Kɔlɔnikɔ Veerɛi 7:3 - Yálá laawoo hɛɓɛ (dc)

³ Israɛlə lonnii kəlee di nwɔ̨n gaa yɛ yɛɛ, Yai-Laa Mąąɲįnɛ̨n ə ɓo mɛ̨i; di di nwun vilɛn nɔi ɓa, di pɛlɛ di lii ɓa; diɛ Yai-Laa Laa tɛ. Mąąhɔlɔɓo ŋą mɛ̨nį lɛlɛɛi, ŋą wɛlikɛmąąlaa ɲɛ̨n və mą.

Yálá laawoo hɛɓɛ

³ Israɛlə lonnii kəlee di nwɔ̨n gaa yɛ yɛɛ, Yai-Laa Mąąɲįnɛ̨n ə ɓo mɛ̨i; di di nwun vilɛn nɔi ɓa, di pɛlɛ di lii ɓa; diɛ Yai-Laa Laa tɛ. Mąąhɔlɔɓo ŋą mɛ̨nį lɛlɛɛi, ŋą wɛlikɛmąąlaa ɲɛ̨n və mą.

Bible

³ Tãi Eezuɛ-ŋai dí ŋɔŋ kâa la gɛ́ kùla Ɣâla-taai, dí ŋɔ́nɔ Yâwɛɛ ŋɔmaa-waa-laai kâa a Ŋ̀âla-pɛrɛ Kɛ́tɛi láa fɛ́ɛ, díkelee dí díkpêleŋ pìlaŋ ǹɔii ma dí díŋuŋ pîlaŋ ǹɔii ma díkɛ Ɣâla fɛ̀li, díkɛ sɛɣɛ fêi tɛ̀ɛ Yâwɛɛ pɔ́, díkɛ mò dîyɛɛi, “Zɔŋ lɛ̂lɛɛi, ŋɔwɛli-kɛ-maai káa naa wɔ́lɔ-wɔlɔ da wɔ́lɔ-wɔlɔ.”

Kɔlɔnikɔ Veerɛi 7:3 ပူးပေါင်းရင်းမြစ်များ

Tɔɔɓɛlaa dɔlɔɔ 18:39

Ɓɛlɔwai Israɛlə nuą di gaa la tii, nu kəlee di pɛlɛ nɔi ɓa, diɛ kɛ: «Yai-Laa ɓə a Yálá! Yai-Laa ɓə a Yálá kpɔɔ kpɔɔ.»

Kɔlɔnikɔ Maa-ŋuŋ 16:34

'Ka Yai-Laa mąąwiɛ, mąąhɔlɔɓo, nwɔ mɛ̨nį lɛlɛɛi, ə lɛɛ, a kulɔ nwoo ɓa a yələ kəlee.

Kɔlɔnikɔ Maa-ŋuŋ 16:41

Nuąi kɛ di pɔ, diɛ ɓaa: Heman, da Yedutun, ə pɛlɛ la, nuąi di di lɛ, di di laa ɓo Yai-Laa mąątɛ̨nɛ̨ mɛ̨nį ɓa, gbəli: «Hvó gaai Yai-Laa a kulɔ nwoo ɓa a yələ kəlee.»

Kɔlɔnikɔ Maa-ŋuŋ 29:20

Davidə yɛ nu kpɔn gəlee ɓa: «'Ka Yai-Laa, ka wɔ Yálái mąątɛ̨nɛ̨.» Nu kpɔn kəlee di Yai-Laa di nąnni di wɔ Yálá mąątɛ̨nɛ̨, di pɛlɛ nɔi ɓa, di gwɛli hvilɛn Yai-Laa líi la, ɛlɛɛ, da tɔɔmun nií la.

Kɔlɔnikɔ Veerɛi 20:18

Ɉosafatə ə kwɛli hvilɛn, ə pɛlɛ nɔi ɓa. Ə kɛ lɔ tii, Ɉuda nuą da Ɉerusalɛmə nuą kəlee di pɛlɛ nɔi ɓa di kwɛli hvilɛn Yai-Laa ɓa.

Kɔlɔnikɔ Veerɛi 20:21

Ɉosafatə da nɔi lonnii di di nwun dɔɔ, əgɛ, di nuą tɔɔ kɔ́kuláaɠaa ɲɛ̨itɔwɔ, diɛ Yai-Laa laa tɛ, diɛ nwɔ kɛnɛ̨ laa mąąhəɠɛɛ mąątɛ̨nɛ̨ wələ tɔɔ, diɛ kɛ mą: «'Ka Yai-Laa laa tɛ, gbala ə tɔɔ, a kulɔ nwoo ɓa, ɲɛ̨n deei hvo mą!»

Kɔlɔnikɔ Veerɛi 29:28

Nɔi lonnii kəlee di gwɛli hvilɛn, nwələ yɛ hvaa dúlu woo yɛ tɔɔ, di lɛɛ gɛi tii, ə lɛɛ ɉu ɉaláá kələn ŋąą ə kpɛɛ.

Kɔlɔnikɔ Veerɛi 29:29

Yii kɛa di kɛi pa di yee laa kulɔi, tɔɔmun da nuąi kɛ nąą di di mąą pɛlɛ, di gwɛli hvilɛn.

