Kɔlɔnikɔ Veerɛi 7:10 - Yálá laawoo hɛɓɛ (dc)

¹⁰ Ɲąnin mɛ̨ihveelɛnąą nwɔ pow hveelɛ kɔ́w haaɓa yələ, ə ɓo ɲee pɔ nuą diɛ, nu kəlee diɛ li di yəi bɛlɛ́ɠaa laaləi a kwəinɛ̨ɛ̨, di liinɛ̨ɛ̨i kɛ mɛ̨inɛ̨ɛ̨ Yai-Laa ə Davidə ɓa, da non Salomɔn, ə pɛlɛ la nwɔ nu huwui Israɛlə kəlee ɓa.

Yálá laawoo hɛɓɛ

¹⁰ Ɲąnin mɛ̨ihveelɛnąą nwɔ pow hveelɛ kɔ́w haaɓa yələ, ə ɓo ɲee pɔ nuą diɛ, nu kəlee diɛ li di yəi bɛlɛ́ɠaa laaləi a kwəinɛ̨ɛ̨, di liinɛ̨ɛ̨i kɛ mɛ̨inɛ̨ɛ̨ Yai-Laa ə Davidə ɓa, da non Salomɔn, ə pɛlɛ la nwɔ nu huwui Israɛlə kəlee ɓa.

Bible

¹⁰ Naa kɛ́ɛ tíi, Saloma è ǹûai kélee tɛ̀ɛ dípɔ-taai a ŋáloŋ ǹɔ́ɔlu mɛi-feerɛi ŋɔfólo buu-feerɛ káo-saaƃa ɣele. Ǹûai kélee dí lì dípɔ-taa a lii-nɛ̃ɛ kɛ́tɛ mɛnii Yâwɛɛ è gɛ̀ Deeƃé da ǹóŋ Saloma é pɛ́lɛ Eezuɛ-ŋai kélee mɛni mai.

Kɔlɔnikɔ Veerɛi 7:10 ပူးပေါင်းရင်းမြစ်များ

Tɔɔɓɛlaa dɔlɔɔ 8:66

Voló mɛ̨ihaaɓa yələ, Salomɔn ə ɓo nuą diɛ, di di hvɛli da tɔɔmun ni, nu kəlee ə li bɔ taai a gwəinɛ̨ɛ̨. Di kwəinɛ̨ɛ̨i kɛ, mɛ̨nįi kpɔ Yai-Laa ə gɛ nwɔ tímun Davidə da nwɔ nu huwui Israɛlə ɓa, mąą mɛ̨nį ɓa.

Kɔlɔnikɔ Veerɛi 29:36

Mɛ̨nįi ŋɛ̨i Yai-Laa ə nɔi lonnii diɛ, yili ə Ezekiasə da nɔi lonnii di kwəinɛ̨ɛ̨. Mąąhɔlɔɓo, mɛ̨nįi tii ə kulɔ nu kəlee tɛɠii.

Kɔlɔnikɔ Veerɛi 30:26

Gwəinɛ̨ɛ̨ tii hu kɛnɛ̨i kɛ Ɉerusalɛmə nuą diɛ. Hvó gaai, ə həɠə kpɔ Israɛlə tɔɔmun lon Salomɔn ŋą yələi ɓa, ə pa ə həli la ɲələi tii ɓa, mɛ̨nį huwui tii ta hvo ta kɛ li Ɉerusalɛmə daai.

Kɔlɔnikɔ Veerɛi 6:41

'Ə́ muhəɠə yiihu! Yai-Laa, 'pa Ə́ hvįitɔɔ pɛlɛ mu! Yɛ́ ka gəhii Ə́ hvąŋą kaa ɉui! Yai-Laa, Yɛ́ haláá laa həlinuąi mąąyili a di nwun mąąɓo həɠə! Ɛlɛɛ Yɛ́ Yee-too-lonnii 'di kwəinɛ̨ɛ̨ kulɔ nwun na nɛ̨ɛ̨ hu!

Kɔlɔnikɔ Veerɛi 7:11

Salomɔn ə ɲee laa kulɔ Yai-Laa nwɔ pɛlɛ́i da dɔɔmun nwɔ pɛlɛ́i ɓa, koloi lɔpee ə kɛ bɔ ə gɛ, ə gɛ Yai-Laa nwɔ pɛlɛ́i ɓa da gbɔwɔ nwɔɔ pɛlɛ́i ɓa, ə yiliɠaa kəlee kɛ, ə ɲee laa kulɔ.

