Kɔlɔnikɔ Veerɛi 4:16 - Yálá laawoo hɛɓɛ (dc)

¹⁶ Ɉɛnɲąŋąɠaa, gwoagwoaɠaa, ɉɛnŋąą hɛlɛnɉi, da ɉɛnŋąą pɛlɛɛ pɛlɛɛɠaa kəlee, Hiramə-Abi ə ɉɛnŋąą tii kəlee kɛ a kwɛli kpɔlu tɔɔmun Salomɔn ɓa, a Yai-Laa nwɔ pɛlɛ́i nwɔɔ.

Yálá laawoo hɛɓɛ

¹⁶ Ɉɛnɲąŋąɠaa, gwoagwoaɠaa, ɉɛnŋąą hɛlɛnɉi, da ɉɛnŋąą pɛlɛɛ pɛlɛɛɠaa kəlee, Hiramə-Abi ə ɉɛnŋąą tii kəlee kɛ a kwɛli kpɔlu tɔɔmun Salomɔn ɓa, a Yai-Laa nwɔ pɛlɛ́i nwɔɔ.

Kɔlɔnikɔ Veerɛi 4:16 ပူးပေါင်းရင်းမြစ်များ

Tɔɔɓɛlaa dɔlɔɔ 7:45

Luwu pili hɛnɲąŋąŋaa, goagoaɠaa da yá taɠa hɛɲąŋą. Yai-Laa hee pɛlɛ́ mu hɛnŋąąi Salomɔn ə kɛ Hiramə ɓa bɛli, ə gɛ a ɓala kwɛliɠaa, diɛ lən.

Tɔɔɓɛlaa veelɛ 25:14

Di gəgənŋąą həɠə, da goagoaɠaa, moaɠaa, gbələ kɔ́wɔɠaa da ɉaláá kulɔ hɛɲąŋąɠaa di kɛ a mala kwɛli.

Kɔlɔnikɔ Maa-ŋuŋ 18:8

Ɓala kwɛli kpulu kɛnɛ̨ ɓə Davidə ə ɉəɠə Hadadɛzɛrə yəi Tivhatə daai da Kun daai. Mala kwɛliɠaa tii ɓə Salomɔn ə mala kwɛli gboloyá pɛli la, da bɛlɛ́ dɔɔmuɠaa, bɛlɛɛ mala kwɛli hɛnɲąŋąɠaa diɛ, diɛi kɛ Yálá nwɔ pɛlɛ́i mu.

Kɔlɔnikɔ Maa-ŋuŋ 28:17

Ɉɛnŋąą hɛlɛnɉɛnŋąą, gəgənŋąą, ɲá haɠa hɛnŋąą, a hɛni tee-tee, gbələ gəgənŋąąi a hɛni, da gəgənŋąąi mu wiɛ pələ, ə mą kɛ, nwali gəgən bɛlɛɛɠaa, da gəgən dɛitɛi mu wiɛ pələ.

Kɔlɔnikɔ Veerɛi 2:13

Nee ə kulɔ Dan huwu hu, nąn ə ɓo a Tirə mun; ɲɛlɛɛi hɛni koló kɛi, da wali kwɛli, ə mą kɛ, kwɛli kpɔlu da kwɛli kpəlee, ɲɛlɛɛi wulu haɠa da kwɛni. Ɲɛlɛɛi nwɔ̨nɔ̨ ganą heei, ə kɛ a gbɔlu, gbɔluɔ mutɛɠiɛ, awala kɛ tii, dɛɠiɛ hɛ̨-hɛ̨. A pɛli hɛn mąą nįnį́n nɔpee gəlee kɛi a wulu, kolói yá kɛ mą gɛ, a gɛ; da ə́ wɔɔ yɛlɛkɛnuąi, ə pɛlɛ la ŋį́ nąmu ə́ nąn Davidə nwɔ yɛlɛkɛnuąi diɛ.

Kɔlɔnikɔ Veerɛi 4:11

Hiramə ə gəgənŋąą pɛli, gwoagwoaɠaa da ɲá haɠaa gəgənŋaa. Golói mąąnɛ̨ɛ̨ ə gɛ tɔɔmun Salomɔn ɓa Yálá yəi bɛlɛ́n, ə ɲee laa kulɔ mą.

Kɔlɔnikɔ Veerɛi 4:15

Ə hɛnɲąŋą kɛnɛ̨ ta pɛli, ə ɉee nįŋɛ̨ pow kɔ́w hveelɛ mąąnįnįn mɛ̨i, ə bu lɔ tii tanɔ̨n a kwɛli kpɔlu, ə naa hee a gboloyá.

Kɔlɔnikɔ Veerɛi 4:17

Ɉurdɛn lɔi hu Sukotə da Seredata di lɔwai ɓə tɔɔmun ə ɉɛnŋąąi tii kəlee pɛli laa.

Lɛɛ gbɔwɔ ɓa 27:3

Ɉaláá kulɔ hɛnɲąŋąɠaai tii kəlee pɛli a ɓala kwɛli, ə́ da pɛli a luwu kələ hɛn, ə́ da kɛ a gwoa-gwoa, ə́ da kɛ a ɲąmą taɠa hɛnɲąŋą, ə́ da kɛ a mįnɛ̨ ɲin ɉu kulaa, ə́ da kɛ a nwɔ̨n ɉəɠə hɛn.

Lɛɛ gbɔwɔ ɓa 38:3

Di ɉaláá kulɔi hɛnŋąą pɛli a ɓala kwɛli; gəgənŋąą, goagoaɠaa, nuwu pu hɛnŋąą, deaɠaa mįnɛ̨ɠaa da nwɔ̨n ɉəɠə hɛnŋąą.