Tɔɔɓɛlaa veelɛ 1:4 - Yálá laawoo hɛɓɛ (dc)

⁴ Yili pulu, yɛ nwɔ̨nɔ̨ diɛ: Mɛ̨nii Yai-Laa kaa moi Israɛlə tɔɔmun ma, ya ka: ‹Gbin tii tɔɔmun laai ŋąi, hvo kɛa pai həɠəi laa, ɉaai lɔ li.›» Eli ə li, bələi di tí la, ə gɛ tii.

Yálá laawoo hɛɓɛ

⁴ Yili pulu, yɛ nwɔ̨nɔ̨ diɛ: Mɛ̨nii Yai-Laa kaa moi Israɛlə tɔɔmun ma, ya ka: ‹Gbin tii tɔɔmun laai ŋąi, hvo kɛa pai həɠəi laa, ɉaai lɔ li.›» Eli ə li, bələi di tí la, ə gɛ tii.

Bible

⁴ Maa mɛni ma, mɛnii ká ŋí Yâwɛɛ a m̀ôi: Ífe pâi kulâi gbìŋ ŋá íkaa laani ŋái. Ƃa pâi saa títi ƃôi!” Nya ƃe Ilaza è kùla naa é lí.

Tɔɔɓɛlaa veelɛ 1:4 ပူးပေါင်းရင်းမြစ်များ

Zɛnɛse 2:17

Kɛlaa, yii ɓaa mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwului ŋɛ̨i nwɛi, hvó má ta mį́i, mąąhɔlɔɓo, hvólói yá má ta mį́i la, yá haa.»

Zɛnɛse 3:4

Kaalə ə pənə yɛ mą: «Ka hva haa kpɔ tɔ̨nɔ̨ kpɛli.

Tɔɔɓɛlaa dɔlɔɔ 14:12

Ə́ wɛi, ə́ muhəɠə, pənə ə́ li ə́ pɔɔli, ɓɛlɔwai ə́ kaa pai lɔi la taai, nokolo kaa pai haai.

Tɔɔɓɛlaa dɔlɔɔ 18:2

Eli ə li, ə gbɔwɔ lɛ Akabə ɓa. Pulu aa kpɔlu Samari lɔi hu nąąlɔwai.

Tɔɔɓɛlaa veelɛ 1:16

Eli yɛ tɔɔmun mą: «Yai-Laa woo ka, yɛ diɛ: Gɛ mɛ̨nį ə́ nuą tɔɔ diɛ li Ɛkrɔn nuą di wɔ hali Baalə-Zebubə mąąnin gɛi, yɛ Yálá a wala kɛ Israɛlə nuą yəi, yili ɓa, gbin tii ə́ laai ŋą, hvó pai həɠəi laa, nąą ɓə ə́ kaa haai laa.»

Tɔɔɓɛlaa veelɛ 1:5

Nuą ŋɛ̨i tɔɔmun ə di tɔɔ, di pənə di pa, tɔɔmun ə di mąąnin gɛ, yɛ diɛ: «Lə mɛ̨nį ɓa ka pənə kaa pa?»

Tɔɔɓɛlaa veelɛ 1:6

Di diɛ mą: «Ku kwiɛn a nu ta bələi, yɛ kuɔ ka pənə ka li, ka mo tɔɔmun ma, kaa mą: ‹Yai-Laa yɛ diɛ: Akɛti, Yálá hvo Israɛlə nuą yəi? Yai ka káá lii Baalə-Zebubə mąąnin gɛi, yai a Ɛkrɔn nwɔ hali? Yili mąą mɛ̨nį ɓa, gbin tii ə́ kaa ŋą laani hvó pai həɠəi laa, nąą ɓə ə́ kaa haai laa.›»

Tɔɔɓɛlaa veelɛ 20:1

Nąąlɔwai tii, ɲɔ̨n ə pɛlɛ Ezekiasə ɓa, a ɉaa ɲɔ̨n. Yálá kwəi mɛ̨nį hukulɔ mun Amɔsə lon Esai ə pa, yɛ mą, mɛ̨nįi Yai-Laa ə mo ya ka: «Yɛ, ə́ ə́ yəi bɛlɛ́n bɛli, mąąhɔlɔɓo, ə́ kaa pai haai, hvó pai kulɔ ɲɔ̨n ŋɛ̨i hu.»

Tɔɔɓɛlaa veelɛ 8:10

Elise ə nwoo pulu pənə yɛ mą: «Lí ə́ mo mą, gaa kiɛ pai ɓaloi. Kɛlaa, Yai-Laa aa nɛ mą́ą́ yɛ gaa pai haai a haa kpəlee.»

Hanwon 11:19

Nuąi da li Nɛ̨ɛ̨nui tii pɔ, di hva di pulu pənə. Di hva yɛnɛ̨ɛ̨ kɛ pələ kaa.

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Izikiɛ 18:4

A tɛ̨ą, ɉɛnŋaai kpɔ da nɔ̨ɔ̨, bɔ́ɔ́ ɓaa gəlee. Lon gaa nąn da non di wɔ yɛnɛ̨ɛ̨; gəlee hveelɛi kaa a bɔ́ɔ́. Nui a nɛ̨ŋɛ̨n ɉəɠə, ya ɓə a ɉu haa ɓo.

Lonon mo 26:65

Mąąhɔlɔɓo, Yai-Laa ə mo yɛ di kaa pai haai nɔi pun ɉu. Ɛlɛɛ yaan, di ta lɔpee hvo kɛa kɛ yɛnɛ̨ɛ̨, ə kulɔ Yefunɛ lon Kalɛbə da Nun lon Ɉosue di pulu.

Samuɛlə dɔlɔɔ 28:19

Ə lɛɛ, Yai-Laa kaa pai yɛ́ ka Israɛlə ka lɔi Filisti nuą yee ŋą. Tínąą, yɛ́ ka ə́ lonnii ka káá pai kɛi bɔ́ haaɓɛlaa taa. Israɛlə kɔlaɠaɠaa diɛ kpɛli, Yai-Laa aa di lɔ Filisti nuą yee ŋą.»