Samuɛlə dɔlɔɔ 3:19 - Yálá laawoo hɛɓɛ (dc)

¹⁹ Samuɛlə ə kɛi kɛnɛ̨, Yai-Laa ə kɛ bɔ, wooi kpɔ ə kɛi ɉəɠə Yálá la yɛ mo, gəlee laa ə kɛi hon.

Yálá laawoo hɛɓɛ

¹⁹ Samuɛlə ə kɛi kɛnɛ̨, Yai-Laa ə kɛ bɔ, wooi kpɔ ə kɛi ɉəɠə Yálá la yɛ mo, gəlee laa ə kɛi hon.

Bible

¹⁹ Samia è ƃɔ̀lɔ Yâwɛɛ kɛ́ ƃò gɔlɛ ma. Vé wɔ́lɔ ǹɛɛ ní naa Samia wóo é tóo kpɛ́ni-kpɛni.

Samuɛlə dɔlɔɔ 3:19 ပူးပေါင်းရင်းမြစ်များ

Zɛnɛse 21:22

Gwɛlan dɔ̨nɔ̨ tii hu, Abimelɛkə, da nwɔ kɔ́kuláá nwun nąmu Pikɔlə, di pa Abrahamə pɔ. Abimelɛkə yɛ Abrahamə ɓa: «Gílí kaa ɉu, gɛ́ diɛ: Mɛ̨nįɠaai ya ə́ yee too ɉu, Yálá kaa ə́ pɔ gəlee hu.

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Zɛnɛse 39:2

Yai-Laa ə kɛ Ɉosɛfə pɔ, yili ɓə gɛ, mɛ̨nįi lɔpee ə kɛi ɲee too ɉu, gəlee hu ə kɛi nɛ̨ɛ̨. Ɉosɛfə ə kɛ lɔ Potifarə yəi bɛlɛ́n.

Zɛnɛse 39:3

Potifarə ə gaa yɛ, Yai-Laa kaa Ɉosɛfə pɔ, mɛ̨nįi a ɲee too ɉu, ɉu a nɛ̨ɛ̨,

Tɔɔɓɛlaa dɔlɔɔ 8:56

«Mąąwiɛ ə kɛ Yai-Laa ɓa! Ya ɓə kɛɛnɛ̨ɛ̨ tɛɛ nwɔ nu huwui Israɛlə pɔ, yɛ vįitɔɔ laa, yɛ bələ ə gbɛa kɛ mo la. Nwoo lɛlɛɛɠaai kpɔ ə di pu wɔ tímun Moisə la, da lɔpee hvo too li kpɛli kpɛli.

Tɔɔɓɛlaa veelɛ 10:10

Mąąnɛ̨ɛ̨ ka kili ə pu ɉu, kaa diɛ, Yai-Laa wooi ə mo yɛ hvilɛn Akabə nwɔ pɛ́lɛ́i ɓa, dɔ̨nɔ̨ kpɛli hva lɛɛ tooni kpɛli-kpɛli. Mɛ̨nįi Yai-Laa ə mo nwɔ tímun Eli laaləi, aa gəlee pɔ mɛ̨nį kɛ.»

Tɔɔɓɛlaa veelɛ 15:12

Nwooi Yai-Laa ə mo Ɉehu ɓa, ya ka tii, yai ə kɛ mą: «Ə́ lonnii kaa pai lɛɛi heei Israɛlə tɔɔ kpəlin ɉu ə lɛɛ la ɉu ə həli la həɠə gee pɔ nąąn ma.»

Tɔɔɓɛlaa veelɛ 22:16

Mɛ̨nii Yai-Laa ə mo ya ka, yɛ: Gáá pai mąąwɛli mɛ̨nį laai gɛɛnąą ŋɛ̨i ɓa, da nąą nuą, kpɔlɔɔ yɛ bələi ŋɛ̨i ɉɛɓɛ́i ŋɛ̨i Ɉuda tɔɔmun ə gaa ɉu woo kaa la.

