Kɔlɔnikɔ Veerɛi 5:2 - Yálá laawoo hɛɓɛ (dc)

² Nąąlɔwai, Salomɔn ə Israɛlə kalanɉonŋąą ɲąąkpɔn Ɉerusalɛmə, da nɔi nwun nąmįną kəlee, da Israɛlə bɛlɛ nąmįną; əgɛ, di Yai-Laa nwɔ mįnɛ̨ kəhii həɠə Davidə taa, ya ɓaa a Siɔn, di li la Ɉerusalɛmə.

Yálá laawoo hɛɓɛ

² Nąąlɔwai, Salomɔn ə Israɛlə kalanɉonŋąą ɲąąkpɔn Ɉerusalɛmə, da nɔi nwun nąmįną kəlee, da Israɛlə bɛlɛ nąmįną; əgɛ, di Yai-Laa nwɔ mįnɛ̨ kəhii həɠə Davidə taa, ya ɓaa a Siɔn, di li la Ɉerusalɛmə.

Bible

² Saloma è ǹúu pɔlɔ-ŋai, ǹúu-laa túɛ-ƃelai da Eezuɛ kaloŋ-ŋai kélee ma tòli Zerusâlɛŋ a gɛ́ɛ dí lí dí pá a Yâwɛɛ ŋɔkpanaŋ-woo kɛ́ɛ maa Gãlai. Gãlai ŋí è kɛ̀ Zãiyɔŋ Deeƃé ŋɔtaa-lêei su.

Kɔlɔnikɔ Veerɛi 5:2 ပူးပေါင်းရင်းမြစ်များ

Samia Veerɛi 5:7

Davidə ə Siɔn gulaa kwəli hon, di naa hee kɛa a Davidə taa.»

Samia Veerɛi 6:12

Nuą di pa, di mo tɔɔmun Davidə ɓa, diɛ mą: Yai-Laa aa lúwɔ́ too Ovɛdə-Edomə nwɔ pɛlɛ́i ɓa, da ɲəi bɛlɛ́n ɉɛnŋaa kəlee, Yálá nwɔ kəhii mąą mɛ̨nį ɓa. Davidə ə muhəɠə ə li Yálá nwɔ kəhii həɠə mɛ̨nį ɓa Ovɛdə-Edomə yəi bɛlɛ́n, yɛ paa la Davidə taa a kwəinɛ̨ɛ̨.

Kɔlɔnikɔ Maa-ŋuŋ 15:1

Davidə ə pɛlɛ́ɠaa tɔɔ Davidə taa, ə kɛɛnąą ta pɛli, ə həɠə pɛlɛ́ tɔɔ laa, ə Yálá nwɔ mįnɛ̨ kəhii lɔ mu.

Kɔlɔnikɔ Maa-ŋuŋ 15:12

Ə mo diɛ yɛ diɛ: Kaai ɓaa Levi huwuhu nuą nwun nąmįną, 'ka ka mąąhəɠə, ka ká yəi bɛlɛ́n nuą kəlee, yili pulu, ka li ka Yai-Laa Israɛlə nwɔ Yálái nwɔ mįnɛ̨ kəhi həɠə, ka paa la ɓɛi ŋį́ nąą pɛli a nwɔɔi.

Kɔlɔnikɔ Maa-ŋuŋ 15:25

Davidə, Israɛlə kalanɉonŋaa da gɔ́kulaa nwun nąmįną di li di Yai-Laa nwɔ mįnɛ̨ kəhii həɠə a kwəinɛ̨ɛ̨ Ovɛdə-Edomə pɔɔli.

Kɔlɔnikɔ Maa-ŋuŋ 15:3

Davidə ə Israɛlə nuę kəlee ɲąąkpɔn Ɉerusalɛmə daai, ə gɛ di Yai-Laa nwɔ mįnɛ̨ kəhi həɠə di paa la ɓɛi di bɛli mąą mɛ̨nį ɓa.

Kɔlɔnikɔ Maa-ŋuŋ 16:1

Di pa a Yálá nwɔ mįnɛ̨ kəhii, ɉəɠə pɛlɛ́i ŋɛ̨i Davidə ə dɔɔ mįnɛ̨ kəhii tii laa ɓa, di ɉee mu. Yili pulu, di nɛ̨ɛ̨mą, di haláá hɛn da gəlee kələn da nɛ̨ɛ̨yɔwɔ laa haláá, di gulɔ laa Yálá ɓa.

Kɔlɔnikɔ Maa-ŋuŋ 24:31

Diɛ kpɛlimąn, bələi tii di kaayɔwɔɠaai a Aarɔn lonnii di gɛ la, bələ lɔ ɓə di gbɛɛn bili la heeɓomun Davidə, Sadɔkə, Ahimelɛkə, da ɉaláá kulɔ pɛlɛ́ nąmįną ɲɛ̨i ɓa, ə pɛlɛ la Levi lonnii diɛ, bɛlɛ́ nąmįną, ə mą kɛ, nəɠə nwɔ pɛlɛ́ nąmįną diɛ.

