Samuɛlə dɔlɔɔ 30:14 - Yálá laawoo hɛɓɛ (dc)

¹⁴ Kuɔ ɓə li doo mɛ̨i kɛi Kereti lɔi ɉɛɠɛɛ pələ, Ɉuda lɔi, da Kalɛbə nwɔ lɔi ɉɛgɛɛ pələ; ɛlɛɛ, kuɔ ɓə nwɔ̨n bili Siklagə.»

Yálá laawoo hɛɓɛ

¹⁴ Kuɔ ɓə li doo mɛ̨i kɛi Kereti lɔi ɉɛɠɛɛ pələ, Ɉuda lɔi, da Kalɛbə nwɔ lɔi ɉɛgɛɛ pələ; ɛlɛɛ, kuɔ ɓə nwɔ̨n bili Siklagə.»

Bible

¹⁴ Kú tòo Kɛrita-ŋai Dífɛ̃ɛ-kpâlaŋ su lɔii-kpiniŋ su Zuda kwára pere lɔii-kpiniŋ su-ƃelai sáma Kelɛ ŋɔlɔii-kpiniŋ su kú Zikila kéreŋ.”

Samuɛlə dɔlɔɔ 30:14 ပူးပေါင်းရင်းမြစ်များ

Samia Veerɛi 8:18

Yehoyada lon Benayahu ɓə kɛ Kereti da Peleti nuą nwun na. Davidə lonnii di kɛ a haláá ɉaláá laa həli nuą.

Tɔɔɓɛlaa dɔlɔɔ 1:38

Ɉaláá laa həli mun Sadɔkə, Yálá kwəi mɛ̨nį hukulɔ mun Natan, da Yehoyada lon Benayahu, ə mą kɛ, Kereti nuą, da Peleti nuą, di kulɔ, də li di Salomɔn tɛ tɔɔmun Davidə nwɔ hoohvaalən mɛ̨i, da diɛni di li Gihɔn.

Tɔɔɓɛlaa dɔlɔɔ 1:44

Tɔɔmun ə ɉaláá laa həli mun Sadɔkə, da Yálá kwəi mɛ̨nį hukulɔ mun Natan, ə mą kɛ Yehoyada lon Benayahu, da Kereti nuą, da Peleti nuą, ə di tɔɔ diɛ Salomɔn hee tɔɔmun nwɔ hoohvaalən mɛ̨i.

Kɔlɔnikɔ Maa-ŋuŋ 18:17

Yehoyada lon Benayahu ɓə kɛi Kereti nuą ɲąąwooɓo da Peleti nuą. Davidə lonnii ɓə kɛ a dɔɔ kwɛlɛ nuą dɔlɔɔ.

Izikiɛ 25:16

Yili mąą mɛ̨nį ɓa, Mɛ̨nį kəlee ŋą Hééɓomun Yálá woo ka: Gáá pai pɛlɛi Filisti nuą diɛ, gáá pai Kereti nuą hukalai, gɛ́ gboloyá kwɛlɛ lɔi lɛɛ a vowolo.

Sofoni 2:5

Kpalo aa ɓɛla gboloyá kwɛlɛ heeɓo nuą diɛ, diɛi ɓaa Krɛtə lɔi hu nuą, kaa ɓə Yai-Laa kaa haŋąi kaa. Filisti nuą pɔ lɔi Kanaan, gáá ə́ lɛɛi a lɔi pun, nuą di hvo pai heei ə́ hu.

Zasua 14:13

Ɉosue ə lúwɔ́ too Yefunɛ lon Kalɛbə ɓa, ə Hebrɔn tɛɛ bɔ a ɉee lɔi.

Zasua 15:13

Di lɔi tɛɛ Yefunɛ lon Kalɛbə pɔ Ɉuda lonnii lɔwai, yɛ bələi Yai-Laa ə mo la Ɉosue ɓa Kiriatə-Arba yii gaa Hebrɔn. Arba ə kɛ a Anakə lon, ɉee taa.

Zasua 21:12

Kɛlaa, di daa nwɔ tíi kɛ lɔwɔ tɛɛ Yefunɛ lon Kalɛbə pɔ, da ɲee pɔ taa pɛlɛɛɠaa.

Samuɛlə dɔlɔɔ 25:3

Ɉulɔnui tii laa ɓa kɛ a Navalə, nɛ̨ą laa ɓaa Avigailə. Nɛ̨ɛ̨nui tii ə kɛ a kilimąą nɛ̨ɛ̨nu. Kɛlaa, ɉilɛ kili walawalaa kɛ, nwɔ mɛ̨nį ɲɔ̨nwɔ̨ɔ̨. Ə kɛ a Kalɛbə nu huwu ta.

Samuɛlə dɔlɔɔ 30:1

Kɛlaa voló haaɓa yələ, lii Davidə da nwɔ nuąi di mo Siklagə, Amalɛkə nuą daa kɛ pa toomɛ̨i kɛ Siklagə da Negɛvə. Daa kɛ Siklagə hɛnŋaa kəlee həɠə, ɛlɛɛ daa daa gələn.

Samuɛlə dɔlɔɔ 30:13

Davidə yɛ mą: «Gbɛɛ nwɔ nu ɓaa yɛ́, ɛlɛɛ, ə́ həɠə mį?» Yili yɛ mą: «Eziptə mun maa ɲą́ą́, Amalɛkə mun da nwɔ luwɔ ɓaa a ɲą́ą́, ə ɓo mą́ą́, ə dóó, mąąhɔlɔɓo, gɔ́lɔi hvo kɛ pɔ̨nɔ̨ li; voló ɉaaɓa ɓaa háákələi.

Samuɛlə dɔlɔɔ 30:15

Davidə yɛ mą: «Yá pɛli tɔɔi dɔ́wɔ gu həli nu kpului tii ɓa?» Ɉulɔnui tii yɛ mą: «Yá ə́ kwɛla a Yálá, yɛ́ diɛ hva báá, ɛlɛɛ hva dɛɛ nwɔ́ luwɔ nąmu pɔ a nįnɛ̨ ŋą́ tɔɔ ə́ tɔwɔ.»

Samuɛlə dɔlɔɔ 30:16

Ɉulɔnui tii ə tɔɔ Davidə tɔwɔ, də li Amalɛkə nuą daa kɛ taɠa taɠa nɔi nąą kəlee diɛ kɔ̨nɔ̨n mįi, diɛ di kpələ, diɛ kwəinɛ̨ɛ̨ kɛnɛ̨ kulɔ a ɉɛn gɛnɛ̨i tii di ɉɔlɔɓo Filisti lɔi hu da Ɉuda lɔi hu.