Tɔɔɓɛlaa veelɛ 11:18 - Yálá laawoo hɛɓɛ (dc)

¹⁸ Nu kpului tii kəlee di lɔ Baalə nwɔ pɛlɛ́i mu, di bu, di nwɔ haláá kulɔi taɠa, di mąąnįnįnŋaa kala, di Baalə nwɔ haláá laa həli mun Matan paa ɉaláá kulɔiɠaa lííla. Ɉaláá laa həli mun Yohoyada ə gulááɠaa tɔɔ Yai-Laa yəi bɛlɛ́ laaləi.

Yálá laawoo hɛɓɛ

¹⁸ Nu kpului tii kəlee di lɔ Baalə nwɔ pɛlɛ́i mu, di bu, di nwɔ haláá kulɔi taɠa, di mąąnįnįnŋaa kala, di Baalə nwɔ haláá laa həli mun Matan paa ɉaláá kulɔiɠaa lííla. Ɉaláá laa həli mun Yohoyada ə gulááɠaa tɔɔ Yai-Laa yəi bɛlɛ́ laaləi.

Bible

¹⁸ È kɛ̀ tí, gbɔŋ kélee è lì Bêe ɣala-pɔkɔŋ ŋɔpɛ́rɛi lá dí ŋólo dí bú ǹɔii ma. Ǹûai dí ŋâla-teƃele-ŋai wôlo, dí dífũa-fua. Dí Bêe Ɣalai ŋɔsâla láa-soŋ-nuui Mataŋ pàa naa ŋ̀âla-teƃelei ŋɛ́i-tuɛ. Zâla láa-soŋ-nuui Zɛoiada è gɛ̀ gɔ-kuluƃa-ŋai dí tínaŋɔɔ Yâwɛɛ ŋɔpɛ́rɛ kɛ́tɛi ma.

Tɔɔɓɛlaa veelɛ 11:18 ပူးပေါင်းရင်းမြစ်များ

Tɔɔɓɛlaa dɔlɔɔ 18:40

Eli yɛ diɛ: «Ka Baalə laa yəlikɛ nuą hon, ka hvo dɔ̨nɔ̨ kpɛli lɛɛ laa hvo pu.» Di nuą tii kəlee hon, Eli ə li a gəlee Kisɔn ɲa ɓoloon bɔ; ə di kəlee di nwun dee laa.

Tɔɔɓɛlaa veelɛ 10:21

Ɉehu ə noloɓo Israɛlə lɔi hu nąą kəlee, nuąi da kwɛli hvilɛn Baalə ɓa, gəlee di pa; dɔ̨nɔ̨ kpɛli hvo lɛɛ pulu. Nuą tii kəlee di lɔ Baalə yəi bɛlɛ́n, di nąą laahvɛɛ kpɔ kɔ́n-kɔn.

Tɔɔɓɛlaa veelɛ 10:25

Ɓɛlɔwai Ɉehu ə kpɛɛ la a Baalə mąąwiɛ haláá kulaa, ə mo gilɛ həɠə nuą da ɓíitiɛ̨ɠaa diɛ: «Ka lɔ́! Ka di paa! Da lɔpee hvo kulɔ.» Di nuą tii kɛ a kɔ́ kɔ́ ɓɔwa kɔ̨nɔ̨n, di di powa kulɔ diɛ bili. Yili pulu, gilɛ həɠə nuą da míitiɛɠaa di pənə di pa taai ɓɛi Baalə nwɔ pɛlɛ́i ə kɛ laa.

Tɔɔɓɛlaa veelɛ 10:26

Di ɉaláá kwɛniɠaa kulɔ Baalə nwɔ pɛ́lɛ́i mu, di di kələn.

Tɔɔɓɛlaa veelɛ 10:27

Di kpɛɛ lɔ a yili, di Baalə nwɔ pɛ́lɛ́i wolo, di nąą kɛ a nuą lɔwɔikɛi, ə mą kɛ yiihu, gaa ni laa.

Tɔɔɓɛlaa veelɛ 18:4

Ezekiasə ɓə ɉali kɔ́iɠaa taɠa nɔi, ə gwɛni kalanŋaa taɠa, nwuluɠaai di kɛi gɔ, ə di pɔn, mala kwɛli kaaləi Moisə ə bɛli, ə ɉuyal-yali; mąąhɔlɔɓo, Israɛlə nuą di lɛɛ haláá kulɔi mą, ə lɛɛ la ɉu nwɔ yələi ə həli. Di kɛi kɛ gaaləi tii laa ɓa a: Nehustan.

Tɔɔɓɛlaa veelɛ 23:10

Ɉaləi ŋɛ̨i da kɛ mą: Molɛkə, yii kɛ Tofɛtə Bɛn-Hinɔmə ɓoloon hu, yaai di kɛi lɛapɛlɛɛ kulɔ mą a haláá diɛ gələn, Ɉosiasə ə nąą kala, ə gɛ, di hvo pa pənə di hvo da kɛ.

