Kɔlɔnikɔ Veerɛi 15:2 - Yálá laawoo hɛɓɛ (dc)

² Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Yálá laawoo hɛɓɛ

² Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Bible

² Nya ƃe Azaria è lì é mó Asa da Zuda-ƃelai é pɛ́lɛ Bɛŋsimaŋ ŋɔsuui su-ƃelai kélee dîa ǹyɛɛi, “Ka ŋ́oo mɛ́ni. Yâwɛɛ káa kápôlu à kɛ̀ kà kɛ̀ bôlu. À kɛ̀ ka vɛli, ka pâi gâai. Kɛ́lɛ à kɛ̀ ka káyee kùla mu, a pâi ǹyée kulâi ká mu.

Kɔlɔnikɔ Veerɛi 15:2 ပူးပေါင်းရင်းမြစ်များ

Tɔɔɓɛlaa dɔlɔɔ 11:25

Rezɔn ə kɛ a Israɛlə ɲowo Salomɔn nwɔ yɛnɛ̨ɛ̨ kəlee yee mu. Mɛ̨nį ɲɔ̨nwɔ̨ɔ̨i Hadadə ə gɛ ya ɓaa: Ə wɛlikpɛɛmąąla kulɔ a Israɛlə. Ə nwɔ tɔɔlaai hee Aramə lɔi hu.

Tɔɔɓɛlaa dɔlɔɔ 18:18

Eli yɛ mą: «Ɲą́ą́ və́i kpalo ɓɛla Israɛlə ɓa. Yɛ́mun mə ka ə́ nąn ɲəi bɛlɛ́n nuą. Mąąhɔlɔɓo, kaa lənə Yai-Laa nwɔ tiɓoɠaa diɛ, ɛlɛɛ yáá hvilɛn Baalə pulu.

Tɔɔɓɛlaa veelɛ 21:14

Gwɛ́lin aa lɛɛ laa a nwɔ́ nu huwu kpəli, gáá pai di tooi di yowoɠaa yee ŋą, di kaa pai kɛi a di yowoɠaa di wɔ kɔ́ hon.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Veerɛi 11:12

Kpala da kɔ-kɔ hɛnŋąą di kɛ daa kəlee hu. Ə daaɠaa tii kɛ kpɔ a taa walawalaɠaa. Ə lɛɛ a tɔɔmun Ɉuda da Bɛnɉamɛn lɔi hu.

Kɔlɔnikɔ Veerɛi 12:5

Yálá kwəi mɛ̨nį hukulɔ mun Semaya ə pa ə həli Roboamə ɓa, da Ɉuda ɲɛ̨itɔwɔnuą di ɲąąkpɔnŋąąi kɛ Ɉerusalɛmə, ɓɛlɔwai Sisakə ə kɛi paa la; yɛ diɛ: «Yai-Laa woo ka, yɛ: ‹Kaa ŋɛ̨i kaa nɛ́ɛ́ laa, ɲą́ą́ gbɛli mąn, gáá ka lɛɛi Sisakə yee kɔ́nmą.›»

Kɔlɔnikɔ Veerɛi 13:12

Ya ka kani, Yálá kaa ku pɔ, yɛ ɓo a ku nwun nąmu, nwɔ haláá laa həlinuąi kaa ku pɔ, di kaa pai nwɔ tulúɠaa hvɛɛi, ku wolo a kaa. Israɛlə lonnii! 'Ka hvo kɔ́ pɛlɛ Yai-Laa ka nąnni di wɔɔ Yálá ɓa, ka yee hvo pai lɔi.»

Kɔlɔnikɔ Veerɛi 13:4

Abiya ə tɛ ə tɔɔ Semaraimə yee nwuɔ̨, yii ga Ɛfraimə yee ta; yɛ diɛ Ɉeroboamə ɓa: «Ɉeroboamə ka Israɛlə nuą kəlee ka ká wəli tɔɔ mą́ą́;

Kɔlɔnikɔ Veerɛi 15:15

Ɉuda nuą kəlee kwəi ə nɛ̨ɛ̨, di kwɛla mɛ̨nįi tii hu. Di kwɛlai di mo di kwəi tɔ̨nɔ̨ mɛ̨i, diɛ pa lɛɛi la Yai-Laa pulu a di kwəi kwəlɛɛ, əgɛ, ə gbɔwɔ lɛɛ laa di gaa. Ə liilaa tɛɛ di pɔ pələ kəlee hu.

Kɔlɔnikɔ Veerɛi 15:4

Kɛlaa, di kɛɛ mąąwɛli mɛ̨nį hui, di pənə di pa Yai-Laa Israɛlə nwɔ pɔ, di ɲɛ̨ilaa kwɛli, ɛlɛɛ, ə gbɔwɔ lɛɛ laa di gaa.

