Tɔɔɓɛlaa veelɛ 1:15 - Yálá laawoo hɛɓɛ (dc)

¹⁵ Yálá nwɔ malaka yɛ Eli ɓa nąąlɔwai: «'Ə́ muhəɠə ka nui tii ka li, hvó ɲɔw.» Eli ə muhəɠə da gɔ́laɠa nwun nąmui tii di ɲee yɛɛ, di li tɔɔmun bɔ.

Yálá laawoo hɛɓɛ

¹⁵ Yálá nwɔ malaka yɛ Eli ɓa nąąlɔwai: «'Ə́ muhəɠə ka nui tii ka li, hvó ɲɔw.» Eli ə muhəɠə da gɔ́laɠa nwun nąmui tii di ɲee yɛɛ, di li tɔɔmun bɔ.

Bible

¹⁵ Yâwɛɛ ŋɔɣâla-taa kelai è mò Ilaza ma ǹyɛɛi, “Ka ǹyaa ka yeŋ ǹyéei kwára. Ífe yào ma.” Nya ƃe Ilaza è mù sìɣe da ǹyaa dí yèŋ, dí lí gâloŋ pɔ́ naa.

Tɔɔɓɛlaa veelɛ 1:15 ပူးပေါင်းရင်းမြစ်များ

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Tɔɔɓɛlaa dɔlɔɔ 18:15

Eli yɛ mą: «Akɛ Yai-Laa Mɛ̨nį Kəlee ŋą Hééɓomun ŋɛ̨i gáá tíi mą gaa a vulú; háákələi kpɔ-kpɔɔ Akabə a kələi gáá.»

Tɔɔɓɛlaa veelɛ 1:14

Gíli kaa ɉu, nwɔ̨n ə kulɔ yələi, aa gɔ́laɠa nwun nąmįną hveelɛi kələn, da di pɔ nuą. Kɛlaa, nɛ̨ɛ̨mąą ɓə gáá vəi yɛ́, gɛ́ ə́ nɛ́ɛ́ yɛnɛ̨ɛ̨!»

Tɔɔɓɛlaa veelɛ 1:3

Nąąlɔwai, Yai-Laa nwɔ malaka ə mo Tisbe mun Eli ɓa, yɛ mą: «'Hvilɛn bələ pɔ ə li, ə kaa lii kwiɛn ɉii a Samari tɔɔmun nwɔ wɛlɛɛ ɓo nuą, kɛ diɛ: ‹Akɛti, Yálá hvo Israɛlə nuą yəi? Yaai ka káá lii Baalə-Zebubə mąąnin gɛi, yai a Ɛkrɔn nwɔ halii?›

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Ɉeremi 1:17

Kɛlaa, ə́ wɛi, 'ə́ hąą yili, 'ə́i muhəgə, mɛ̨nįi lɔpee ŋį́ ə́ tí la mo diɛ. 'Hvó nɛɛ laa di hvo ə́ mąą ɲɔw, di hvó hee ə́ mɛ̨i; ya gɛ tii, ɲą́ą́ ɓə pai ə́ hu pui yɛ́ di ɲɛ̨i ɓa.

Ɉeremi 15:20

Gáá ə́ kɛi nuą tii lííla, yɛ pɛlɛ́ nwąnąąi dɔɔ a kwɛli, yii hva dumo dɔɔi, di kaa pai kɔ́ pɛlɛi yɛ́, Kɛlaa, di yee hvo pai lɔi yɛ́. Gáá ə́ pɔ, gɛ́ ə́ nwun mąąɓo, gɛ́ ə́ hvólóon na ɓo. Ɲą́ą́ Yai-Laa nwóó li!

Izikiɛ 2:6

«Ə́ wəli tɔɔ hulɔnu lon: Hvo ɲɔw diɛ, ho ɲɔi di hvaa woo ɓa; ə́ kaa hɛa too nuą lɔwai, ɲąąlən ɉu. Ə́ kaa heeni ɲɔ̨n-gaaləɠaa mɛ̨i, ho ɲɔw di hvaa woo ɓa, 'hvó ɲɔw di ɲɛ̨ilai ɓa, mąąhɔlɔɓo kulɔ nwoo mu nu huwu li.

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Hebreu 11:27

Laa na laa háálai, Moisə ə həɠə Eziptə lɔi hu, hvo ɲɔw tɔɔmun ŋą lííholi ɓa, ɛlɛɛ, ə tɔɔ kpąą, yɛ ɲɛ̨i a kɛ nui hva kaa, mą.