Azaya 43:2

Yá kɛi tɛɛ yaɠaa hu, gáá ə́ pɔ, yá kɛi yaɠaa teen, hvá lɛɛ da hu, ə́ mą hiɛ nwɔ̨n ɉɛ̨ąi, hva ə́ kələn, nwɔ̨n nən və kɛa pai ə́ tiɠi kɛi, yɛ həli ə́ hu pələ kəlee;

Azaya 44:26

Gɛ́ nwɔ́ tímun hvaa woo pɔ mɛ̨nį lɛɛ mą, gɛ́ nwɔ wɛlɛɛɓo nuą, woo hu nɛ̨ɛ̨, ɲą́ą́ ɓə kɛ Ɉerusalɛmə ɓa: «'Ə́ laa ə hvɛɛ a nu kan», gɛ́ Ɉuda taaɠaa diɛ: «'Ka pɛ̨nɛ̨ ka tɔɔ a nįnɛ̨», yii kpɔ kala, ŋį́ gəlee pu nįnɛ̨ kɔ́lɔi.

Azaya 55:11

bələ lɔ ɓə nááwoo a túwɔ la, ɓɛlɔwai a kulɔ la ná, hva pənə hvo pa bɔ́ kpɛli kpɛli, yii hvo kóló kɛ li, Kɛlaa, mɛ̨nįɠaai kpɔ gáá bɔ, a gəlee kɛ, ɛlɛɛ, gólóɠaai kpɔ ŋį́ dɛɛ di kɛ mɛ̨nį ɓa, a gəlee ɲɛ̨i kulɔ.

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Lukə 1:28

Malaka ə lɔ Mari pɔ bɛlɛ́n, yɛ mą: «Gáá ə́ tuwɔ ɓoi, yɛ́i Yálá aa mɛ̨inɛ̨ɛ̨ kɛ yɛ́, Yálá kaa ə́ pɔ.»

Lukə 1:80

Nokoloi tii ə kɛi kɛnɛ̨, ə lɛɛ, kili yɛ ɓo mą kpɔ kɛnɛ̨, ɉu yɛ walawala. Ə lɛɛ ɲɛa lɔi pun ɉu, ə lɛɛ la ɉu hvo kɛli volói mąąnɛ̨ɛ̨ kɛ ə gbɔwɔ lɛ la Israɛlə nu huwu ɓa, ɲələ ə ɉəli.

Lukə 2:40

Nokoloi tii ə kɛi kɛnɛ̨, kili yɛ ɓo mą kpɔ kɛnɛ̨, ɛlɛɛ, ɉu yɛ walawala, Yálá nwɔ mɛ̨inɛ̨ɛ̨ yɛ ɓo mɛ̨i.

Lukə 2:52

Jesus ə kɛi kɛnɛ̨, kili yɛ ɓo mą, yɛ Yálá da nuą di lii hon a nɛlɛɛ.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Dutɛrɔnome 18:22

Mɛ̨nįi Yai-Laa kwəi mɛ̨nį hu kulɔ mun tii a mo a Yai-Laa laa, mąą mɛ̨nį a wala kɛ, a wala həli, a kɛ tii, Yai-Laa hvəi mąą nu tí la, a kɛ tii, mąą nui ə mo lɔ tii a gbɔwɔ ɲąąkɛnɛ pələ, ka hvo ɲɔw mą.

Timote veelɛ 4:22

Gu Ną́mu ə lɛɛ ə́ pɔ. Ŋą mɛ̨inɛ̨ɛ̨ ə kɛ ká kəlee ka pɔ. Amįįną.

Zasua 21:45

Nwoo lɛlɛɛɠaa kpɔ Yai-Laa ə mo Israɛlə nwɔ pɛ́lɛ́i ɓa, da lɔpee hvo lɛɛ a kpɛli, gəlee pɔ mɛ̨nį ə kɛ.

