Tɔɔɓɛlaa veelɛ 11:12 - Yálá laawoo hɛɓɛ (dc)

¹² Nąąlɔwai Yehoyada ə pa a tɔɔmun, ə dɔɔ ɓɔlɔ lɔ nwuɔ̨, di dɔɔmun mąąyili hɛnŋąą kɛ mą, di ɉee a tɔɔmun, diɛ di yee lɔwa mą, diɛ kɛ diɛ: «Tɔɔmun ɲíi ə kwɛa!»

Yálá laawoo hɛɓɛ

¹² Nąąlɔwai Yehoyada ə pa a tɔɔmun, ə dɔɔ ɓɔlɔ lɔ nwuɔ̨, di dɔɔmun mąąyili hɛnŋąą kɛ mą, di ɉee a tɔɔmun, diɛ di yee lɔwa mą, diɛ kɛ diɛ: «Tɔɔmun ɲíi ə kwɛa!»

Bible

¹² Zɛoiada è pà a gâloŋ ǹóŋ Zoasi banaŋ ma é gâloŋ ƃɔrɔi sée ŋ̀ûa. È Ɣâla ŋɔtɔ̂ŋ kɔlɔi tɛ̀ɛ bɔ́ é wúlɔ pú ŋ̀ûa nyii nɛ̀ a gɛɛ gáa nâa a ǹɔii ŋɔkâloŋ ninai. Gbɔŋ su-ƃelai dí díyee ŋá lòkpa díkɛ làɣi a ɣelêi-pere dîyɛɛi, “Gâloŋ lɛ̂wo lâai é kôya.”

Tɔɔɓɛlaa veelɛ 11:12 ပူးပေါင်းရင်းမြစ်များ

Samia Veerɛi 1:10

Yili ɓə gɛ, ŋį́ mą́ą́ lɛɠɛ ma, ɛlɛɛ, ŋą́ baa. Mąąhɔlɔɓo, gíli ə kɛ ɉu, gɛ́ kɛ, gɔ́ kala mɛ̨nį mą, hvo pai na mui yɛnɛ̨ɛ̨. Dɔɔ ɓɔlɔi kɛ nwuɔ̨, da gwɛlii kɛ ɲee ɓa, ŋą́ ɉəɠə, ŋą́ pa a diɛ nwɔ́ mɛ̨nį nąmu pɔ.»

Samia Veerɛi 12:30

Yili pulu, di di wɔ tɔɔmun nwɔ tɔɔ ɓɔlɔi kulɔ nwuɔ̨, nwiɛ yee ə kɛ a kilə pow haaɓa kɔ́w nąąn, yɛ ɓo a hɛni. Kúwɔ́-kwɛni ə kɛ ɉu, di bɛlɛ Davidə nwuɔ̨. Ɉɛn di ɉon daai tii hu a kɔ́, gɛnɛ̨i kɛ, ə ɉəɠə yɛ li la.

Samia Veerɛi 16:16

Arki mun ŋɛ̨i a Husai Davidə mɛlan, ə həli Absalɔn ɓa. Husai yɛ Absalɔn ɓa: «Tɔɔmun ə́ yii ə kwɛa! Ə́ yii ə kwɛa.»

Samia Veerɛi 2:4

Ɉuda lɔi hu nuą di pa di nwulɔ lɔ Davidə ɓa, di gɛ a tɔɔmun Ɉuda nwɔ pɛlɛ́i nwun na. Nuą di pa diɛ Davidə ɓa: «Yavɛsə Galaadə lɔi hu nuą ɓə Saulə powa loo.»

Samia Veerɛi 2:7

'Ka ká liikpələ yiihu, ka too a kpakolo laa. Tɛ̨ą li, ka nwun nąmu Saulə aa haa, kɛlaa, mąąnɛ̨ɛ̨ ka kili ə pu ɉu, kaa diɛ, Ɉuda nwɔ pɛlɛ́i aa nwulɔ hiɛ mą́ą́, ə gɛ, ŋą́ kɛ a tɔɔmun.»

