Samuɛlə dɔlɔɔ 30:6 - Yálá laawoo hɛɓɛ (dc)

⁶ Davidə kwəi pilɛɛ kɛ mą, mąąhɔlɔɓo, nuą di kɛi baa mɛ̨nį ɓo a kwɛni. Nu kəlee liikələn ŋąą kɛ gwəi, da kɛi di kiliŋąhiɛ di lonnii hinąą da di lonnii nɛ̨ąą diɛ. Kɛlaa Yai-laa haalai, Davidə ə nii kpələ.

Yálá laawoo hɛɓɛ

⁶ Davidə kwəi pilɛɛ kɛ mą, mąąhɔlɔɓo, nuą di kɛi baa mɛ̨nį ɓo a kwɛni. Nu kəlee liikələn ŋąą kɛ gwəi, da kɛi di kiliŋąhiɛ di lonnii hinąą da di lonnii nɛ̨ąą diɛ. Kɛlaa Yai-laa haalai, Davidə ə nii kpələ.

Bible

⁶ Deeƃé líi è tòo pôlu a ŋ̀ánaa, kpɛ́ni fêi, ǹûai díkɛ̀ ŋ̀wɛ̂lii dí zɔ̀ɔ a kɔni. Díkelee díkɛ̀ kpɔ́ a dílii ŋwánaa dílônii-sinaai da dílônii-nɛyãai mɛni ma. Kɛ́lɛ Yâwɛɛ, Deeƃé Ŋɔɣâlai è wála-wala tɛ̀ɛ bɔ́.

Samuɛlə dɔlɔɔ 30:6 ပူးပေါင်းရင်းမြစ်များ

Zɛnɛse 32:7

Nwɛlɛɛ ɓo nuąi di pa, diɛ Ɉakɔbə ɓa: «Kwə li ku ə́ liɛ Esau kaa, gaa pai ə́ laakwiɛn ɉii, da hinąą nwun-nąąn.»

Samia Veerɛi 17:8

Absalɔn, yɛ kpįnįi ə́ ə́ nąn gɔlɔn da nwɔ nuąi di kaa a kulaaɠaa, ə lɛɛ, niikpələi gaa di hu, gaa yɛ kwɛli lon a pili ɲəi yɛ gwɛli. Ə́ nąn gaa a kɔ́kuláá, da nuąi tii di hvo pai yii kɛɛnąą tɔ̨nɔ̨.

Tɔɔɓɛlaa veelɛ 4:27

Nɛ̨ɛ̨nui ə tɛ ə həli Elise ɓa ɲee nwuɔ̨, ə pu Elise kɔ́wɔ mu, yɛ ɲee yɛɛ a Elise kɔ́wɔ. Gehazi ə lɛɠɛ laa yɛ kɛ ə ɲee kulɔ Yálá nwɔ nui kɔ́wɔ ɓa. Kɛlaa, Elise yɛ Gehazi ɓa: «Nɛ̨ɛ̨nui ŋɛ̨i lɛɛ laa, liihələn gwəi kɛnɛ̨ a hvə mą, Yai-Laa aa mɛ̨nįi tii loo mą́ą́, hvo nɛ li mą́ą́.»

Zôo 13:15

Yálá ka kiɛ pai báái, gíli hvo tɔɔ li hɛn da kpɛli ɓa. Ə mą kɛ ti, gáá lɔ pai ɉíɛ pələ hukulɔi ma.

Mąątɛ̨nɛ̨ 116:10

Ə mą kɛ ɓɛlɔwai ŋį́ kɛi kɛ la diɛ, Mą́ą́wɛliɛi a mɔlɔ, gílitɔɔi lɔ kɛ mą.

Mąątɛ̨nɛ̨ 138:3

Ɲələi ŋį́ ə́ təli la, yɛ́ nwóó mu hon, ə́ váŋą ta pɛlɛ mą.

Mąątɛ̨nɛ̨ 18:2

Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Mąątɛ̨nɛ̨ 18:6

ɲąmuątaa yɛliɠaa daa kɛ kpinįn a ɲą́ą́, haa nwɔ hɛlɛnŋaai tɛɛ kɛ dɔ́wɔ.

Mąątɛ̨nɛ̨ 25:17

Nwɔ́ liihɛlɛn aa ɉú pu mą́ą́, 'gúlɔ nwɔ́ mɔ̨nɔ̨ɠaai hu.