Nwun mąąɓo 13:24

Manoa nɛ̨ą ə koo həɠə, ə lon ɉulɔnu hɔlɔɓo, ə naa hee a Samsɔn. Nokoloi tii ə kɛi kɛnɛ̨, Yai-Laa yɛ lúwɔ́ too mą.

Samuɛlə dɔlɔɔ 10:7

Ya mɛ̨nįɠaa tii kaa diɛ həli yɛ́, mɛ̨nį lɔpee ya gaa, yɛ́ ə́ yee a pɛli mą, ə́ gɛ. Mąąhɔlɔɓo, Yálá kaa ə́ pɔ.

Samuɛlə dɔlɔɔ 12:2

Ə həɠə yiihu ɓa, dɔɔmun tii ɓə pai kɛi tɔɔi ka ɲɛ̨i tɔwɔ; nwɛ́i, ŋą́ą́ pɔlɔ, kɔ́lɔ hvo kɛa mą́ą́, nónnii kaa ka pɔ, di kaa nu kpalaan ɉeɛɠaa. Ɲą́ą́ ɓə kɛi tɔɔ ka ɲɛ̨i tɔwɔ, ə həɠə náŋą yələ ɓa, ə həli la háákələi ɓa.

Samuɛlə dɔlɔɔ 16:18

Bɔ nuąi tii dɔ̨nɔ̨ yɛ mą: «Ɉɛse ŋɛ̨i a Bɛtleɛmə daai mun, ŋą́ non ɉulɔnu tɔ̨nɔ̨ kaa, nwɛlɛɛ hvɛli kɛ, ɉuwalawalaa, gaa a kɔ́ kɔ́ mun nɛlɛɛ, yɛ pə́lə́ ɓo a kili, gaa a laŋąlon nɛlɛɛ, ɛlɛɛ, Yai-Laa kaa bɔ.»

Samuɛlə dɔlɔɔ 18:12

Saulə ə ɲɔw Davidə ɓa. Mąąhɔlɔɓo, Yai-Laa ə kɛ bɔ; ə lɛɛ Yai-Laa aa kɛ kulɔ Saulə pulu.

Samuɛlə dɔlɔɔ 18:14

Gɔɠaai kpɔ ə kɛi doo, ə kɛi nɛ̨ɛ̨ mą; ə lɛɛ, Yai-Laa ə kɛ Davidə pɔ.

Samuɛlə dɔlɔɔ 18:5

Ɓɛi lɔpee Saulə ə kɛi Davidə tɔɔ laa kɔ́ mɛ̨i, gɔ́ ə kɛi lɔ nɛɛ Davidə ɓa. Yili ɓə gɛ, Saulə ə Davidə hee gɔ́ kɔ́ nuą nwun na. Davidə wɛli ə kɛ nɔi nuą kəlee diɛ; Ə mą kɛ Saulə yee pɔ nuą kpɛa-kpɛaa kəlee.

Samuɛlə dɔlɔɔ 2:21

Yai-Laa ə ɲɛ̨i lɛlɛɛ hee Anə ɓa, Anə ə lon ɉinąą haaɓa da lon nɛ̨ą hveelɛ kaa. Samuɛlə logolo nwɛi, ə kɛi kɛnɛ̨ Yai-Laa lííla.

Samuɛlə dɔlɔɔ 2:26

Samuɛlə nwɛi, ə kɛi kɛnɛ̨, yɛ Yai-Laa da nu haŋąą di lii hon.

Samuɛlə dɔlɔɔ 9:6

Yili yɛ Saulə ɓa: «Kɛlɛi Yálá nwɔ nu ta kaa daa ŋɛ̨i hu-ee! Ɉulɔnui tii laa tɛɛi, yii a mo, a kɛ, hva ɉəɠə mą. Gwə li laa, gaa kiɛ pai gu tənən dɔɔi ɉiɛi ŋɛ̨i gu gulɔ mąą mɛ̨nį hu.»