Samia Veerɛi 5:3

Israɛlə kalanɉonŋaa kəlee di pa di həli tɔɔmun ma Hebrɔn, ɛlɛɛ, da tɔɔmun Davidə ni di mįnɛ̨ həɠə Hebrɔn Yai-Laa lííla. Di dɔɔ wulɔ lɔ Davidə ɓa, di gɛ a Israɛlə tɔɔmun.

Tɔɔɓɛlaa dɔlɔɔ 1:25

Mąąhɔlɔɓo, háákələi ŋɛ̨i, aa li Ein-Rogɛlə ɲá nwun gulɔi, aa nįŋɛ̨ hilɛɠaa da nįŋɛ̨ gbɔnŋąą ə mą kɛ ɓɛlaa kpulu kɛnɛ̨ kulɔ laa a haláá; ɛlɛɛ, aa tɔɔmun nonnii kəlee təli, aa bɛlɛ gɔ́laɠa nwun nąmu ɓa, da ɉaláá laa həli mun Abiatarə. Da diɛni di kaa laa, diɛ di laa mįi, diɛ di kpələ, diɛ kɛ mą: ‹Tɔɔmun Adoniasə yíi ə kwɛa, kɛi a mo tii Yálá ə kɛ!›

Tɔɔɓɛlaa dɔlɔɔ 1:34

Ka li laa, ɉaláá laa həli mun Sadɔkə da Yálá kwəi mɛ̨nį hukulɔ mun Natan di dɔɔ wulɔ lɔ nwun ma, di mąąti, ə kɛ a dɔɔmun Israɛlə nuą kəlee nwun na. Nąąlɔwai ka dulú hvɛɛ, kaa diɛ: ‹Tɔɔmun Salomɔn yíi ə kwɛa!›

Tɔɔɓɛlaa dɔlɔɔ 1:39

Ɉuwɔ mįnɛ̨i nwulɔ ə kɛ ɉu gələ mu, ɉaláá laa həli mun Sadɔkə ə ɉəɠə, ə bu Salomɔn nwuɔ̨, ə mąąti, ə gɛ a tɔɔmun. Di dulú hvɛɛ, nu kəlee di tomą, diɛ kɛ mą: «Tɔɔmun Salomɔn yii ə kwɛa!»

Tɔɔɓɛlaa dɔlɔɔ 2:44

Yili pulu, tɔɔmun yɛ Simei ɓa: «Mɛ̨nį ɲɔ̨n kpɔ ə́ gɛ a ną́n Davidə, gbaɠala kaa yɛ́, ə́ kwəi ɓə a gɛla. Ə́ wɔ nwąnąlɔ túwɔi tii ə́ mo, nwulu a lɛɛ ə́ nwuɔ̨.

Tɔɔɓɛlaa veelɛ 11:11

Gulááɠaa tii kəlee di wɔ kɔ́ kɔ́ hɛnŋąą ə kɛ di yəi, di ɓo tɔɔni ɉaláá kulɔi kwɛlɛ, di bɛlɛ́ mąątínɛ̨n, tɔɔmun ə lɛɛ di hąąi.

Tɔɔɓɛlaa veelɛ 11:2

Kɛlaa Yohoseva yai kɛ a tɔɔmun Yoramə lon nɛ̨ɛ̨nu, ə mąąhulɔnu Akaziasə lon gbɛla mąą Ɉoasə həɠə tɔɔmun lonnii takpɛliɠaa lɔwai, ɓɛlɔwai di kɛi di paa la, ə Ɉoasə da ɲąąkɔn nɛ̨ɛ̨golo di loo pɛlɛ́ ta mu, diɛ noo Atali ɓa. Bələ ɓə Ɉoasə ə kulɔ la haa yəi.

Tɔɔɓɛlaa veelɛ 11:4

Gwɛlan mɛ̨ihveelɛ lɔwai, Yehoyada, ə nwun nąmįną həɠə a Kari nuą, da gilɛ həɠə nuą, ɛlɛɛ kilɛn nąŋąlonŋaa təli, di pa Yai-Laa yəi bɛlɛ́n, di di kwɛla mą Yai-Laa ɲɛ̨i ɓa, yili pulu ə tɔɔmun non nɛ kɛa diɛ.