Kɔlɔnikɔ Veerɛi 7:9

Di voló mɛ̨ihaaɓa yələ kɛ a hvįitɔɔ hvoló, hvó gaai, di ɉaláá kulɔi nįnɛ̨ kulɔ a hvoló mɛ̨ihveelɛ, di ɉɛli pu a hvoló mɛ̨ihveelɛ yee mu.

Nehemi 8:10

Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Mąątɛ̨nɛ̨ 100:2

'Ka tí Yai-Laa ɓa, a kwəinɛ̨ɛ̨, 'ka li bɔ pələ a kwəinɛ̨ɛ̨ wələɠaa.

Mąątɛ̨nɛ̨ 105:3

Naa Mąąhəɠə mɛ̨ni ə ka ɓələn, kaai Yai-Laa kwɛlii, 'ka gɛ kwəinɛ̨ɛ̨ hu.

Mąątɛ̨nɛ̨ 106:5

Gɛ́ pɛli ə́ liiɓa nuą di wɔ nwun na nɛ̨ɛ̨i kaai, Ə́ gwə́inɛ̨ɛ̨ nwɔ́ nu huwui nwɔ kwəinɛ̨ɛ̨ hu, gɛ́ nwɔ́ɔ́ hɔlɔɓo ə́ kwɛlin nwɔ ɲɛ̨i ponoi hu.

Mąątɛ̨nɛ̨ 32:11

'Ka kwəinɛ̨ɛ̨ kulɔ Yai-Laa mąą mɛ̨nį hu, kaai a tələnmo nuąi, 'ka kɛ kwəinɛ̨ɛ̨ hu; ɛlɛɛ, kaai kpɔ a kwəi kwələ nuą, 'ka pili yələi a kwəinɛ̨ɛ̨.

Mąątɛ̨nɛ̨ 92:4

diɛ doo a wələ, bɛlɛgwəi, gwɛnįn, da kɛɛ di ɓo mu.

Lɛɛ gbɔwɔ ɓa 18:1

Mɛ̨nįɠaa kpɔ Yálá ə gɛ Moisə da Israɛlə nuą diɛ, Madian haláá laa həli mun Ɉetro yai kɛ a Moisə mɔlɔ́, ə bələ mɛ̨n, diɛ mą: Yai-Laa aa Israɛlə nuą kulɔ Eziptə lɔi hu!

Izikiɛ 45:25

Ɲąnin mɛ̨ihveelɛnąą nwɔ hvóló pow kɔ́w lɔɔli yələ, a gɛ lɔ nwɔ̨nɔ̨ tii, ɉɛli kɛnɛ̨ pu mɛ̨nį hu, hvóló mɛ̨ihveelɛ yeemu. Gɛ pələ a kɛ lɔ tanɔ̨n nɛ̨ŋɛ̨n mąąhvaalɛɛ haláá mɛ̨nį hu, ə mą kɛ ɉaláá yii da gəlee kələn, da Yálá kɔ́ haláá, da nwulɔ tɛɛ mɛ̨nį.»

Gɛlaɠaa 16:34

Ə Polə da Silasə ni həɠə, ə li a diɛ ɲəi bɛlɛ́n, ə kɔ̨nɔ̨n dɛɛ di pɔ. Da ɲəi bɛlɛ́n nuą di kɛ kwəinɛ̨ɛ̨ hu, mąąhɔlɔɓo, daa di yee hee Yálá mąą mɛ̨nį mu.

Gɛlaɠaa 2:46

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi.

Dutɛrɔnome 12:12

Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Dutɛrɔnome 12:18

Ka pa a ɉɛnŋąą tii, ka mįi Yai-Laa ka wɔ Yálái lííla; ɓɛi gaa pai ɲee kpuwɔ lɛi laa. Gɛɛnąą tii ɓə ka káá pai kɛi di mįi laa ka ka lon ɉinąą da ka lon nɛ̨ąą, ə mą kɛ ka wɔ luwɔ hinąą da nɛ̨ąą, da Levi lon yii ka wɔ taai hu. Ɉɛn gɔwi ka káá pai ɉɔlɔɓoi ka kɛ kólóɠaa hu, ka yili mąą kwəinɛ̨ɛ̨ kulɔ Yai-Laa ka wɔ Yálái ɲɛ̨i ɓa.

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Dutɛrɔnome 16:14

Ka ɉɛlii tii pu a kwəinɛ̨ɛ̨, kaa, ka ka lonnii, da ka wɔ luwɔɠaa, Leviɠaa, da nwɛ̨ąą, ə mą kɛ, təliɠaa da galaninŋąą, diɛi di kaa ka wɔ taaɠaa hu.

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.