Kɔlɔnikɔ Veerɛi 18:9 - Yálá laawoo hɛɓɛ (dc)

⁹ Israɛlə tɔɔmun da Ɉuda tɔɔmun, tɔɔhəɠə ə ɓo di kwaną, di nu hveelɛ, nu kəlee hiɛ tɔɔkpəlin ɉu, Samari taa ɉįi la. Yálá kwəi mɛ̨nį hukulɔ nuą diɛ kɔ́nwɔ̨, diɛ kɛ di kaa Yálá kwəi mɛ̨nį hukulɔi dɔɔɓɛlaa tii diɛ.

Yálá laawoo hɛɓɛ

⁹ Israɛlə tɔɔmun da Ɉuda tɔɔmun, tɔɔhəɠə ə ɓo di kwaną, di nu hveelɛ, nu kəlee hiɛ tɔɔkpəlin ɉu, Samari taa ɉįi la. Yálá kwəi mɛ̨nį hukulɔ nuą diɛ kɔ́nwɔ̨, diɛ kɛ di kaa Yálá kwəi mɛ̨nį hukulɔi dɔɔɓɛlaa tii diɛ.

Bible

⁹ Eɣa nyíi kɛ̀ a kâloŋ Eezuɛi da Zeosafa nyíi kɛ̀ a kâloŋ Zudai dífeerɛ díkɛ̀ a dímaa-ɣiriɛɛ a díkâloŋ seɣe-ŋai díkɛ ƃò see-ni díkâloŋ-see-sãai ŋá mii-sãa táɣiŋ kwaai ma nyíi kɛ̀ Sameria ziɣãŋ-laƃerei kɔlɛ ma Ɣâla ŋɔlóno kɛ́-ƃelai díkɛ Ɣâla-woo ƃò díŋɛi túɛ.

Kɔlɔnikɔ Veerɛi 18:9 ပူးပေါင်းရင်းမြစ်များ

Maafîu 19:28

Jesus yɛ diɛ: «Gáá moi kaa a tɛ̨ą, ɓɛlɔwai Nu Lon kaa pai kɛi la heeni Nąn Yálá nwɔ tɔɔkpəlin mąąwiɛ hu, ka nu pow-kɔw-hveelɛ ŋɛ̨i hvilɛn búlúi, ka kɛ laa kaa kpɛli ka wɔ kpəlin ɉaai hu, kaa Israɛlə nu huwu heei pow-kɔw-hveelɛ ɉaa woo ɓo.

Maafîu 11:8

Akɛti, lə kpɔ ɓə ka li gaai? Nu mąą yiliɛ a həɠə lɛlɛɛ? Kɛlaa, nuąi di mąą yiliɛ a həɠə lɛlɛɛ, di kaa tɔɔ pɛlɛ́ɠaa mu.

Maafîu 6:29

Kɛlaa gáá moi kaa, bələi mąn Salomɔn ə kɛ la nwɔ tɔɔlaai hu, mąąyili hɛnŋąą di hvo kɛ lɛlɛ li hvo həli nwuluɠaai tii dɔ̨nɔ̨ kpɛli pɔ.

Danîa 7:9

Ɲɛ́i ə lɛɛ lɔ laa, di tɔɔ kpəlinŋaa hvilɛn, hulɔgolo pɔlɔ-pɔlɔ. Ta ə pa ə hee ɉu. Ɉulɔgoloi tii mąą həɠə kwəlɛɛ kɛ yɛ wee kwələ, nwun nəɠa yɛ ɓo yɛ yee hunwɔ. Nwɔ tɔɔ kpəlin yɛ ɓo yɛ nwɔ̨n nən. Gɔwɔɠaa diɛ ɓo yɛ nwɔ̨n dəŋą.

Izikiɛ 26:16

Gboloyá hu tɔɔɓɛlaa kaa pai həɠəi di wɔ tɔɔ kpəlinŋaai mɛ̨i, di di wɔ gbaawiiɠaai kulɔ di kwąną, di di wɔ həɠə ɲɛ̨i tɔɔɠaai kulɔ diɛ; di mąą həɠə ə lɛɛ lɔ a kpɛlin mo; di hee lɔi ɓa, diɛ kpɛlin nɔ, diɛ di woo laa ə́ mąą mɛ̨nį ɓa.

Azaya 14:9

Ə́ pa mɛ̨nį bələ mɛ̨n ɲąmuątaa ə mo, níi kaa kulɔi mą, yɛ haa nuą nwun, ə́ laakwiɛn mɛ̨nį ɓa, yɛ yɛnɛ̨ɛ̨ tɔɔɓɛlaa kəlee həɠə di wɔ tɔɔkpəlin hu.

Kɔlɔnikɔ Veerɛi 18:29

Israɛlə tɔɔmun yɛ Ɉosafatə ɓa: «Gáá ɉəɠə mąąhvalin ɉii, ŋį́ pili gɔ́ hu. Ə́ wɛi, yá həɠəi lɛɛ lɔ ə́ kwaną.» Israɛlə tɔɔmun ə ɉəɠə kulɔ gwaną, ə pili gɔ́ hu.

Rutə 4:1

Nąąlɔwai, Boozə ə li ə hee ɉįi la, ɓɛi da kɛ mɛ̨nį ɓo kɛi laa, ə lɛɛ laa heeni, nui ŋɛ̨i ə mąą mɛ̨nį ɓo Rutə ɓa, yɛ kɛ mą: «Yaa ɓə mąąnɛ̨ɛ̨ ə ə́ mąą mɛ̨nį ɲɛ̨i kulɔ,» yili yɛ pa tɛɛi. Boozə ə dəli, yɛ mą: «Mɛ̨i yɛ́ ɓə! 'Lɛɠɛ ɓɛ, ə́ heei kaa laa.» Yili ə pa, ə hee.

Kɔlɔnikɔ Veerɛi 18:8

Israɛlə tɔɔmun ə nwɔ koló kɛmun dɔ̨nɔ̨ təli, yɛ mą: «'Li ɉa, ə́ Yimla lon Mise təli, ə pa!»

Kɔlɔnikɔ Veerɛi 18:10

Kenaana lon Sidkiyahu, aa mįnɛ̨ tɔɔ nwuɔ̨ a kwɛli, yɛ diɛ: «Yai-Laa woo ka, yɛ diɛ: ‹Mįnɛ̨i ŋɛ̨i ɓə ə́ kaa pai Aramə ɓɔi la, yɛ́ gbəli ŋąąyii!›»