Kɔlɔnikɔ Veerɛi 17:9 - Yálá laawoo hɛɓɛ (dc)

⁹ Yai-Laa ŋą tɔ́n ɉɛɓɛ́i ɓə kɛ di yəi, di tɛɛ la Ɉuda lɔi hu taaɠaa kəlee hu, diɛ nuą mąąkwɛli mą.

Yálá laawoo hɛɓɛ

⁹ Yai-Laa ŋą tɔ́n ɉɛɓɛ́i ɓə kɛ di yəi, di tɛɛ la Ɉuda lɔi hu taaɠaa kəlee hu, diɛ nuą mąąkwɛli mą.

Bible

⁹ Dí Yâwɛɛ ŋɔtɔ̂ŋ-kɔlɔi sîɣe díli la Zuda lɔii-kpiniŋ gwaa kélee ma díkɛ nɛ̀ ǹûai dîa daa-ŋai kélee su.

Kɔlɔnikɔ Veerɛi 17:9 ပူးပေါင်းရင်းမြစ်များ

Kɔlɔnikɔ Veerɛi 15:3

Israɛlə ə lamun, Yálá kpɔ-kpɔ hvo kɛ ɲəi, haláá laa həli mun və kɛ laa yɛ nuą mąąkwɛli, tɔ́n və kɛ laa.

Kɔlɔnikɔ Veerɛi 19:8

Ɉosafatə ə lévi lonnii taɠaa, da ɉaláá laa həli nuą, ə mą kɛ, Israɛlə pɛlɛ́ nąmįną taɠaa hee a kiti tee nuą Ɉerusalɛmə, əgɛ, diɛ daa nuą lɔwai mɛ̨nįɠaa hutɔɔ, yɛ bələi Yai-Laa kaa la bɔ.

Kɔlɔnikɔ Veerɛi 35:3

Yɛ lévi lonnii tii kɛ a Israɛlə nuą kəlee mąąkwɛli nuą, yiiɠaai kɛ a di mąąhəɠɛɛ Yai-Laa mąą mɛ̨nį ɓa, yɛ diɛ: «Ə li kɛ, ka li a mįnɛ̨ kəhi mąąhəɠɛɛ, bɛlɛ́i ŋɛ̨i Israɛlə tɔɔmun Davidə lon Salomɔn ə dɔɔ mui, hvo li kɛ a tiɛ̨ kaa ɉəɠə ka kalan ŋą. Yii hu kɛa, 'ka tí ka wɔɔ Yálái Yai-Laa ɓa da ŋą nu huwui Israɛlə lonnii.

Nehemi 8:7

Yesua, Bani, Serevia, Yamin, Akuvə, Sabtai, Hodiya, Maaseya, Kelita, Azaria, Yozavadə, Hanan, da Pelaya, di kɛ a Levi huwuhu nuą; di kɛ dɔ́n nwoo hukulaa lɛ nuą diɛ, ɛlɛɛ, nuą di kɛ tɔɔni gwəli hąą.

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Maafîu 10:23

Akɛ da ka ɓɛlɛkpɛɛ kaa daa yiihu, 'ka pu, ka li da kpɛli hu. Gáá tɛ̨ą ɓoi kaa, ka hvo pai kpɛɛi a Israɛlə lɔi taaɠaa kəlee hu hiaa Nu Lon yɛ pa.

Maafîu 11:1

Ɓɛlɔwai Jesus ə kpɛɛ la a niɛwooɠaa tii kɛɛ, nwɔ kalan nɛa pow-kɔw-hveelɛi diɛ, ə həɠə laa, yɛ li, yɛ kalan gɛ nɔi tii hu taa kpɛa-kpɛaɠaa hu.

Ɉaan 5:39

Ka kɛ Yálá nwɔ hɛɓɛ́i hupilii, ə ɓo ka kwəi kaa, ka káá pai yɛnɛ̨ɛ̨i kpɛɛ hvo mą hɔlɔɓoi a yili, yaan, ɉɛɓɛ́i tii ɓə mą́ą́ kɛla hvaa ɓoi.

Ɉaan 5:46

Akɛ kɛ ka laa Moisə la, ka li lɔ laa ɲą́ą́ gbɛ́li na. Mąąhɔlɔɓo, mą́ą́ mɛ̨nį ɓə ə bɛ̨ɛ̨.

Gɛlaɠaa 13:15

Dɔ́n ɉɛɓɛ́ da Yálá kwəi mɛ̨nį hukulɔ nuą di wɔ hɛɓɛ́i ɓoɔ pulu, Yálá hvɛli pɛlɛ́ nwun nąmįną di nu tɔɔ di pɔ, diɛ kɛ diɛ: «Ku nąn nonnii, liɛwoo a kɛ ka la, káá kɛ ká mo nuą diɛ, bələ kaa ká yəi.»

Gɛlaɠaa 15:21

Hvo gaai, ə gɔwɔ tɔɔ gu kalaɓɔlɔni di wɔ yələi ɓa, mąąkwɛli kɛ nuą di kaa Moisə yəi daaɠaa hu, gbala ə tɔɔ, da kɛ ɉɛɓɛ́ ɓoi a vįitɔɔ yələ, Yálá hvɛli pɛlɛ́ɠaa mu.»

Gɛlaɠaa 28:23

Da diɛni di kuu hee, ɲələ həliɛ, di pa ɲəi bɛlɛ́n a di kpulu kɛnɛ̨. Gɛɛ nwoo hukulɔi, ə Yálá ŋą tɔɔlaai mąą kɛla hvaa ɓo, yɛ gɛ pələ kwɛli mą, ə gɛ, di yee hee Jesus mąą mɛ̨nį mu. Ə gɔwɔ tɔɔ Moisə nwɔ tɔ́n ɉɛɓɛ́i ɓa, da Yálá kwəi mɛ̨nį hukulɔ nuą di wɛiɠaa; di tuwɔ ɉu, ə həɠə yələwala pɔ ɓa, ə həli la yələwulii pɔ ɓa.

Gɛlaɠaa 8:40

Yii ɓaa Filipə nwɛi, ə gbɔwɔ kaa kɛa Azotɔsə. Ə kɛli kɛa nwɛlɛɛ lɛlɛɛ laa həli daa kpɛa-kpɛaɠaai ə kɛi tɛɛ ɉu, ə lɛɛ ɉu, ə li ə həli Sesare.

Lomaŋ 3:2

Dɔlɔ kaa mą nąą kəlee. Hvo gaai, Ɉuifəɠaa ɓə tɔlɔɔ Yálá ə naa woo tɛɛ di pɔ.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!