Kɔlɔnikɔ Veerɛi 2:1 - Yálá laawoo hɛɓɛ (dc)

¹ Salomɔn ə nu waa pow mɛ̨ihveelɛ həɠə tiɛ̨ həɠə koló hu, ə nu waa pow mɛ̨ihaaɓa a kwɛni haɠa nuą yee hu, ɛlɛɛ, nu waa haaɓa pulu nwun mɛ̨ida, diɛ di ɲɛ̨i kɛ goló kɛ nuą diɛ.

Yálá laawoo hɛɓɛ

¹ Salomɔn ə nu waa pow mɛ̨ihveelɛ həɠə tiɛ̨ həɠə koló hu, ə nu waa pow mɛ̨ihaaɓa a kwɛni haɠa nuą yee hu, ɛlɛɛ, nu waa haaɓa pulu nwun mɛ̨ida, diɛ di ɲɛ̨i kɛ goló kɛ nuą diɛ.

Bible

¹ Saloma è gbɛ̀tɛ gíli ŋá a gɛ́ɛ dí Ŋ̀âla-pɛrɛ Kɛ́tɛi tɔ́ɔ Yâwɛɛ mɛni ma da ŋɔkâloŋ-pɛrɛi.

Kɔlɔnikɔ Veerɛi 2:1 ပူးပေါင်းရင်းမြစ်များ

Tɔɔɓɛlaa dɔlɔɔ 5:15

Tirə tɔɔmun Hiramə ə nwɔ nuą tɔɔ Salomɔn pɔɔli, mąąhɔlɔɓo, aa kɛ mąn diɛ kɛ daa ɉee a nąn Davidə mąąhvalin. Hiramə yaan, ə wɔlɔ kɛ a Davidə mɛlan.

Tɔɔɓɛlaa dɔlɔɔ 5:5

Ɉuda nuą da Israɛlə nuą di kɛ a nuą wəli pulu laɠiɛ. Nu kəlee heɛ nwɔ viɲə kpɔlɔ mu, da nwɔ ɓolaa wulu mu. Ə həɠə Dan, ə li Beɛrə-Seva, Salomɔn ŋą yɛnɛ̨ɛ̨ kəlee yee mu.

Tɔɔɓɛlaa dɔlɔɔ 7:1

Salomɔn ə nwɔ tɔɔ pɛ́lɛ́i tɔɔ, kwɛlan bow kɔ́w haaɓa yeemu, ə kpɛɛ la.

Tɔɔɓɛlaa dɔlɔɔ 8:18

Kɛlaa, Yai-Laa ə mo ną́n Davidə ɓa; yɛ mą: ‹Yaa gili tee ə kwəi yɛ ə́ pɛlɛ́ tɔɔ náá mąą mɛ̨nį ɓa. A tɛ̨ą, yáá gɛ a nɛlɛɛ.

Tɔɔɓɛlaa dɔlɔɔ 8:20

Mɛ̨nįi Yai-Laa ə mo ną́n ma, ya ka tii ə naa hon. Ŋą́ą́ lɛɛ ną́n bɔɔ ŋą, ŋą́ą́ hee Israɛlə dɔɔkpəlin mɛ̨i, yɛ bələi Yai-Laa ə mo la. Ŋą́ą́ bɛlɛ́i ŋɛ̨i tɔɔ Israɛlə nwɔ Yálá, Yai-Laa laa ɓa.

Tɔɔɓɛlaa dɔlɔɔ 9:1

Ɓɛlɔwai tɔɔmun Salomɔn ə kpɛɛ la a Yai-Laa hee pɛlɛ́ tɔɔ, da dɔɔ pɛlɛ́, da yiiɠaa kpɔ ə kɛ bɔ ə gɛ, ə yili kəlee kɛ.

Kɔlɔnikɔ Maa-ŋuŋ 22:10

Yaa tii ɓə pai pɛlɛ tɔɔi ə kɛ a náá. Gaa pai kɛi a nón, gɛ́ ɓo a nąn. Gáá pai nwɔ heeɓo laa heei kpílin, ŋą nwɔ tɔɔlaa hu nɛ̨ɛ̨ Israɛlə nuą kəlee diɛ a yələ kəlee mɛ̨nį…›

Kɔlɔnikɔ Veerɛi 1:17

Da kɛi pənə kɛ diɛ pa, di kɛi wotolo tɔ̨nɔ̨ ya Eziptə lɔi hu a wali kwələ mɛ̨ida, ɛlɛɛ, diɛ hoo tɔ̨nɔ̨ ya a wali kwələ nwundɔ̨nɔ̨ yee lɔɔli. Bələ ɓə ə kɛi gɛ la da Hɛtə tɔɔɓɛlaa kəlee, ɛlɛɛ da Aramə tɔɔɓɛlaa, ə kɛi tɛɛ di pɔ pələ yɛ ɉɛnŋąą tii lɔ nwɔɔ lɔi hu.

Kɔlɔnikɔ Veerɛi 2:12

Gáá kani yɛlɛmun da tɛɛ yɛ́ yiihu, a mɛ̨nį kɔ́lɔnmun, naa ɓaa a Hiramə-Abi.

Dutɛrɔnome 12:11

Akɛ ti gɛɛnąąi Yai-Laa ka wɔ Yálái kaa pai ɲee kpuwɔ lɛi mą, yɛ naa hee nąą ɓa, nąą ɓə ka káá pai kɛi lii laa a ka wɔ Yálá kɔ́ haláá yii da gəlee kələn, nɛ̨ɛ̨yɔwɔ laa haláá, a ka wɔ hihɛnŋąą má bow nąą, ɉɛnŋąą ka káá pai lɛɛi ka kpɔwɔ ɓa kaa Yálá kɔ́ la; ɉɛnŋąą ka káá pai kɛi di laakwɛlanmoi Yai-Laa ɓa.

Dutɛrɔnome 12:5

Kɛɛnąą lɔpee Yai-Laa ka wɔ Yálá kaa pai ɲeekpiɛ lɛi nąą, Israɛlə huwu kəlee lɔwai, yɛ naa hee laa, yɛ daa tɔɔ laa, gɛɛnąą tii lɔ ɓə ka káá pai kɛi lii laa, kaa hvaa bɔ.

Dutɛrɔnome 28:58

«Ka wala tɔɔ a ka nwąnąąi, kaa dɔ́n ŋɛ̨i bɛ̨ɛ̨ ɉɛɓɛ́i ŋɛ̨i hu, kaa ɉu wooɠaa kəlee kɛ, kaa ɲɔw naa ɓa, yii mąąwia mąą ɲɔuwɔ, naa tii ɓaa: ‹Yai-Laa›, ka wɔ Yálá.