Samuɛlə dɔlɔɔ 8:11 - Yálá laawoo hɛɓɛ (dc)

¹¹ «Dɔɔmun pai ka ɲąąwooɓoi, bələi gaa pai ka hon ɉii la bələ ka: Gaa pai ka lon ɉinąą həɠəi, yɛ di tɔɔ nwɔ kɔ́ kɔ́ wotoloɠaa diɛ da nwɔ hooɠaa, diɛ gilɛ həɠə nwɔ wotolo ɲɛ̨i tɔwɔ.

Yálá laawoo hɛɓɛ

¹¹ «Dɔɔmun pai ka ɲąąwooɓoi, bələi gaa pai ka hon ɉii la bələ ka: Gaa pai ka lon ɉinąą həɠəi, yɛ di tɔɔ nwɔ kɔ́ kɔ́ wotoloɠaa diɛ da nwɔ hooɠaa, diɛ gilɛ həɠə nwɔ wotolo ɲɛ̨i tɔwɔ.

Bible

¹¹ “À kɛ̀ ka kâloŋ siɣe, bere ƃé a pâi tuai la a káa. A pâi kálônii siɣêi é díkɛ a ŋɔkɔ́ kɔ́-ƃela. Da-ni da pâi kɛ̂i a ŋɔkɔ́ kɔ́-keleŋ sia-ƃela. A pâi kɛ̂i seêni soo mɛi da-ni díkɛ kîrɛ siɣe la, gbeli-ŋai díkɛ kîrɛ siɣe ŋɔkɔ́ kɔ́-keleŋ-ŋai túɛ pere.

Samuɛlə dɔlɔɔ 8:11 ပူးပေါင်းရင်းမြစ်များ

Samia Veerɛi 15:1

Mɛ̨nįɠaa tii kəlee tɛɛ pulu, Absalɔn ə wotolo həɠə, da hooɠaa, ə bɛlɛ nu pow lɔɔli ɓa, nuąi tii diɛ gilɛ həɠə ɲɛ̨i tɔwɔ.

Tɔɔɓɛlaa dɔlɔɔ 1:5

Davidə lon Adoniasə, yai ə gaa Hagitə ɓa, ə kɛi gbɔwɔ kɛ yɛ nui pai nąn Davidə mąąhvalin ɉii. Ə kɛi mo, yɛ kɛ: «Ɲą́ą́ ɓə pai kɛi a dɔɔmun.» Ə wotolo həɠə, ə bɛlɛ hooɠaa diɛ, da nu pow lɔɔli, diɛi kɛ ɲɛ̨i tɔwɔ diɛ gilɛ həɠə.

Tɔɔɓɛlaa dɔlɔɔ 10:26

Salomɔn ə kɔ́ kɔ́ wotoloɠaa ŋąąkpɔn da hoo gilɛ həɠə nuą. Wotolo waa tɔ̨nɔ̨ pulu nwun nąąn mə kɛ ɲəi, da hoo gilɛ həɠə nuą waa pow kɔ́w hveelɛ, ə li ə di hee daaɠaa hu ɓɛi gɔ́laɠaɠaa kaa laa, ə daɠaa lɛɛ gwɛlɛ Ɉerusalɛmə.

Tɔɔɓɛlaa dɔlɔɔ 12:10

Ɉilɛlɛa diɛ mą: «Bələi ə́ kaa pai hvaai la di pɔ bələ ka: Yá kɛ diɛ: Ɲéé kpiɛ lon bulu kɛnɛ̨i dɛɛ ną́n ɲee kɔ́nma.

Tɔɔɓɛlaa dɔlɔɔ 12:4

«Ə́ nąn ə tiɛ̨ wiɛ laa ku nwuɔ̨, yiihu ku kaa bɔ ə́ nuwɔlaa da diɲɛ̨ wiɛi tii ə́ nąn ə ɉee ku nwuɔ̨, da kulɔ mą, ya gɛ tii, kwa tí yɛ́.»

Tɔɔɓɛlaa dɔlɔɔ 14:27

Tɔɔmun Roboamə ə dakpɛliɠaa pɛli a ɓala kwɛli, ə di kalihvaɓo bɛlɛ́ mąąkpɛ kɔlaɠa nwun nąmįną diɛ, diɛi di ɲɛ̨i ə kɛ tɔɔmun nwɔ pɛ́lɛ́i laaləi.

Tɔɔɓɛlaa dɔlɔɔ 18:46

Eli ə ɉąą yili, Yai-Laa ə ɲee pɛlɛ mɛ̨i, ə tɛɛ Akabə tɔwɔ a gilɛ, ə lɛɛ la ɉu, di li di həli Izreɛlə.

Samuɛlə dɔlɔɔ 10:25

Yili pulu, Samuɛlə ə dɔɔlaa yɛnɛ̨ɛ̨ kɛ pələ hukulɔ nuą diɛ, ə bɛ̨ɛ̨ hɛɓɛ́ hu ə naa Yai-Laa lííla. Yili pulu, Samuɛlə ə ɲee ɓo nuą diɛ, nu kəlee yɛ li bɔɔli.

Samuɛlə dɔlɔɔ 14:52

Filisti kɔ́ ə kpɔlu Saulə nwɔ yɛnɛ̨ɛ̨ kəlee yee mu. Ya lɔ ɓaa kɛ Saulə, a huwalawala mun da kaa Israɛlə nuą lɔwai, a mąą nu həɠə, da yaa di tɔɔi ə kɛ tɔ̨nɔ̨.

Samuɛlə dɔlɔɔ 22:7

Saulə yɛ nwɔ tínuą tii kɛ gwɛlɛ tɔɔni diɛ: «Ə həli kaa Bɛnɉamɛn lonnii! Akɛti, Ɉɛse lon gaa mɔ̨ɔ̨ pai tíi kɛi da viɲə yɛɛɠaa tɛɛi ka kəlee ka pɔ? Gaa mɔ̨ɔ̨ pai ka kɛi a kɔ́kulááɠaa kɔlaɠa pɛlɛɛ da gbɛa-kpɛaaɠaa nwun na? Kpaa-oo!

Samuɛlə dɔlɔɔ 8:9

Yii hu, ə́ wəli tɔɔ di woo ɓa, kɛlaa, di kilaa pɔ̨nɔ̨, dɔɔmu tii pai di ɲąąwooɓoi, bələi gaa pai di hon ɉii la, bələ lɛ diɛ.»