Mąątɛ̨nɛ̨ 27:14

Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Mąątɛ̨nɛ̨ 31:24

Kaai a Yai-Laa yee pɔ nuą, 'ka nwɛlilakɛ! Nuąi kpɔ Yai-Laa aa di kulɔ mɛ̨nįi; Kɛlaa nui a tɛɠɛɓoɉu, a gwələ kulɔ a ɲəi ɓɔ pələ ɉu.

Mąątɛ̨nɛ̨ 42:11

Gɔ́lɔ́ kəlee aa kpɔną mą́ą́, ɲówóɠaa diɛ nálán, da tuwɔ lɔ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 42:5

Ɲələɠaai ŋį́ kɛi li la Yálá yəi bɛlɛ́n, a kwəinɛ̨ɛ̨ wələɠaa, da mąątɛ̨nɛ̨ wələɠaa, kwa nu kpulu kɛnɛ̨, ŋą́ gíliɲąhiɛ di hu, níí a kɛ lɔ ə ɓɛla gwə́i.

Mąątɛ̨nɛ̨ 42:7

Nwɔ́ Yálá! Níi mąą aa wɛli gwəi! Yili ɓə gɛi, gɛ́ ə́ təli la, ə həɠə kpɔ Ɉurdɛn lɔi hu, Hɛrmɔn yee nwuɔ̨, da Misearə yee nwuɔ̨.

Mąątɛ̨nɛ̨ 56:11

A Ɲálái tii gáá mąątɛ̨nɛ̨i, a Yai-Laai tii gáá nwoo mąątɛ̨nɛ̨i.

Mąątɛ̨nɛ̨ 62:1

Nwələ ɲɛ̨itɔwɔmun, Yedutun Davidə nwɔ Yálá mąątɛ̨nɛ̨ wələ.

Mąątɛ̨nɛ̨ 62:5

Mąąhɔlɔɓo, di kwəi kiliɠaa kaa lɔ a nu ɓowo mɛ̨nį, di liiɓa ɓaa diɛ lɛɛ kɛ, da lúwɔ́ too a di laaləi, diɛ nɛ̨ŋɛ̨naa kɛ, di kwəi pələ.

Mąątɛ̨nɛ̨ 71:4

Nwɔ́ Yálá! 'Gúlɔ ɲówo yəi, 'gúlɔ nu paa nuą da wɛa nuą yəi mu.

Mąątɛ̨nɛ̨ 71:5

Yɛ́ ɓə gílitɔɔ yɛ́, Yai-Laa Nąmu Yálá, ə həɠə múhəɠə yələ ɓa, yɛ́ ɓə ya nwéli pulu lɛɛ a naɠiɛ.

Lɛɛ gbɔwɔ ɓa 17:4

Moisə ə nwoo tɛ Yai-Laa ɓa, yɛ mą: «Lə ɓə ŋą́ pɛli gɛi nu kpului ŋɛ̨i mąą mɛ̨nį ɓa? Ɉu hvo pai kwɛai, diɛ pa ɉɔ́ɔ́i a kwɛni, ə gɛ, di báá.»

Hanwon 18:10

Yai-Laa laa kaa a nu mąąkpɛɛ hįi. Nu haŋąą a noo ɉu, mɛ̨nį ta hva ɉɔlɔɓo.

Azaya 25:4

Mąąhɔlɔɓo, nui ɲee hva lɔ, mąą kɔ́nwɔ̨mun maa a Yɛ́, Yɛ́ mąąwɛlimun mąą kɔ́nwɔ̨ nwɔ mɔ̨nɔ̨i hu, Ə́ ɓo a nu mąąkilɛi, tulɔ hvaŋą tɔwɔ, Ə́ kaa a nįnįn, wəleen dɔwɔ; mąąhɔlɔɓo, wea-tɔɔɓɛlaa nɔ̨ɔ̨ kaa yɛ, tulɔ hvaŋą a kɛi kɛlɛ bɛlɛ́ nwąną hu.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Zôna 2:2

Ɉonasə ə lɛɛ ɉɔ̨nwɔ̨lee kwəi, ə nwɔ Yálái hvɛli, yai a Yai-Laa, yɛ mą:

Lonon mo 14:10

Israɛlə lonnii kəlee di bili gee mɛ̨i diɛ mą: ka gu Ɉosue da Kalɛbə di hɔɔ a kwɛni di haa. Di lɛɛ lɔ moi tii, Yai-Laa mąąɲįnɛ̨n ə gbɔwɔ lɛ Israɛlə lonnii kəlee diɛ gee kaa kələ mɛ̨i.