Kɔlɔnikɔ Veerɛi 20:15

Yɛ diɛ: «'Ka ká wəli tɔɔ kpɔ a nɛlɛɛ, kaa a Ɉuda nuą, kaa a Ɉerusalɛmə heeɓo nuą, ɛlɛɛ, yɛ́i ɓaa a tɔɔmun Ɉosafatə! Yai-Laa woo ka, yɛ diɛ: 'Ka hvo ɲɔw, 'ka mąą hvo kpɛlin nu kpulu kɛnɛ̨i tii ɲɛ̨i tɔwɔ; hvo gaai, ka mąą kɔ́ hvoli, Yálá mąą kɔ́ li.

Kɔlɔnikɔ Veerɛi 20:17

Ka hvo lii kɔ́ kɔ́ mɛ̨nį ɓa, 'ka li lɔ, ka ká kpɔɔ lɛ, ka tɔɔ, ka ká ɲɛ̨i hee Yai-Laa ŋą yeetɛɛmąą kɔ́i kɔ́ pələ ɓa, ka mąą mɛ̨nį ɓa. Ɉuda nuą ka Ɉerusalɛmə nuą, 'ka hvo ɲɔw, ka mąą hvo kpɛlin! Tínąą, 'ka kulɔ ka li ka tɔɔ di tɔwɔ, Yai-Laa kaa ka pɔ.»

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Kɔlɔnikɔ Veerɛi 24:20

Nąąlɔwai, Yálá nwɔ Kilii ə too Yehoyada lon Zakaria hu, ə haŋan nɔi lonnii diɛ, yɛ diɛ: «'Ka ká wəli tɔɔ Yálá woo ɓa, yɛ diɛ: Lə mɛ̨nį ɓa, ka káá Yai-Laa ŋą tɔ́n nwooɠaai mąą kalai? Ka nwun na hvo pai nɛ̨ɛ̨i. Yii kaa ka kili kulɔ Yai-Laa hui, yaa kpɛli, aa gili kulɔ ka hu.»

Kɔlɔnikɔ Veerɛi 26:5

Oziasə ə kɛi Yálá liiɓa kwɛli a yələ kəlee Ɉekariahu nwɔ yɛnɛ̨ɛ̨ kəlee yee mu, Ɉekariahu ɓə kɛi niɛwoo kɛ a Yálá nwɔ ɲɔwumąą laa. Yaan, yii kpɔ ə kɛi kulɔ nwoo ɓa da Yai-Laa di lɔwai, Yálá ə kɛi gɔ́ a nwun na nɛ̨ɛ̨.

Kɔlɔnikɔ Veerɛi 32:8

Asiri tɔɔmun nwɛi, nu kanŋaa ɓə ɲəi, kɛlaa gu wɛi, gu wɔɔ Yálái Yai-Laa kaa gu pɔ. Yaa ɓə a kpɔnmąą tɛɛ gu pɔ, yɛ gu wɔɔ kɔ́i kɔ́.» Ɉuda tɔɔmun Ezekiasə woo tii ə nɔi lonnii liilaa ə di hvaŋąlɔ.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Kɔlɔnikɔ Veerɛi 33:12

Yii kɛa Manase ə kɛ mɔ̨nɔ̨ hu, ə nɛɛ mą, ə nwɔ Yálái Yai-Laa təli, ə gbɔwɔ mąąyɛɛ kpɔ kɛnɛ̨ nąnni di wɔɔ Yálái lííla;

Kɔlɔnikɔ Veerɛi 34:3

Nwɔ tɔɔlaai gwɛlan mɛ̨ihaaɓa lɔwai, ə ɓo nii a hulɔnon, ə gɔɠɔ tɔɔ yɛ nąn Davidə nwɔ Yálái liiɓa kwɛli. Nwɔ kwɛlan bow kɔ́w hveelɛ lɔwai, ə ɲəə pɛlɛ Ɉuda da Ɉerusalɛmə mąąhəɠə kolo ɓa, yɛ ɉali kɔ́iɠaa, da nwuluɠaai di kɛi gɔ́, ɉaliɠaa mąąnįnįnŋąąi di bɛli a wulu, wala kɛ tii, di bu, ə gəlee kulɔ nɔi.

Ɛsdrasə 8:22

Kɛlaa, ŋį́ kɛi nwunmɛ̨ kɛi tɔɔmun ma: Holahi kpulu tɛɛ ku pɔ, yii a ku mąą kpɔnmąąɓo bələ pɔ, ku yowoɠaa mąą mɛ̨nį ɓa. Ku mo tɔɔmun ma, kuɔ mą: «Nuąi da Yálá kwɛli, a ɲee lɛlɛɛ laa di mɛ̨i, kɛlaa, nuąi da di kili kulɔ ɉu a ɲɛ̨i ɲɔ̨nwɔ̨ɔ̨ hee diɛ.»

