Samuɛlə dɔlɔɔ 6:21 - Yálá laawoo hɛɓɛ (dc)

²¹ Di nuą tɔɔ Kiriatə-Yearimə nuą pɔɔli, diɛ diɛ: «Filisti nuą daa Yai-Laa nwɔ kəhii tɛɛ, ka pa ka ɉəɠə, ka li la ka pɔɔli.»

Yálá laawoo hɛɓɛ

²¹ Di nuą tɔɔ Kiriatə-Yearimə nuą pɔɔli, diɛ diɛ: «Filisti nuą daa Yai-Laa nwɔ kəhii tɛɛ, ka pa ka ɉəɠə, ka li la ka pɔɔli.»

Bible

²¹ Nya ƃe dí worɛ̂ tɛ̀ɛ Kiria-Zeriŋ-ƃelai pɔ́-naa dîyɛɛi, “Felesia-ŋai daâ Ǹuu-namui Ŋɔkono-tee Gãlai tɛ́ɛ pôlu. Ka pá ká ziɣe ká lí la kápɔ-naa.”

Samuɛlə dɔlɔɔ 6:21 ပူးပေါင်းရင်းမြစ်များ

Samia Veerɛi 6:2

Davidə ə muhəɠə, ə hvilɛn bələ ɓa yɛ li, da nu kpului tii kɛ bɔi, di li Baale-Yehuda; ə gɛ di Yálá nwɔ mįnɛ̨ kəhii həɠə di paa la, yai Yai-Laa Mɛ̨nį Kəlee ŋą Hééɓomun laa kaa mą, yɛ ɓo heeni mąąkpɛ malakaɠaa nwun mɛ̨i.

Mąątɛ̨nɛ̨ 78:60

Mąąwiɛ pɛlɛ́i kɛ Silo, ə kulɔ mu, a bɛlɛ́i tii ə dɔɔ nu kanŋaa lɔwai.

Ɉeremi 26:20

Hulɔnu takpɛli ə kɛ laa, ə ɓo a Semayahu lon diɛ kɛ naa ɓaa: Uriahu yɛ həɠə Kiriatə-Yearimə, ə kɛi pələ ɓo Yai-Laa laa hu. Ə wooɠaa ɓo yɛ hvilɛn na daai ŋɛ̨i da nɔi ŋɛ̨i ɓa, lɔ yɛ Ɉeremi wooɠaa.

Ɉeremi 7:12

Ka li tai nwɔ́ kɛɛ nąą mąąhəɠɛɛ ɓa Silo daai, a ɓɛi ŋį́ nąą həɠə ɉu, ŋį́ náá hee laa; ka nąą kaa, bələi ŋį́ nąą kala la, nwɔ́ nu huwu Israɛlə nwɔ lii ɲɔ̨n gwəi laa mąą mɛ̨nį ɓa.

Ɉeremi 7:14

Yili ɓə gaa mą, bɛlɛ́i ŋɛ̨i naa heɛ mą, ɉéé pɛlɛi ŋɛ̨i kaa ka kilitɔɔ mą, gɛɛnąą ŋɛ̨i ŋį́ dɛɛ ka kalaɓɔlɔni pɔ, ə mą kɛ kaa, gáá ɉon bələ kɛi yɛ bələi ŋį́ gɛ la a Silo taa.

Zasua 15:60

Kiriatə-Baalə, yili ka tii a Kiriatə-Yearimə, Raba; taa kpɛa-kpɛaa hveelɛ da di wɔ taa pɛlɛɛɠaa.

Zasua 15:9

Yili pulu, ɉu ə kɛi hee, ə həɠə ɲee ton na, ə həli la Nɛftoa yá nwun gulɔi ɓa, yɛ həli kpɔ la Iyimə daai Ɛfrɔn yee hu, ɉu yɛ hee Baala pələ, yai a Kiriatə-Yearimə.

Zasua 18:14

Di ɲɛn ɉu ə kɛi hee, yɛ tínɛ̨n voló tooi ɉɛɠɛɛ pələ, ə kɛi həɠə Bɛtə-Horɔn ɉɛɠɛɛ pələ yee tənən ma, yɛ hvilɛn Kiriatə-Baalə ɓa, gɛɛnąą tii laa ta ɓaa nwɔ̨nɔ̨ kɛ a: Kiriatə-Yearimə, Ɉuda lonnii di wɔ taa ta li kɛ. Bələ ɓə di ɲɛn ə kɛ la voló tooi pələ.

Zasua 9:17

Israɛlə lonnii dəli hvóló haaɓa kulaa ɉu, di lɔ di wɔ taa kpɛa kpɛaɠaai hu, diɛ kɛ a Gabaɔn, Kefira, Beerotə da Kiriatə-Yearimə.

Nwun mąąɓo 18:12

Də li, di di wɔ kɔlaɠai pɛlɛ Kiriatə-Yearimə voló tooi pələ, Ɉuda lɔi hu. Yili ɓə gɛ, di gɛɛnąąi tii laa hee a Mahane-Dan. Naai tii ɓə gaa mą háá ɓa háá.