Samuɛlə dɔlɔɔ 30:15 - Yálá laawoo hɛɓɛ (dc)

¹⁵ Davidə yɛ mą: «Yá pɛli tɔɔi dɔ́wɔ gu həli nu kpului tii ɓa?» Ɉulɔnui tii yɛ mą: «Yá ə́ kwɛla a Yálá, yɛ́ diɛ hva báá, ɛlɛɛ hva dɛɛ nwɔ́ luwɔ nąmu pɔ a nįnɛ̨ ŋą́ tɔɔ ə́ tɔwɔ.»

Yálá laawoo hɛɓɛ

¹⁵ Davidə yɛ mą: «Yá pɛli tɔɔi dɔ́wɔ gu həli nu kpului tii ɓa?» Ɉulɔnui tii yɛ mą: «Yá ə́ kwɛla a Yálá, yɛ́ diɛ hva báá, ɛlɛɛ hva dɛɛ nwɔ́ luwɔ nąmu pɔ a nįnɛ̨ ŋą́ tɔɔ ə́ tɔwɔ.»

Bible

¹⁵ Deeƃé ǹyɛɛ m̀ai, “Ya pɔri berei kulâi a ńyãa a gɛ́ɛ ŋá seri too-ma kɛ́-ƃelai ŋí pɔ́-naa?” Ǹyɛɛ m̀ai, “Í fóo mî Ɣâla ŋɛ́i a gɛ́ɛ ífe pâi ḿbaâi, kpaa máŋ í ńdɛɛ ŋánuu-namui pɔ́-naa, gɛ̀ ní ŋa pâi liî a yá naa.”

Samuɛlə dɔlɔɔ 30:15 ပူးပေါင်းရင်းမြစ်များ

Zɛnɛse 24:3

'Ə́ kwɛla a Yai-Laa laa, yai a yələkɔlɔn da lɔi di pɛli Yálá, yɛ́ mą́ą́: Hvó pai Kanaan lɔi hu nɛ̨ɛ̨nu ta həɠəi, hvó dɛɛ nón bɔ a nɛ̨ą.

Izikiɛ 17:13

Ə dɔɔ kwəlii mun da həɠə, da yaa di woo ə laa mą; yili ə nwoo kwɛlɛ mą, yɛ gwɛla ɉu; ə nɔi kalanɉonŋaa həɠə.

Izikiɛ 17:16

Ɲą́ą́ Yai-Laa, Mɛ̨nį kəlee ŋą Hééɓomun Yálá, yii gáá gwɛlai ɉu, ya ka: dɔɔmun ti ɉee a tɔɔmun; nwooi ə gwɛlɛ mą yɛ nɛɛi; yɛ ŋą mįnɛ̨ həɠə wooi hu kala; dɔɔmun ti pɔɔli ɓə gaa pai haai laa Babilonə daa kwəi.

Izikiɛ 17:19

Yili mąą mɛ̨nį ɓa, Yai-Laa woo ka, yɛ: Gáá a Mɛ̨nį kəlee ŋą Hééɓomun; nwooi ə gwɛlɛ, yɛ gaa lɛɛi bulu, yii kpɔ ə nɛɛi, ə ŋą mįnɛ̨ wooi hu kala; Gáá ɉu mɔ̨nɔ̨ heei nwuɔ̨.

Zasua 2:12

A kɛ tii kɛa, ka ka kwɛla a Yai-Laa laa, kaa diɛ; bələi ŋɛ̨i ŋį́ ka hon na a nɛlɛɛ, ka káá lɔ pai ɲą́ą́ kwa ɲə́i bɛlɛ́n nuą ku hon ɉii tii a nɛlɛɛ. Ka kɔ́lɔn ɉɛn da tɛɛ bɔ́,

Zasua 9:15

Da Ɉosue ni di liilaa mįnɛ̨ həɠə, yaai a di lɛɛ yɛnɛ̨ɛ̨. Nɔi lonnii ɲɛ̨itɔwɔ nuą di di kwɛla diɛ.

Nwun mąąɓo 1:24

Nɛ̨nɛ̨ɛ̨n naa kɛ nuąi tii di di tɔɔ, di nu ta kaa, aa həɠə taai pələ, diɛ mą: «Mįnɛ̨ pələ ɓə nu ya pɛli lɔi la daai? Nąą lɛ kuɔ, ku kaa pai mɛ̨inɛ̨ɛ̨ kɛi yɛ́.»

Samuɛlə dɔlɔɔ 29:6

Akisə ə Davidə təli, yɛ mą: «Yai-laa Yálá hvulúmąą laa hu, nu haŋąą ɓaa yɛ́. Gwə́i nɛ̨ɛ̨ mɛ̨nį ɓa gwa yɛ gwəli gɔ́ ɓa, mąąhɔlɔɓo, və́ mɛ̨nį ɲɔ̨n gaa li ə́ yee pɔ. Yii kpɔ ə́ pa bɔ́, ə lɛɛ ɉu háákələi hvóló a həli. Kɛlaa, ə́ wɛli hvo nɔi nwun nąmįną diɛ.

Samuɛlə dɔlɔɔ 30:14

Kuɔ ɓə li doo mɛ̨i kɛi Kereti lɔi ɉɛɠɛɛ pələ, Ɉuda lɔi, da Kalɛbə nwɔ lɔi ɉɛgɛɛ pələ; ɛlɛɛ, kuɔ ɓə nwɔ̨n bili Siklagə.»

Samuɛlə dɔlɔɔ 30:16

Ɉulɔnui tii ə tɔɔ Davidə tɔwɔ, də li Amalɛkə nuą daa kɛ taɠa taɠa nɔi nąą kəlee diɛ kɔ̨nɔ̨n mįi, diɛ di kpələ, diɛ kwəinɛ̨ɛ̨ kɛnɛ̨ kulɔ a ɉɛn gɛnɛ̨i tii di ɉɔlɔɓo Filisti lɔi hu da Ɉuda lɔi hu.