Samuɛlə dɔlɔɔ 8:20 - Yálá laawoo hɛɓɛ (dc)

²⁰ Ku kaa bɔ ku kɛ yɛ lɔi takpɛliɠaa, kuɔ tɔɔmun kaa pai kɛi ku ɲąąwooɓoi, yɛ tɔɔ ku nwun na, yɛ ku nwun mąąkɔ̨nwɔ̨ kɔ́ɠaa ɓa.»

Yálá laawoo hɛɓɛ

²⁰ Ku kaa bɔ ku kɛ yɛ lɔi takpɛliɠaa, kuɔ tɔɔmun kaa pai kɛi ku ɲąąwooɓoi, yɛ tɔɔ ku nwun na, yɛ ku nwun mąąkɔ̨nwɔ̨ kɔ́ɠaa ɓa.»

Bible

²⁰ Samia è ŋ̀óli tɔ̀ɔ kpɔ́ dîa a ǹɛ́lɛɛ. M̀ɛnii kélee dí mò m̀ai, è ǹáa seri kpɔ́ Ǹuu-namui ma yɛ̂ɛ berei nɔ́ dí mò la m̀ai.

Samuɛlə dɔlɔɔ 8:20 ပူးပေါင်းရင်းမြစ်များ

Mąątɛ̨nɛ̨ 106:35

Da huwu takpɛliɠaa di too di kee pɔ, di di yee lɔ di tuwɔ pələɠaa hu.

Lɛɛ gbɔwɔ ɓa 33:16

nuą da pɛli gbaɠala kaai ləi diɛ kɛ ɲą́ą́ kwa ə́ wɔ́ nu huwui, kwaa ə́ lii hon? Kɛlaa, Yá kɛ ku lɔwai, kwa ə́ wɔ nu huwui ku hva kɛ yɛ bələi nu huwu takpɛliɠaa kaa la lɔi mɛ̨i, yili ɓə a nɛ yɛ kwaa ə́ lii hon.»

Lonon mo 23:9

Ŋą́ kɛ ŋɛ̨i tɔɔni kwɛni mɛ̨i, gɛ́ gaa, Ŋą́ kɛ ŋɛ́i tɔɔni yee tonna, gɛ́ mąą kpɛɛ. Gáá gaai a nu huwui dɔɔ a dee. Da lɔi takpɛliɠaa di hvo tɔɔ li.

Ɉaan 15:19

Ka kɛ kɛ a yɛnɛ̨ɛ̨ nwɔɔi, yɛnɛ̨ɛ̨ ə li ka wɛli la kɛ. Nuąi di kaa a yɛnɛ̨ɛ̨ nwɔɔ, diɛ ɓə yɛnɛ̨ɛ̨ a di wɛli la kɛ. Kɛlaa, ɲą́ą́ ka ɉəɠə ɉu, ŋą́ą́ ka kulɔ yɛnɛ̨ɛ̨ hu. Ka hvo kɛa a yɛnɛ̨ɛ̨ nwɔɔ, mɛ̨nįi yɛnɛ̨ɛ̨ hvo pai ka wɛli la kɛi la yaa li.

Lomaŋ 12:12

Kwɛinɛ̨ɛ̨ ə kɛ ka yəi kilitɔɔmąąlaa hu, mɛ̨nį ɲąąnwąnąą a həli kaa, ka ka liikpələ. 'Ká tɔɔ kpaan Yálá hvɛliɛ hu.

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Dutɛrɔnome 7:6

Mąąhɔlɔɓo, ka káá a nu huwu mąąhəɠɛɛ a Yai-Laa ka wɔ Yálái nwɔɔ. Kaa ɓə Yai-Laa ka wɔ Yálái ə ka həɠə ɉu nu huwuɠaa lɔwai; əgɛ, ka kɛ a nwɔ nu huwu yɛnɛ̨ɛ̨ nu huwuɠaa kəlee lɔwai.

Filipə 3:20

Kɛlaa gu wɛi, gu kaa a yələkɔlɔn ɉu hee ɓo nuą, gu kaa ɓɛ lɔi mɛ̨i, guɔ gu nwun mąąɓomun Ną́mu Jesus Kristə mąąkpɔn,

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Samuɛlə dɔlɔɔ 12:12

Kɛlaa, Nahasə yai kɛ a Amɔn nuą di wɔ tɔɔmun, gaai ka mo yɛ pa kɔ́ pɛlɛi kaa, ka kɛ mą́ą́: ‹Kpələ! Tɔɔmun mə mąąnɛ̨ɛ̨ ə ku ɲąąwooɓo.› Ya pa Yai-Laa ka wɔ Yálái ɓə gaa a ka wɔ tɔɔmun.

Samuɛlə dɔlɔɔ 12:2

Ə həɠə yiihu ɓa, dɔɔmun tii ɓə pai kɛi tɔɔi ka ɲɛ̨i tɔwɔ; nwɛ́i, ŋą́ą́ pɔlɔ, kɔ́lɔ hvo kɛa mą́ą́, nónnii kaa ka pɔ, di kaa nu kpalaan ɉeɛɠaa. Ɲą́ą́ ɓə kɛi tɔɔ ka ɲɛ̨i tɔwɔ, ə həɠə náŋą yələ ɓa, ə həli la háákələi ɓa.

Samuɛlə dɔlɔɔ 8:5

Diɛ mą: «Yɛ́ ka, yaa pɔlɔ, ə́ lon ɉinąą diɛn, di hvo hiɛ li ə́ pɔɔ ŋą. Mɛ̨nį a kɛ tii, tɔɔmun dɛɛ ku pɔ, yɛ ku ɲąąwooɓo, yɛ pələi gaa la lɔi takpɛliɠaa hu.»