Tɔɔɓɛlaa veelɛ 23:14

Gwɛniɠaa ŋɛ̨i di kɛi haláá kulɔ mą, da nwului di dɔɔ diɛ haláá kulɔ mą, Ɉosiasə ə gəlee taɠa. Ə nu kɔ́wɠaa pu laa.

Tɔɔɓɛlaa veelɛ 23:20

Nuąi kɛ a haláá laa həli nuą di wɔ haláá kulɔiɠaa tii ɓa, Ɉosiasə ə gəlee paa laa, ə nu kɔ́wɠaa kələn nąą, yili pulu ə pənə ə pa Ɉerusalɛmə daai.

Kɔlɔnikɔ Veerɛi 21:17

Di pa di kɔ́ pɛlɛ Ɉuda lɔi ɓa, di lɔ nɔi, ɉɛnŋąą kpɔ kɛ tɔɔmun ɲəi bɛlɛ́n, di gəlee həɠə, ə mą kɛ, nɛ̨ąni da nonnii. Lon və kɛa lɛɛ ɲəi, ə kulɔ lɔ non nokolo laamun Yoakazə bulu.

Kɔlɔnikɔ Veerɛi 34:4

Di Baalə kɔ́iɠaa taɠa ɲɛ̨i ɓa, lansan kələn ɉiiɠaai kɛ nąą mɛ̨iɠaa, di gəlee wolo; nwuluɠaai di kɛi gɔ́, ɉaliɠaai di bɛli awala kɛ tii di bu, ə gəlee huwolo-wolo ə vunwɔ̨-hunwɔ̨. Ə vunwɔ̨ taɠa-taɠa nuąi kɛi haláá laa həli diɛ di kámą mɛ̨i.

Kɔlɔnikɔ Veerɛi 34:7

ə ɉali kɔ́iɠaa wolo, nwuluɠaa di kɛi gɔ́, ə mą kɛ, ɉaliɠaa ə di hu tee-tee, lansan kələn ɉiiɠaa kɛ Israɛlə lɔi hu, ə gəlee wolo. Ə bulu pənə ə pa Ɉerusalɛmə.

Lɛɛ gbɔwɔ ɓa 32:20

Nįŋɛ̨ lon tii di bɛli, Moisə ə gələn, ə vuŋɔ, ə bu yái, ə ɲá tɔɔ Israɛlə lonnii la.

Azaya 2:18

Haliɠaai kpɔ da kwɛli hvilɛn diɛ, gəlee da lɔ gbąį.

Dutɛrɔnome 12:2

Nu huwui ti ka káá pai di wɔ lɔi kulɔi di yəi, gɛɛnąąɠaa kpɔ di kɛi gɔ́, nąą ə kɛ a yee nwuɔ̨, ə kɛ a yee kpu kpuɠaa, ə kɛ a wəla wuluɠaa, ka gəlee nąą kala.

Dutɛrɔnome 12:3

Ka di wɔ hali kɔ́iɠaa wolo, ka di hvaa kwɛniɠaa huɓuwɔ, ka di hvaa wuluɠaa tee, ka di wɔ mąą nįnįn ɉaɠaaɠaa kələn, ka di pɔɔ kpɛɛ laa kpɔ tɛ̨ɛ̨tɛ̨ɛ̨.

Dutɛrɔnome 13:10

Kɛlaa yaamun, hvo kɛ li ka baa, gwɛni tɔlɔɔ pili mą, ɛlɛɛ nɔi nuą di gbəli laa kulɔ.

Dutɛrɔnome 13:5

Yai-Laa ka wɔ Yálá ɓə mąąnɛ̨ɛ̨ ka hvilɛn bulu, ya ɓə mąąnɛ̨ɛ̨ ka ɲɔw mą. Nwɔ tɔ́n mə mąąnɛ̨ɛ̨ ka ɉon; nwoo ɓə mąąnɛ̨ɛ̨ ka ka wəli tɔɔ mą. Yai-Laa ɓə mąąnɛ̨ɛ̨ ka tí mą, ɛlɛɛ, yaa ɓə mąąnɛ̨ɛ̨ ka kanąn mą.

Dutɛrɔnome 13:6

Nui tii gbɔwɔ kɛ a Yálá kwəi mɛ̨nį hukulɔ mun, nwɛi, a wala kɛ tii, ɉį́i kaamun tii, mąąnɛ̨ɛ̨ ka di paa. Mąąhɔlɔɓo, aa nuą ɲąątɔɔ a di lənə mɛ̨nį Yai-Laa ka wɔ Yálái ɓa, yaa tii ka kulɔ Eziptə lɔi hu, yɛ ka kulɔ luwɔ pɛlɛ́ mu. Bələi ŋɛ̨i Yai-Laa ka wɔ Yálá ə ka hvilɛn mɛ̨i, nui tii ə kɛ bɔ, ə ka həɠə mɛ̨i. Mąąnɛ̨ɛ̨ ka mɛ̨nį ɲɔ̨n gɛmun gulɔ ka lɔwai.

Dutɛrɔnome 13:9

nu a kɛ yɛ́ gwə li di pɔ, hvó hvaa nui tii woo ɓa, hvó mąą hvaalɛɛ, hvó mąą wɛli kaa, hvó tɔɔ bulu.