Kɔlɔnikɔ Veerɛi 23:19

Yehoyada ə Yai-Laa nwɔ pɛlɛ́i laaləi mɛ̨ikaa nuą hee bɛlɛ́ laaləi, əgɛ, hɛn mąąluwuɛɛ ta hvo tɛɛ hvo lɔ, a kpaalə huwui lɔpee.

Kɔlɔnikɔ Veerɛi 23:20

Yehoyada ə guláa nwun nąmįną həɠə, ə bɛlɛ galanɉonŋąą diɛ, da nuąi kpɔ ɲąąwooɓo laa kaa di yəi nɔi lonnii mɛ̨i, ə pɛlɛ la nɔi lonnii kəlee diɛ, di tɔɔmun ɉəɠə Yai-Laa yəi bɛlɛ́n diɛ li ɉeei dɔɔkpəlin ɉu. Di tɛɛ a bɛlɛ́ laaləi kɛnɛ̨ ɓa pələ di lɔ dɔɔ pɛlɛ́ mu.

Kɔlɔnikɔ Veerɛi 23:5

Bələ tɔ̨nɔ̨ ə kɛ tɔɔmun ɲəi bɛlɛ́n. Ka pələ tɔ̨nɔ̨ ə ɓo bɛlɛ hvilɛn ɉii, bɛlɛ́ laaləi pələ; akɛtii, nɔi lonnii kəlee da kɛ Yai-Laa nwɔ pɛlɛ́i gwəli hɛ̨ąi.

Ɉeremi 17:25

ka gɛ tii, daa ŋɛ̨i hu kalanɉonŋaa, da tɔɔɓɛlaa, di kaa pai kɛi heei Davidə nwɔ kpəlin hu; diɛ tɛi wotoloɠaa hu, diɛ hee hooɠaa mɛ̨i, Ɉuda nɔi nuą, Ɉerusalɛmə nuą, da lɛɛ heeni nɔi ŋɛ̨i hu a yələ kəlee.

Ɉeremi 22:30

Yai-Laa woo ka! «Ka bɛ̨ɛ̨ a nui tii laa kaa diɛ nu kpoloon, nui nwun na hvo nɛ̨ɛ̨li mɛ̨nį ta hu nwɔ yɛnɛ̨ɛ̨ hu, non da lɔpee hvo pai nu kɛi, yɛ pɛli heei Davidə nwɔ tɔɔkpəlin hu, yɛ kɛ a Ɉuda tɔɔmun da.»

Ɉeremi 22:4

Ka túwɔ tii, dɔɔɓɛlaa pai heei Davidə nwɔ tɔɔkpəlin hu, di kaa pai kɛi tɛɛi bɛlɛ́i ŋɛ̨i laaləi, di ɓo wotoloɠaa hu, da hooɠaa mɛ̨i. Yaa nwɔ tínuą da nwɔ lɔi hu nuą.

Maafîu 19:28

Jesus yɛ diɛ: «Gáá moi kaa a tɛ̨ą, ɓɛlɔwai Nu Lon kaa pai kɛi la heeni Nąn Yálá nwɔ tɔɔkpəlin mąąwiɛ hu, ka nu pow-kɔw-hveelɛ ŋɛ̨i hvilɛn búlúi, ka kɛ laa kaa kpɛli ka wɔ kpəlin ɉaai hu, kaa Israɛlə nu huwu heei pow-kɔw-hveelɛ ɉaa woo ɓo.

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;