Kɔlɔnikɔ Maa-ŋuŋ 24:6

Semaya tii kɛ a Netanɛlə lon, ə kɛ a hɛɓɛ́ kɛmun Levi lonnii lɔwai; ə di laa pɛ̨ɛ̨ heeɓomun da dɔɔɓɛlaa, ɛlɛɛ, da ɉaláá laa həli mun Sadɔkə di ɲɛ̨i ɓa, ə kɛ tii, Ahimelɛkə, Abiatarə lon, ɉaláá laa həli pɛlɛ́ɠaa da Levi lonnii di ɲɛ̨i ɓa. Di pɛlɛ tɔ̨nɔ̨ həɠə Eleazarə nwɔ pɛlɛ́i mu a kpɛɛn, yili pulu, di pɛlɛ tɔ̨nɔ̨ həɠə Itamarə yəi bɛlɛ́n a kpɛɛn.

Kɔlɔnikɔ Maa-ŋuŋ 26:26

Selomitə tii da gaayɔwɔɠaa ɓə di di tɛɛ ɉɛngɔwɠaa, da ɉaláá kulɔ hɛnŋąą tii tɔɔmun Davidə ə di laakwɛlanmo Yálá ɓa nwun na, da pɛlɛ́ nwun nąmįną, nu waa tɔ̨nɔ̨ nwun nąmįną, nu nwundɔ̨nɔ̨ nwun nąmįną, da kɔlaɠa nwun nąmįną.

Kɔlɔnikɔ Maa-ŋuŋ 28:1

Davidə ə Israɛlə ɲąąwooɓo nuą kəlee ɲąąkpɔn Ɉerusalɛmə, ə bɛlɛ, nɔi nwun nąmįną diɛ, gɔláɠa nwun nąmįnąi kpɔ kɛ tɔɔmun ɲee mu, da nuąi kɛ a nu waa nwundɔ̨nɔ̨ nąmįną, nuąi kɛ tɔɔmun da nonnii di wɔɔ hɛngɔwɠaa da daatɛlɛɛ kəlee nwun na, da gbɛtɛgbuwuɠaa, da nuąi tɔɔmun nonnii mɛ̨ikaa mɛ̨nį nwun na, ə mą kɛ, yiiɠaai kɛ gɔɓuwu nwun na, da nu kpɛa-kpɛaɠaa kəlee.

Kɔlɔnikɔ Veerɛi 1:4

Yii ɓaa a Yálá nwɔ mįnɛ̨ kəhii nwɛi, Davidə aa ta kɛ ɉəɠə Kiriatə-Yearimə, ə li ə ɉee, ɓɛi ə nąą pɛli gəhii tii laa ɓa; hvo gaai, ə kələ tɔɔ Ɉerusalɛmə gəhii tii laa ɓa.

Kɔlɔnikɔ Veerɛi 5:1

Yii kɛa Salomɔn ə ɲee laa kulɔ Yai-Laa nwɔ pɛlɛ́i goló ɓa, ɉɛnŋąą nąn Davidə ə naakwɛlanmo Yálá ɓa, ə pa a gəlee, diɛ ɓaa a: Wali, hɛni, da ɉɛnɲąŋąɠaa kəlee, ə ɉee Yálá nwɔ pɛlɛ́i mu, ɉɛn gɔw kɛɛnąą.

Kɔlɔnikɔ Veerɛi 5:12

Levi huwu hu nuąi kɛ a nwələ too nuą, diɛ ɓo Asafə, Heman da Yedutun da di kaayɔwɔɠaa di yee mu, həɠə kwɛlɛɛ yɛ ɓo di kwaną, kpɛŋɛ̨nɛ̨n-gwɛli yɛ ɓo di yəi, da gololon-gwɛnįn, ɛlɛɛ, bɛlɛgwəi gwɛnįn; di tɔɔ Yálá kɔ́i mamįiyee hu. Di kwɛlɛ, haláá laa həli nuą nu nwundɔ̨nɔ̨ ɲee hveelɛ ə ɓo laa, diɛ túlú hvɛɛ.

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Mąątɛ̨nɛ̨ 87:2

A nwɛlila kɛ, dɛɛ Ɉakɔbə nwɔ pɛlɛ́ɠaai kəlee diɛ.

Levetekɔ 9:5

Ɉɛnŋąąi tii Moisə ə di hvaaɓo, di pa a diɛ gee kaa kələ laaləi, yili pulu, nuą kəlee di lɛɠɛ laa, di tɔɔ Yai-Laa lííla.

Lonon mo 10:33

Da diɛni di həɠə Yai-Laa nwɔ yeei ɓa, di hvóló haaɓa hiɛ kɛ. Yai-Laa nwɔ mįnɛ̨ kəhii ə kɛ di tɔwɔ diɛ li voló haaɓa hiɛi tii hu, ə gɛ ɓɛi mąąnɛ̨ɛ̨ diɛ daa pu laa, yɛ nąą lɛ diɛ.

Lonon mo 10:36

Gəhi a kpala a tɔɔ, Moisə a kɛ mą: «Yai-Laa pənə Ə́ pa! Israɛlə nu kpului ŋɛ̨i kɛnɛ̨i!»