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»

Maafîu 27:22

Pilatə yə diɛ: «Lə ɓə ŋą gɛ a Jesus ŋɛ̨i da kɛ mą: Nwun mąąɓomun Yálá ə naakwɛlanmo?» Nu kəlee diɛ mą: «Ku kaa bɔ, ə́ gbanwo kolɔwa ɓa!»

Ɉaan 8:59

Nąąlɔwai, di kwɛni həɠə diɛ kɛ di Jesus hɔɔ la, kɛlaa, ə now ə kulɔ Yálá hee pɛlɛ́ mu.

Lomaŋ 4:18

Abrahamə ə laa Yálá la ə gilitɔɔ mą, mɛ̨nį kəlee hu, yili ɓə gɛ a nu huwu tamąą di nąn yɛ bələi di kɛ la mą. Ə́ lonnii kaa pai tamąi.

Lomaŋ 4:20

Mɛ̨nįi Yálá ə naakwɛlanmo Abrahamə ɓa, ɲįnɛ̨-ɲįnɛ̨n hvo kɛ nwɔ laa na laa hu, yaamun, nwɔ laa na laa ə vaŋąlɔ, yɛ Yálá tɛnɛ̨.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Korɛntə veelɛ 1:6

Mɛ̨nį walawala aa həli kuɔ? Yili kaa a ká liilaa mɛ̨nį da ká ɓalo mɛ̨nį. Liilaa mɛ̨nį aa həli kuɔ? Yili kaa a ká liilaa mɛ̨nį, yai a pɛli gɛi, mɔ̨nɔ̨i ku kaa mįi ká mąą mɛ̨nį ɓa, káá pɛli ká liikpələi ká wɛi mu.

Korɛntə veelɛ 4:8

Ku hvanąąi bələ kəlee, kɛlaa, ku hvo wolo li, kwa too ku kaa kanąn mɛ̨nįɠaa hu, kɛlaa, kuɔ kulɔ ɉu,

Korɛntə veelɛ 7:5

Hvo gaai, bələi mąn ku paa la Masedoanə, ku hvo hvįįtɔɔ hɔlɔɓo, kɛlaa mɔ̨nɔ̨ huwu lɔpee ə həli kuɔ; di kɔ pɛlɛ kuɔ ɲɛnɛ̨ɛ̨ pələ, ɲɔw yɛ ɓo ku hu pələ.

Hebreu 13:6

Yili ɓa, gwa pɛli gu mo kpɔ a kilitɔɔmąą laa, guɔ mą: «Ną́mu kaa a dɔ́ɔ́ búlú, vá ɲɔw hɛn nɔpee ta ɓa. Lə kpɔ ɓə nu kan a pɛli gɛi a ɲą́ą́?»

Nwun mąąɓo 18:25

Dan nuą diɛ mą: «Ku hvo kɛa ə́ woo mɛ̨n ku pulu, yili hvo mą, nuą líikələn ŋąąi di kwəi, di hvo pa wolo kaa, yɛ́, ə́ yəi bɛlɛ́n nuą, ka nwun və pa lɛɛ ɉu.»

Nwun mąąɓo 20:22

Israɛlə nuą di di lii kpələ, ɓɛi lɔ tii di kɛ laa a voló dɔlɔɔ, di lɛɛ laa, di hvo pu.

Samuɛlə dɔlɔɔ 1:10

Anə ə Yai-Laa hvɛli a liikələn gwəi, yɛ wɔlɔ kpɔ a mąąwɛliɛ.

Samuɛlə dɔlɔɔ 23:16

Saulə lon Ɉonatan ə muhəɠə, ə li Horesa daai, ə Davidə hvaŋąlɔ Yálá laa hu;

Samuɛlə dɔlɔɔ 28:15

Samuɛlə yɛ Saulə ɓa: «Ə́ kaa vįikpɛɛi, yɛ́ dəli lə mɛ̨nį ɓa?» Saulə yɛ mą: «Gwə́i aa pili maa kɛnɛ̨, Filisti nuą daa kɔ́ pɛlɛ mą́ą́, ɛlɛɛ, Yai-Laa aa kulɔ búlu kpɔ a neelee. Hvo kɛa nwoo pulu pənəi a gwəi mɛ̨nį hukulɔ nuą laaləi a wala kɛ tii a hįi woo. Yili ɓə gɛ gɛ́ ə́ təli, mɛ̨nįi mąąnɛ̨ɛ̨ ŋą́ gɛ, nɛ mą́ą́.»