Kɔlɔnikɔ Veerɛi 29:30

Yili pulu, tɔɔmun da galanɉonŋąą di mo Levi lonnii diɛ, di Yai-Laa mąątɛ̨nɛ̨ a Davidə nwɔ wələɠaai Asafə nwɔ wələɠaa, da gɛɛ kaamun nwɔ wələɠaai. Di mąątɛ̨nɛ̨ kpɔ a di kwəinɛ̨ɛ̨, yili pulu, di pu di kpəlin na di gwɛli hvilɛn.

Kɔlɔnikɔ Veerɛi 5:13

Dúlú hvɛɛ nuą da nwələ too nuą di woo ə kɛi kulɔ, bɛlɛɛ gee ɓa a nɛlɛɛ, diɛ Yai-Laa mąątɛ̨nɛ̨, diɛ naa tɛ. Ɓɛlɔwai dúlú woo, gbɛŋɛ̨nɛ̨ngwɛli da vɛli kɛ hɛnŋąą yiiɠaa tii di woo ə kɛi kulɔ la, di kɛi Yai-Laa mąątɛ̨nɛ̨ diɛ kɛ diɛ: «Yai-Laa nwɔ mɛ̨nį lɛlɛɛi, ɲɛ̨n deei hvo mą!» Nąąlɔwai, Yai-Laa nwɔ pɛ́lɛi laa ə hvɛɛ a túlɔ kpįnįn.

Ɛsdrasə 3:11

Di kɛi nwələ too, diɛ di kee woo mu hon, diɛ kɛ mą: mąąwiɛ da kɛnɛ̨ laa kaa Yai-Laa ɓa; Mąąhɔlɔɓo, nwɔ mɛ̨inɛ̨ɛ̨, da nwɔ lii nɛɛ gwəi laa kpon ɉu kwɛaai Israɛlə ɓa. Di kɛi yili ɓo tii, mąąhɔlɔɓo, di kɛi Yai-Laa hee pɛlɛ́ tɔɔ.

Mąątɛ̨nɛ̨ 100:5

Mąąhɔlɔɓo, Yai-Laa nwɔ mɛ̨nį lɛlɛɛ ɓə, nwɔ wɛlikɛmąąlaa ɲɛ̨n deei hvo mą, Gaa a tɛ̨ą, a kwɛlan gəlee da nwɔɔ!

Mąątɛ̨nɛ̨ 103:17

Kɛlaa Yai-Laa nwɔ wɛlikɛmąąlaa kaa a yələ kəlee mɛ̨nį, nuąi da mąąwiɛ di mɛ̨i; ɛlɛɛ, a yiliɠaai lonnii di wɔ lonnii hon a wɛlikɛmąąlaa;

Mąątɛ̨nɛ̨ 106:1

'Kánikookwəi! 'Ka Yai-Laa laa tɛ, mąąhɔlɔɓo nwɔ mɛ̨nį lɛlɛɛi nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 107:1

'Ka Yai-Laa laa tɛ, mąąhɔlɔɓo nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei və mą.

Mąątɛ̨nɛ̨ 118:1

'Ka gu Yai-Laa mąąwiɛ, mąąhɔlɔɓo nwɔ mɛ̨nį lɛlɛɛi, ɛlɛɛ, nwɔ wɛlikɛmąąlaa ɲɛn deei hvo mą.

Mąątɛ̨nɛ̨ 95:6

'Ka lɔ! 'Ka gu gu mąą pɛlɛ, 'ka gu kwɛli hvilɛn mą. 'Ka gu pu gu kpəlin na, gu pɛli Yálá, Yai-Laa lii la!

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Azaya 63:7

Gáá pai Yai-Laa nwɔ mɛ̨inɛ̨ɛ̨ɠaa hukulɔi, nwələɠaai da Yai-Laa laa tɛ, mɛ̨nįɠaai Yai-Laa ə gɛ kuɔ, di mąą mɛ̨nį ɓa, a nwɛlikɛmąąlaa kɛnɛ̨i ə gɛ, Israɛlə nwɔ pɛlɛ́i ɓa, bələ ə ɉon na a lii nɛ̨ɛ̨ gwəi, yɛ mɛ̨inɛ̨ɛ̨ tamąą kɛ mą.

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Levetekɔ 9:24

Nwɔ̨n da ə kulɔ Yai-Laa lííla, ɉaláá hɛnŋąąi kɛ ɉaláá kulɔ kəhi mɛ̨i da ɉuwɔ wulɔɠaa, ə di kələn. Nuą kəlee di nąą kaa, di tómą a kwəinɛ̨ɛ̨, di pɛlɛ di liiɓa nɔi ɓa.

Lonon mo 14:5

Israɛlə lonnii kəlee ɲąąkpɔn ŋąą kɛ, Moisə da Aarɔn di pɛlɛ di kɔ́wɔ mu.

Lonon mo 16:22

Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Lukə 1:50

Yaa ɓə ɲɛ̨imąąwɛli kaa kaa ɲəi, a lɔwai kəlee, yɛ gɛ nwɛlikɛmąą nuą diɛ, ə mą kɛ, yiiɠaai da ɲɔw mą.