Tɔɔɓɛlaa veelɛ 9:13

Daa mąn nɛɛ mą, daa di wɔ həɠəɠaai kulɔ di kwąną, diɛ bɛlɛ gɔwɔ mu, ɛlɛɛ, di dulu hvɛɛ, diɛ kɛ mą: «Ɉehu aa kɛ a tɔɔmun!»

Tɔɔɓɛlaa veelɛ 9:3

Ə́ nwulɔ kpowo həɠə, ə́ nwulɔ pu nwuɔ̨, ə́ mąąti la; yɛ́ mą: ‹Mɛ̨nįi Yai-Laa ə mo ya ka: «Nwulɔi ŋɛ̨i gáá nɔi yɛ́, ɉaalai, yáá kɛ a Israɛlə tɔɔmun.»› Yili pulu, ə́ bɛlɛ́ laa ɓo, ə́ tɛɛ a gilɛ, hvo nąą mąąkpɔn.»

Kɔlɔnikɔ Veerɛi 23:11

Di nɛɛmą di tɔɔmun non Ɉoasə kulɔ, di dɔɔɓɔlɔ lɔ nwuɔ̨, di dɔɔhəɠəɠaa too gwaną, di ɉee a tɔɔmun. Yehoyada da nonnii di dɔɔwulɔ lɔ mą, di tómą kpɔ hɔ̨ɔ̨, diɛ mą: «Tɔɔmun ɲii ə kwɛa!»

Mąątɛ̨nɛ̨ 132:18

Ŋą́ nwumɛ̨ həɠə too ɲowoɠaa kwąną, Kɛlaa nwɛi, nwɔ tɔɔɓɔlɔi ɲɛ̨i a tɔɔ.

Mąątɛ̨nɛ̨ 21:3

Ɉɛn nwɛli ə kɛ mą́ą́, yaa dɛɛ bɔ, níiɓa mɛ̨nįi ŋį́ vɛli yɛ́, hvó lənə li mą.

Mąątɛ̨nɛ̨ 21:4

Yá laa nąą tɔwɔ, Ə́ naakwiɛn a lúwɔ́ da mɛ̨inɛ̨ɛ̨ɠaa, yɛ́ hɛni lɔ nwuɔ̨.

Mąątɛ̨nɛ̨ 47:1

Nwələ ɲɛ̨itɔwɔmun, Kore lonnii di wɔ wələ.

Mąątɛ̨nɛ̨ 78:5

Ə Ɉakɔbə hiɛ pələ lɛ mą, ə tɔ́n naa Israɛlə lɔi hu, dɔ́n ti ə kɛi ku nąnni kpaan; diɛ mɛ̨nįɠaai tii lɛ di lonnii diɛ.

Mąątɛ̨nɛ̨ 89:39

Kɛlaa, ə́ wɔ nui ə́ ɉəɠə ɉu, yɛ́ ɓə ə́ pulu tɔɔ mą, ə́ mɛlɛkpɛɛ mą, yɛ́ ə́ liiholi bɔ,

Mąątɛ̨nɛ̨ 98:8

Yá kpɛa-kpɛaɠaa kəlee di di yee lɔwa, yeeɠaa di tómą a kwəinɛ̨ɛ̨.

Lɛɛ gbɔwɔ ɓa 25:16

Gwɛni ɓɛlaɠaai gáá pai dɛɛi ə́ pɔ, yá naa gəhi hu.

Lɛɛ gbɔwɔ ɓa 31:18

Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.

Azaya 55:12

Mąąhɔlɔɓo, ka káá pai kulɔi a ka kwəinɛ̨ɛ̨, kaa pənə kaa li a ka wəli pulu laɠiɛ, yee tɔɔɠaa da yee kpukpuɠaa, di kaa pai tómąi a kwəinɛ̨ɛ̨, ka tɛɛ pələɠaa hu, kpomó hu wuluɠaa kəlee diɛ di yee lɔwai kaa.

Azaya 8:16

Ɉɛɓɛ́i ŋɛ̨i laa kpulu, mąąkwɛli wooi ŋɛ̨i loo ɲéépɔ nuą diɛ.