Mąątɛ̨nɛ̨ 34:4

'Ka lɛɠɛ mą́ą́, ka gu Yai-Laa mąątɛ̨nɛ̨! 'Ka gu naa tɛ a gee.

Mąątɛ̨nɛ̨ 53:2

Ɓoɠonuą da kɛ kɛi diɛ: «Yálá hvo laa!» Daa kala, daa lunwuun, di wɔ tuwɔ pələ ɲɔ̨n hu, di ta hva tuwɔ a nɛlɛɛ.

Azaya 45:19

Və́ nówii la gɛ́ mo, və́ lɔi la hɔ̨nwɔ̨n ɉu kpinɛ̨ɛ̨ ta ɓa, və́ kɛli Ɉakɔbə huwu ta ɓa, «'Ka gwɛ́li kɛɛnąą ta, ɓɛi hɛn da hvo laa.» Ɲą́ą́ ɓə gáá a Yai-Laa, tɛ̨ą lɔ ɓə ŋą́ mo, mɛ̨nįi ɉąŋąnŋąą, ya ɓə ŋą́ mo!

Azaya 51:1

'Ka ka wəli tɔɔ mą́ą́, kaai kpɔ tələnmolaa kwɛlii, kaai kpɔ Yai-Laa kwɛlii: 'Ka ka ɲɛ̨i hee, gwɛnii ɲɛ̨i di ka kulɔ ɉu, 'ka gaa, da nɔɠai di ka yala ɉu, diɛ ka tɛ.

Azaya 7:13

Nąąlɔwai, Esai yɛ mą: «Davidə yəi bɛlɛ́n nuą, ka ka wəli tɔɔ; bələi ka tɛɠɛɓoɔi la nu kanŋaa hvaa woo hu, yili hva ka líí laa, hvo kɛli nwɔ̨nɔ̨ ka gɛ tii a nwɔ́ Yálái?

Ɉeremi 2:17

Israɛlə! Mɛ̨nįɠaa tii kaa laai yɛ́ lə mɛ̨nį ɓa? Kɛlɛi Yai-Laa ə́ wɔ Yálái lɛɛi ə́ mɔ laa, ɓɛlɔwai, ə kɛi ə́ tənən dɔɔ la bələ pɔ, yili ɓə gɛ-e?

Amɔsə 5:14

Yili ɓa, ka mɛ̨nį lɛlɛɛ kɛ, ka mɛ̨nį ɲɔ̨n nɛɛ laa. Yili ɓə a gɛ, ka lɛɛ yɛnɛ̨ɛ̨. Ɛlɛɛ, Yai-Laai, gaa a Mɛ̨nį Kəlee ŋą Hééɓomun Yálá, ɛlɛɛ ka pɔ a neelee, yɛ bələi ka mo la.

Zakari 1:3

'Kɛ́ diɛ: «Yai-Laa Mɛ̨nį Kəlee ŋą Hééɓomun, woo ka: 'Ká pənə ka pa bɔ́! Yai-Laa Mɛ̨nį Kəlee ŋą Hééɓomun woo li! Ɲą́ą́n, ŋą́ pənə ŋį́ pa ka pɔ, Yai-Laa Mɛ̨nį Kəlee ŋą Hééɓomun woo li.

Lonon mo 14:42

Ka hvo kɛ ka káá lii laa, mąąhɔlɔɓo, Yai-Laa hvo tɔɔ li ka pulu yili hu. Ka li laa, ka yówóɠaa yee kaa pai tɛɛi kaa.

Lonon mo 14:43

Amalɛkə nuą da Kanaan nuą di kaa laa ka tɔwɔ, di kaa lii ka paai, mąąhɔlɔɓo, kaa ka pulu tɔɔ Yai-Laa ɓa, ɛlɛɛ, Yai-Laa hvo kpɛli ka pɔ yili hu.»

Maafîu 13:9

Jesus ə kpɛɛ lɔ a yili ɓoɔ yɛ diɛ: «Nui wəli kaa mą, ə mɛ̨n.»

Dutɛrɔnome 20:1

Ka kulɔ kaa li pɛlɛi ka yowoɠaa diɛ a kɔ́, ka hooɠaa kaa, da kɔ́ kɔ́ wotoloɠaa, di kpulu hu kɛnɛ̨ dɛɛ kaa, mąą hvo nɛ̨ɛ̨li ka hvo ɲɔw; mąąhɔlɔɓo Yai-Laa ka wɔ Yálái kaa ka pɔ, yaai ka kulɔ Eziptə lɔi hu.

