Tɛsalonikə dɔlɔɔ 4:11 - Yálá laawoo hɛɓɛ (dc)

¹¹ 'Ká ká wɔ yɛnɛ̨ɛ̨ kɛ, a yíi-la-nɛ̨ɛ̨, 'nu kəlee ə ɲɛ̨i lɛɛ gbɔwɔ mɛ̨nį ɓa, ɛlɛɛ, ə kóló kɛ a gbɔwɔ yee, yɛ bələi ku ká tí la,

Yálá laawoo hɛɓɛ

¹¹ 'Ká ká wɔ yɛnɛ̨ɛ̨ kɛ, a yíi-la-nɛ̨ɛ̨, 'nu kəlee ə ɲɛ̨i lɛɛ gbɔwɔ mɛ̨nį ɓa, ɛlɛɛ, ə kóló kɛ a gbɔwɔ yee, yɛ bələi ku ká tí la,

Bible

¹¹ Ka kɔ́ kpɔ́ a gbanaŋɔɔ ka káfulu-laai maa yeŋ, ka káŋɛi kɛ́ nɔ́ kákpîŋ mɛni-ŋai dîa, ka tíi kɛ́ a káyee, yɛ̂ɛ berei ku mò la kâai;

Tɛsalonikə dɔlɔɔ 4:11 ပူးပေါင်းရင်းမြစ်များ

Hanwon 17:1

Ɓákpon mįɛ liilaa hu, hviɛlaɓoɔi pɛlɛ́ laahvɛɛ a kɔ̨nɔ̨n ma, hvaa ə ɓo laa.

Hanwon 17:14

Nui a hvaa kɔ́wɔ tɔɔ, gaa yɛ nui a gaɓan ɉəɠə yá tɔwɔ. Gɛɛ vaa hu hvo kɛnɛ̨, həɠə laa.

Ikilisiati 4:6

Kɛlaa, viɛlaɓoɔi nu ə́ ə́ hvįitɔɔ, ə tɛɛ la nu woɓə yaliɛ kóló gbɛli hu ɓa, yii nwun və mą.

Woolaa 3:26

Viɛlaɓoɔi nu ə kilitɔɔmąąlaa kɛ laa pilɛ hu, yɛ Yai-Laa nwɔ nwun mąąɓo mąąkpɔn.

Markə 13:34

Nąąlɔwai kɛ pələ kaa pai kɛi yɛ: Hulɔnu ta yii kɛi li hiɛ ɓa, gɛɛ kulɔi ɲəi bɛlɛ́n ə bɛlɛ́n diɓoɠaa kalihvaɓo nwɔ tínuą diɛ. Ə nu kəlee kɛ kólo tɛɛ bɔ, yɛ bɛlɛ́ laaləi mɛ̨i kaa mun mą: ‹Ə ɲɛ̨i kɛ bɛlɛ́ laaləi.›

Gɛlaɠaa 18:3

Ɛlɛɛ, da Polə ni di kɛ kóló ə kɛ tanɔ̨n, di kɛ a həɠə-pɛlɛ́ pala nuą. Polə ə lɛɛ yiliɠaai pɔɔli da yaa diɛ kólo kɛ gee ɓa.

Gɛlaɠaa 20:35

Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Lomaŋ 12:11

'Ká hvo hviɲɛ kulɔ, ka kólo kɛ a hvaŋą lɔ laa, ka tí gu Nąmu ɓa ka kwəi tɔ̨nɔ̨ mɛ̨i.

Lomaŋ 15:20

Kɛlaa nwɛ́i, ɓɛi di hvo ni kɛ Kristə mąą wɛlɛɛ lɛlɛɛ laa həli li laa, nąą ɓə ŋą́ ɉukulɔ laa. Ə gɛ, və́ pa kɛ nwɛ́i kɔwɔ hvilɛn nu takpɛli nwɔɔ mɛ̨i.

Korɛntə dɔlɔɔ 4:12

kwa kólo kɛ a ku kpɔwɔ yee ə gɛ, ku kɔ̨nɔ̨n ɉɔlɔɓo. Da ku lalan, kuɔ lúwɔ́ too, da ku mɔ̨nɔ̨ɓo, kuɔ ku liikpələ.

Korɛntə veelɛ 5:9

Yili ɓa, ku kɔlɔi ŋɛ̨i, ɲɛ̨i mąą ə hvaliŋ-o, ku kulɔ ɉu-o, yii ku gwɛlii ya ɓaa, kwa Yálá lii hon nɔ.

Ifisiɛŋ 4:28

Nui kɛli nwuɔ̨ kɛ, ə kpəla nwuɔ̨ ɓa; yaamun ə tɔɔ a nwąnąi, ə kóló kɛ a tələnmolaa a gbɔwɔ yee, ə hɛn ɉɔlɔɓo, nui kanąn ɉu, ə gulɔ ganąn ɉu.

Timote dɔlɔɔ 2:2

diɛ gɛ lɔ tii, tɔɔɓɛlaa da nuąi ɲąąwooɓolaa kaa di yəi di mąą mɛ̨nį ɓa, əgɛ, gu ɲɛnɛ̨ɛ̨ kɛ a gɔlɔ haamą, liilaa hu, kulɔ nwoo ɓa laa hu, a ɉaŋąą.

Timote dɔlɔɔ 5:13

Yɛ bələi kóló hvo la diɛ, di nwun yɛ ɓo la tii pɛlɛ́-hvŋąn gəlee mu, hvo lɔ lɛɛ la a tíi kpɛɛ mɛ̨nį diɛ, kɛlaa, di woo tamąą di la, di laa kpɔn və hee li, di laa hva kpɛ mɛ̨nįɠaa hu, mɛ̨nį hvo lɛɠɛ li diɛ ya ɓə da ɉukulɔ.

Taitɔ 3:14

Mąąnɛ̨ɛ̨ gu wɔ nuąi diɛ kpɛlimąn di kɛnɛ̨ mɛ̨nį lɛlɛɛ kɛɛ hu, əgɛ, mɛ̨nį ta a kulɔ, diɛ pɛli ɲąąlɔi, yili a kɛ tii, di tɔlɔ hva kpɛɛ diɛ.

Piɛrə dɔlɔɔ 3:4

kɛlaa, ə kɛ a liinɛ̨ɛ̨ gwəi laai noɔ ká hu pələ, yai a mąąyili hɛn hva kala, a lii lɛlɛɛ, a kpɔwɔ hu hon naa; yili ɓə mɛlɛ kaa mą Yálá ɲɛ̨i ɓa.

Piɛrə dɔlɔɔ 4:15

Gɛ́ ka ta lɔpee hvo mɔ̨nɔ̨ mįi, mąąhɔlɔɓo, aa nu paa, a wala kɛ ti, aa nwuɔ̨ kɛ, awala kɛ ti, mɛ̨nį ɲɔ̨n nɔpee ta mąą mɛ̨nį ɓa, a wala kɛ ti, diɛ kɛ mą: aa naa lɔ nu ta mąą mɛ̨nį hu.