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Woolaa 4:20

Dɔɔmun Yai-Laa ə ku wɔ yɛnɛ̨ɛ̨ tɛɛ bɔ, yaamun ga ŋɛ̨i, ku yowoɠaa daa gɛ a di wɔɔ luwɔ, yɛ ɓo di yəi gaho ŋą; Yaai kɛ kwa ku kili kɛ mą, kuɔ kɛ diɛ: «Kwá kɛ yaa tii vaŋan mu, kwa pɛli yɛnɛ̨ɛ̨ kɛi hį́itakpɛliɠaa lɔwai!»

Danîa 3:9

Di mo tɔɔmun ma, diɛ mą: «Kuɔ mɛ̨nį Nąmu, ə́ yii ə kwɛa, kɛi a mo tii, Yálá ə kɛ!

Danîa 6:21

Gɛɛ kɛa həlii ɲala kwənąn na, ə Daniɛlə təli, nwoo maa yɛ kpɛlin, yɛ mą: «Daniɛlə, Yálá hvulú nwɔ tímun, ə́ wɔ Yálái ŋɛ̨i ya kwɛli hvilɛn ma a hvaŋąlɔ, aa ə́ nwun mąąɓo ɲalaɠaa yəi?»

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»

Maafîu 27:29

Yili pulu, di ɲąąlən gɛ a kálán di ɉee nwun ma, yili pulu, di hveen gbaɠa tee di nɔ mamįiyee ŋą, diɛ pu di kpəlin na diɛ yɛlɛ kulɔ ɉu, diɛ kɛ mą: «Ɉuifəɠaa di wɔ tɔɔmun, ə́ yii kpɛli.»

Gɛlaɠaa 4:27

«Mąąhɔlɔɓo, gaa a tɛ̨ą, Herodə da Pɔnsə Pilatə di di yee lɔ gee hu ɓɛ daai, da nwea, ə mą kɛ da Israɛlə nu huwu, ə gɛ, di kɔ́ pɛlɛ Yálá nwɔ tímun Jesus ɓa, yaai Yálá ə ɉəɠə ɉu ə gɛ a nuą Nwun mąąɓomun.

Korɛntə veelɛ 1:21

Nui a gu huwalawala, gwa kááni Kristə hu, yɛ nwulɔ mąąhəɠɛɛ lɔ guɔ, Yálá ɓə,

Hebreu 1:9

Ə́ Tələnmolaa wɛli la kɛ, Ə́ mɛ̨nį ɲɔ̨n nwɛli kpɛɛ yɛ́, Yili ɓə gɛ, oo Yálá, ə́ wɔɔ Yálái ə́ ə́ mąątí a dɔɔ wulɔ, a kwəinɛ̨ɛ̨ wulɔ, ə ə́ həɠə ɉu ə́ ɓɛlaa lɔwai.»

Hebreu 2:9

Kɛlaa, lə ɓə gwa pɛli gaai yiihu? Nui gɛ pələ tawolo too malakaɠaa di wɛi mui, yai a Jesus, ɉaa mɔ̨nɔ̨i tii ə mįi mąą mɛ̨nį ɓa, ə mąąwiɛlaa da lɛlɛ laa hɔlɔɓo, a mąą hon ɉɛn. Yili ɓa tii, Yálá ŋą mɛ̨inɛ̨ɛ̨ háálai, ə haa kɔlɔn, nu kanŋaa kəlee mąą mɛ̨nį ɓa.

M̀ɛni-lɛɛi 19:12

Ɲɛ̨i kɔ́w kaa a nwɔ̨n nən nwələənŋąą, tɔɔɓɔlɔ tamąą pɛlɛɛ nwuɔ̨, ɛlɛɛ, laa ta pɛ̨ɛ̨ mą, yaa tanɔ̨n nɔ ɓə gɔlɔn.

Samuɛlə dɔlɔɔ 10:1

Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.

Samuɛlə dɔlɔɔ 10:24

Samuɛlə yɛ nɔi lonnii kəlee diɛ: «Nui Yai-Laa ə ɲee lɛ mą, kaa gaa! Gɔɔn mąą hvo nɔi lonnii kəlee lɔwai.» Nąąlɔwai, nu kəlee ə ɲee lɔwa, diɛ tomą, diɛ kɛ mą: «Tɔɔmun ə́ yii ə kwɛa!»

Samuɛlə dɔlɔɔ 16:13

Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Kilii ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.