Dutɛrɔnome 31:17

Yili mąą mɛ̨nį ɓa, gáá pai níí ɲąnwąnąąi diɛ, ɲą́ą́n, ŋą́ pai həɠəi di pulu, ŋą́ di lɛɛ laa; di kaa pai lɛɛi a hį́i takpɛliɠaa di wɔ luwɔ. Ɲɛ̨ikɔw kpɔlu da mɔ̨nɔ̨ɠaa di kaa pai laai diɛ. Nąąlɔwai di kaa pai gɔlɔn ɉii mɛ̨nįɠaa tii pɔ pələ, diɛ kɛ, ɲą́ą́ ŋɛ̨i a di wɔ Yálá və́ di lɔwai.

Dutɛrɔnome 4:29

Nąąlɔwai, ka káá pai Yai-Laa ka wɔ Yálái kwɛlii nɔiɠaa tii hu, akɛ, ka gwɛli a ka lii kəlee, a kwəi tɔ̨nɔ̨ laa, ka gaa.

Hebreu 10:38

Nwɔ́ɔ́ tələnmomun, a yɛnɛ̨ɛ̨ kɛ laa na laa háálai, kɛlaa, a tinɛ̨n, a bulu tɔɔ mą, gwə́i hva kɛa nɛ̨ɛ̨ bɔ.»

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Zĩi 4:8

'Ká ká mąą lɛɠɛ Yálá ɓa, a mąą lɛɠɛ káá. 'Ká ká wɔɔ nɛŋɛ̨n ɲeeɠaa mąą waa, 'ká ká lii hu mąąhəɠə, ká hu hveelɛ nuą ŋɛ̨i!

Zasua 22:31

Ɉaláá laa həli mun Eleazarə lon Pinasə, yɛ Rubɛn huwu, Gadə huwu, da Manase huwu bələ tɔ̨nɔ̨ ni diɛ: «Ku kili aa pu ɉu, kuɔ Yai-Laa kaa gu lɔwai, mąąhɔlɔɓo, ka hvo kɛ nɛ̨ŋɛ̨n daaləi tii həɠə li Yai-Laa ɓa, kaa Israɛlə lonnii kulɔ la tii Yai-Laa yəi.»

Zasua 24:20

Ɲələi ka káá pai lənəi la Yai-Laa ɓa, kaa haliɠaa kɔ́, gaa pai heei ka hu, yɛ mɛ̨nį nwąnąąɠaa laa kaa, yɛ ka nwun na pili, ya pa ə gbɛa mɛ̨inɛ̨ɛ̨ kɛ kaa.»

M̀ɛni-lɛɛi 2:11

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, haa veelɛ nąą ŋą mɔ̨nɔ̨ hva həli mą.»

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

M̀ɛni-lɛɛi 2:29

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

M̀ɛni-lɛɛi 3:13

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 3:22

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 3:6

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

Nwun mąąɓo 10:13

Kɛlaa, ə mą kɛ tii, ka ka pulu tɔɔ mą́ą́, kaa kwɛli hvilɛn haliɠaa diɛ. Yili ɓə gaa mą, və́ kɛa gɛi, və́ ka nwun mąąɓo nwɔ̨nɔ̨.

Nwun mąąɓo 9:7

Di pa di mɛ̨nį tii hukulɔ Yotamə ɓa. Yotamə ə li ə hee Garizimə yee ton na, ə tomą kpɔ a nwoo kɛnɛ̨, yɛ diɛ: «Sisɛmə kalanɉonŋąą, ka ka wəli tɔɔ nwóó ɓa, 'ə́ gɛ Yálá ə nwəli tɔɔ ka woo ɓa!

Samuɛlə dɔlɔɔ 12:14

Akɛ ka ɲɔw Yai-Laa ɓa, ka tí mą; kaa ka wəli tɔɔ nwoo ɓa, ka wala Yai-Laa nwɔ tɔ́n nwooɠaai pili, kaa mąn nwoo, ka wɔ tɔɔmun heeni ka mɛ̨i, ka káá pai lɛɛi kaa nɛɛ hu Yai-Laa ka wɔ Yálái pulu.

Samuɛlə dɔlɔɔ 12:15

Kɛlaa, ka wala ka wəli tɔɔ Yai-Laa woo ɓa, ka ká nwun gulɔ Yai-Laa nwɔ tɔ́n nwooɠaa mu, Yai-Laa yee kaa pai wiɛi ka mɛ̨i, yɛ bələi ə wiɛ la ka nąnni mɛ̨i.