Kɔlɔnikɔ Veerɛi 1:2 - Yálá laawoo hɛɓɛ (dc)

² Salomɔn ə Israɛlə nuą kəlee təli: Ɲɛ̨itɔwɔ nuą waa tɛitɛi nwun na, yiiɠaa kɛ nu nwun dɛitɛi nwun na, giti tee nuą, da nuąi kpɔ ɲąąwooɓo laa ə kɛ diɛ Israɛlə lɔi hu, diɛi ɓaa a pɛlɛ́ nąmįną.

Yálá laawoo hɛɓɛ

² Salomɔn ə Israɛlə nuą kəlee təli: Ɲɛ̨itɔwɔ nuą waa tɛitɛi nwun na, yiiɠaa kɛ nu nwun dɛitɛi nwun na, giti tee nuą, da nuąi kpɔ ɲąąwooɓo laa ə kɛ diɛ Israɛlə lɔi hu, diɛi ɓaa a pɛlɛ́ nąmįną.

Bible

² Gâloŋ Saloma è lòno Eezuɛ-ŋai kélee pɔ́. È lòno diai kɛ̀ ǹúu wála támaa-ŋai da diai kɛ̀ núu ŋuŋ tɛi-tɛi-ŋai mɛi pɔ́. È ŋɔ́nɔ lòno m̀ɛni-sâa ƃó-ƃelai, Eezuɛ láa túɛ-ƃelai da ǹúu-suu-ŋai mɛi-ƃelai pɔ́.

Kɔlɔnikɔ Veerɛi 1:2 ပူးပေါင်းရင်းမြစ်များ

Tɔɔɓɛlaa dɔlɔɔ 3:4

Yələ ta, tɔɔmun ə li Gabaɔn, ə gɛ ə haláá kulɔ laa, mąąhɔlɔɓo, nąą ɓə kɛ a nuą di wɔ haláá kulɔi walawala. Haláái da gəlee kələn Salomɔn ə yili ɲɔ̨nwɔ̨mąn nwaa tɔ̨nɔ̨ kulɔ laa Yai-Laa ɓa.

Kɔlɔnikɔ Maa-ŋuŋ 13:1

Davidə da nuąi nu waa tɛitɛi nwun na, ə lɛɛ, nu nwun dɛitɛi ɲąąwooɓo nuą, bɛlɛɛ galanɉonŋąą diɛ, di di nwun dɔɔ;

Kɔlɔnikɔ Maa-ŋuŋ 15:12

Ə mo diɛ yɛ diɛ: Kaai ɓaa Levi huwuhu nuą nwun nąmįną, 'ka ka mąąhəɠə, ka ká yəi bɛlɛ́n nuą kəlee, yili pulu, ka li ka Yai-Laa Israɛlə nwɔ Yálái nwɔ mįnɛ̨ kəhi həɠə, ka paa la ɓɛi ŋį́ nąą pɛli a nwɔɔi.

Kɔlɔnikɔ Maa-ŋuŋ 15:3

Davidə ə Israɛlə nuę kəlee ɲąąkpɔn Ɉerusalɛmə daai, ə gɛ di Yai-Laa nwɔ mįnɛ̨ kəhi həɠə di paa la ɓɛi di bɛli mąą mɛ̨nį ɓa.

Kɔlɔnikɔ Maa-ŋuŋ 24:31

Diɛ kpɛlimąn, bələi tii di kaayɔwɔɠaai a Aarɔn lonnii di gɛ la, bələ lɔ ɓə di gbɛɛn bili la heeɓomun Davidə, Sadɔkə, Ahimelɛkə, da ɉaláá kulɔ pɛlɛ́ nąmįną ɲɛ̨i ɓa, ə pɛlɛ la Levi lonnii diɛ, bɛlɛ́ nąmįną, ə mą kɛ, nəɠə nwɔ pɛlɛ́ nąmįną diɛ.

Kɔlɔnikɔ Maa-ŋuŋ 24:4

Kɛlaa, Eleazarə lonnii hinąą tamąąi kɛ ə tɛɛ Itamarə lonnii diɛ. Eleazarə lonnii di kɛ a pɛlɛ́ nąmįną pow kɔw mɛ̨ida, Itamarə lonnii di ɓo a pɛlɛ́ nąmįną mɛ̨ihaaɓa.

Kɔlɔnikɔ Maa-ŋuŋ 27:1

Israɛlə lonnii lononŋaa ka, a bɛlɛ́ɠaa laa, waa nąmįną, nwundɔ̨nɔ̨ nąmįną, da ɲalá nąmįnąi kɛ tɔɔmun bɔ diɛ nuą ɲąąkwɛlɛ, nu kpulu yii kɛi li, da yii kɛi li ɲąnįn dɛitɛi yee mu, gwɛlan ɉu ɲąnįn gəlee yee mu. Nu waa pow hveelɛ gɔw nąąn mə kɛ kpulu tɔ̨nɔ̨ hu.

Kɔlɔnikɔ Maa-ŋuŋ 28:1

Davidə ə Israɛlə ɲąąwooɓo nuą kəlee ɲąąkpɔn Ɉerusalɛmə, ə bɛlɛ, nɔi nwun nąmįną diɛ, gɔláɠa nwun nąmįnąi kpɔ kɛ tɔɔmun ɲee mu, da nuąi kɛ a nu waa nwundɔ̨nɔ̨ nąmįną, nuąi kɛ tɔɔmun da nonnii di wɔɔ hɛngɔwɠaa da daatɛlɛɛ kəlee nwun na, da gbɛtɛgbuwuɠaa, da nuąi tɔɔmun nonnii mɛ̨ikaa mɛ̨nį nwun na, ə mą kɛ, yiiɠaai kɛ gɔɓuwu nwun na, da nu kpɛa-kpɛaɠaa kəlee.

Kɔlɔnikɔ Maa-ŋuŋ 29:1

Tɔɔmun Davidə ə mo nu kpɔn gəlee ɓa, yɛ diɛ: «Nu tɔ̨nɔ̨i lɔ Yálá ə ɉəɠə ɉu, yaa lɔ ɓaa a nón Salomɔn, gaa nii a hulɔnon, ɉu hvo walawala li, goló yaan gɛnɛ̨, ɛlɛɛ, golói ŋɛ̨i hvo a nu kan nwɔɔ, kɛlaa, gaa a Yai-Laa nwɔɔ.

Kɔlɔnikɔ Veerɛi 1:3

Salomɔn da nu kpɔn tii kəlee di li ɉaláá kulɔi ŋɛ̨i kɛ Gabaɔn, mąąhɔlɔɓo, nąą ɓə Yálá nwɔ kee kaa kələi ŋɛ̨i Yai-Laa nwɔ tímun Moisə ə bɛli nɔi pun ɉu, ə kɛ laa.

Kɔlɔnikɔ Veerɛi 29:20

Bulu ɓa yələ laa ɓoɔ yələ wala pɔ, tɔɔmun Ezekiasə ə daa kalanɉonŋąą ɲąąkpɔn Yai-Laa nwɔ pɛlɛ́i laaləi.

Kɔlɔnikɔ Veerɛi 30:2

Tɔɔmun da nwɔ kalanɉonŋąą, bɛlɛɛ nɔi lonnii kəlee diɛ, di woo tɔɔi ə kɛ tɔ̨nɔ̨, əgɛ, di hɛli pu a ɲąnįn veelɛnąą.