Tɔɔɓɛlaa veelɛ 11:14 - Yálá laawoo hɛɓɛ (dc)

¹⁴ Ə ɲɛ̨i hee bɛlɛ́n, ə tɔɔmun nįnɛ̨ kaa tɔɔni daɓali mɛ̨i. Yɛ bələi da gɛ la di yíi pələ hu, kalanɉonŋąą di ɓo tɔɔni gwɛlɛ da tulu hvɛɛ nuą, nɔi nuą kəlee diɛ mąną dulu woo ɓa. Atali ə nwɔ həɠəɠaai huɓɛla, yɛ diɛ: «Lɔgili ɓə! Lɔgili ɓə!»

Yálá laawoo hɛɓɛ

¹⁴ Ə ɲɛ̨i hee bɛlɛ́n, ə tɔɔmun nįnɛ̨ kaa tɔɔni daɓali mɛ̨i. Yɛ bələi da gɛ la di yíi pələ hu, kalanɉonŋąą di ɓo tɔɔni gwɛlɛ da tulu hvɛɛ nuą, nɔi nuą kəlee diɛ mąną dulu woo ɓa. Atali ə nwɔ həɠəɠaai huɓɛla, yɛ diɛ: «Lɔgili ɓə! Lɔgili ɓə!»

Bible

¹⁴ Tãi è sèri la naai, è Zoasi kàa tɔɔ-ni ŋâla-pɛrɛ kɛ́tɛi yée mu nɔɔi dɔnɔ kɔlɛ. Ǹɔii mɛi kaloŋ kɛ́tɛi tɔɔ̂i ká tí wɔ́lɔ a bɔlɔ. Gɔ-kuluƃa-ŋai, ŋule-too-ƃelai da dúru fɛ́ɛ-ƃelai díkɛ ƃò tɔɔ-ni gɔlɛ. Dúru fɛ́ɛ-ƃelai dí kɛ̀ dúrui fɛ̂ɛi ǹûai díkɛ pêle kɛ̀ a zu kɛ́tɛ. Atalia líi è wàna a zu kɛ́tɛ é maa sêɣe-ŋai fála-fala, é láɣi a ɣelêi-pere ǹyɛɛi, “Tɔɔ-maa ká ŋí! Tɔɔ-maa ká ŋí!”

Tɔɔɓɛlaa veelɛ 11:14 ပူးပေါင်းရင်းမြစ်များ

Zɛnɛse 37:29

Ɓɛlɔwai Rubɛn ə li la nɔwa hu kaai, hvo Ɉosɛfə kaa laa, nii ə ɓɛla kpɔ mą kɛnɛ̨, ə mąą həɠə hu ɓɛla.

Zɛnɛse 44:13

Niɛni di di mąą həɠə hu ɓɛla a liiholi. Di kəlee di pənə di di tiɛ̨ yili ɉoohvaalənŋąą pulu, di pənə di tɛ taai.

Tɔɔɓɛlaa dɔlɔɔ 1:25

Mąąhɔlɔɓo, háákələi ŋɛ̨i, aa li Ein-Rogɛlə ɲá nwun gulɔi, aa nįŋɛ̨ hilɛɠaa da nįŋɛ̨ gbɔnŋąą ə mą kɛ ɓɛlaa kpulu kɛnɛ̨ kulɔ laa a haláá; ɛlɛɛ, aa tɔɔmun nonnii kəlee təli, aa bɛlɛ gɔ́laɠa nwun nąmu ɓa, da ɉaláá laa həli mun Abiatarə. Da diɛni di kaa laa, diɛ di laa mįi, diɛ di kpələ, diɛ kɛ mą: ‹Tɔɔmun Adoniasə yíi ə kwɛa, kɛi a mo tii Yálá ə kɛ!›

Tɔɔɓɛlaa veelɛ 11:15

Kɛlaa, ɉaláá laa həli mun Yohoyada ə mo guláá nwun nąmu ɓa, yɛ mą: «Ka ɉon ka gulɔ Yai-Laa yəi bɛlɛ́n, ɛlɛɛ, nui a hvilɛ bulu, ka mąą nu paa. Mąą hvo nɛ̨ɛ̨li di hvo baa, yai-Laa yəi bɛlɛ́n.»

Tɔɔɓɛlaa veelɛ 23:3

Tɔɔmun ə kɛ tɔɔni gbədələn ŋą Yai-Laa lííla, ə mįnɛ̨ həɠə woo hu nwun, ə mo yɛ diɛ: mįnɛ̨ ɓə a gu hvilɛn Yai-Laa pulu, ə gu kanąn nwɔ liɛwooɠaai diɛ, da gwəi mɛ̨nįɠaa, mąąnɛ̨ɛ̨, nu tɛitɛi kəlee ə nwoo kwɛlɛ, yɛ kɛ diɛ: dɔ́n nwooɠaai gaa ɉɛɓɛ́i tii hu, a ɲee hee mu, a nii kəlee, da nwɔ kiliŋąhiɛ kəlee. Nɔi lonnii kəlee di hvaa mįnɛ̨ həɠə woo tii ɓa.

Tɔɔɓɛlaa veelɛ 9:13

Daa mąn nɛɛ mą, daa di wɔ həɠəɠaai kulɔ di kwąną, diɛ bɛlɛ gɔwɔ mu, ɛlɛɛ, di dulu hvɛɛ, diɛ kɛ mą: «Ɉehu aa kɛ a tɔɔmun!»

Tɔɔɓɛlaa veelɛ 9:23

Ŋąąɓa, Yoramə ə nwɔ wotoloi ɲali bulu, yɛ tomą yɛ kɛ Akaziasə ɓa: «Akaziasə! Lɔgilii ɓə!»

Kɔlɔnikɔ Maa-ŋuŋ 12:40

Hvóló haaɓa ɓə di gɛ laa Davidə kwɛlɛ, diɛ di laa mį́i, diɛ di kpələ; mąąhɔlɔɓo, di kaayɔwɔɠaa daa kɛ di tɔwɔ hee kpɔ a nɛlɛɛ.

Kɔlɔnikɔ Veerɛi 34:31

Tɔɔmun ə lɛɛ tɔɔni dɔɔi, ə nwoo kwɛlɛ Yai-Laa ɓa, yɛ gaa pai hvilɛn ɉii Yai-Laa pulu, ə ɲee kanąn nwɔ tíɓoɠaai da mąąpamą wooɠaa diɛ, da nwɔ tɔ́nŋąą diɛ, yɛ hvilɛn mįnɛ̨ hɛɓɛ́ hu wooɠaa pulu a nii kəlee, nwɔ yɛnɛ̨ɛ̨ kəlee yee mu.

Hanwon 29:2

Ɲąąwooɓolaa a kɛ tələnmo nuą yəi, nɔi a kɛ liilaa hu. Kɛlaa, tɔɔlaa a kɛ líiɲɔ̨n gwəimun ɲəi, nuą da kɛ ɲiŋɛi di huwɔ hu.

Lukə 19:37

Di kɛɛ kɛa olivə yɛɛi, nwɔ kalan nɛai kəlee kwəinɛ̨ɛ̨i kɛ, diɛ Yálá hɛɠɛɛɓo a di woo kɛnɛ̨ɛ̨, gbalo mɛ̨nįɠaai di gaa mąą mɛ̨nį ɓa.