Samuɛlə dɔlɔɔ 29:6 - Yálá laawoo hɛɓɛ (dc)

⁶ Akisə ə Davidə təli, yɛ mą: «Yai-laa Yálá hvulúmąą laa hu, nu haŋąą ɓaa yɛ́. Gwə́i nɛ̨ɛ̨ mɛ̨nį ɓa gwa yɛ gwəli gɔ́ ɓa, mąąhɔlɔɓo, və́ mɛ̨nį ɲɔ̨n gaa li ə́ yee pɔ. Yii kpɔ ə́ pa bɔ́, ə lɛɛ ɉu háákələi hvóló a həli. Kɛlaa, ə́ wɛli hvo nɔi nwun nąmįną diɛ.

Yálá laawoo hɛɓɛ

⁶ Akisə ə Davidə təli, yɛ mą: «Yai-laa Yálá hvulúmąą laa hu, nu haŋąą ɓaa yɛ́. Gwə́i nɛ̨ɛ̨ mɛ̨nį ɓa gwa yɛ gwəli gɔ́ ɓa, mąąhɔlɔɓo, və́ mɛ̨nį ɲɔ̨n gaa li ə́ yee pɔ. Yii kpɔ ə́ pa bɔ́, ə lɛɛ ɉu háákələi hvóló a həli. Kɛlaa, ə́ wɛli hvo nɔi nwun nąmįną diɛ.

Bible

⁶ Âke è Deeƃé tòli ǹyɛɛ m̀ai, “Yâwɛɛ, gɛ-ɣele-ma Ɣalai fé ḿɛi kàa, ya teniŋ ƃo tua támaa kɛ́ a ńyãa tãi su kôyaai kwa yá kúkaa la kúkîe mai. Ǹyaŋ ŋa ŋ̀wɛlii a gɛ́ɛ kwa yá kú kɔ́ gîe ma. Ḿve tá mɛni nyɔ́mɔɔ da kɛ́ a ńyãa é síɣe tãi ma ya wɔ́lɔ pá la kú pɔ́-naa é tóo lonii ma ma. Kɛ́lɛ Felesia-ŋai mɛi-ƃelai gbéli-ŋai dífe ŋ̀wɛlii a gɛ́ɛ í lɛ́ɛ kú pôlu.

Samuɛlə dɔlɔɔ 29:6 ပူးပေါင်းရင်းမြစ်များ

Zɛnɛse 16:6

Abramə ə nwoo ŋąąpənə, yɛ mą: «Ə́ wɔ luwɔ nɛ̨ą li, gaa ə́ yee mu, yii a nɛɛ yɛ́, gɛ́ la.» Nąąlɔwai, Sarai ə nwɔ luwɔ nɛ̨ą Hagarə laanɔ̨nwɔ̨ ɓo kpɔ kɛnɛ̨, yili ə pu, ə li nɔi pun ɉu.

Samia Veerɛi 3:25

Ə́ Nɛrə lon Avnɛrə kɔ́lɔn, ə́ ɓowo mɛ̨nį ka tii ə paa la, ə gɛ, ə kɛ a ə́ kpaalə kəlee kɔ́lɔn ŋąą, ə ə́ kɛ mɛ̨nįɠaa kəlee hu kɔ́lɔn.»

Tɔɔɓɛlaa veelɛ 19:27

Ə́ kɛɛ heeni, ə́ kɛɛ kulɔi yɛ́ lɔ, gəlee kpaɠala kaa mą́ą́, ə mą kɛ ɓɛi ə́ wɔ liiholi a muhəɠə laa bɔ́.

Mąątɛ̨nɛ̨ 121:8

Yai-Laa a ɲɛ̨i kɛ ə́ tɛɛ pələɠaa kəlee hu, ə́ lii, da ə́ pai, ə həɠə yiihu ɓa, ə lɛɛ ɉu, ɲɛ̨n deei hva kɛ mą.

Azaya 37:28

Ə́ kaa heei-yoo, ə́ kaa kulɔi-yoo, ə́ kaa lɔ́i-yoo, gbaɠala kaa mą́ą́, ə mą kɛ ɓɛlɔwai yá kɛ hvɛɛi la mą́ą́, yɛ́ kpɛlin a líiholi.

Azaya 65:16

Nui lɔpee pai kɛi bɔ lúwɔ ə kɛ mą, yɛ̨nɛ̨ɛ̨ ɓɛ, da lúwɔ kɛ mą: «Tɛ̨ą-Yálá laa hu.» Nui lɔpee pai kɛi bɔ ə gwɛla ɓɛ yɛnɛ̨ɛ̨, gaa pai gwɛlai a «Tɛ̨ą-Yálá laa.» Mąąhɔlɔɓo, di kaa pai lɛ̨ąi mɔ̨nɔ̨ tɔlɔɔɠaai diɛ, di hva kɛa kɛ ɲɛ̨́i mu.

Ɉeremi 12:16

Akɛ da tɔɔ a di nwąnąąi, diɛ di túwɔ́ a nɛlɛɛ yɛ nwɔ́ nuą, diɛ di mąą kwɛli a di woo kwɛlɛɛ a náá, yɛ́ bələi lɔ di nwɔ́ nuą mąą kwɛli la a di woo kwɛlɛɛ Baalə ɓa, diɛ kɛ mą: «A tɛ̨ą Yai-Laa kaa a vulú» da gɛ tii, da di heei hɔlɔɓo nwɔ́ nuą lɔwai.

Lonon mo 27:17

Mąą nu yɛ li, yɛ pa, yɛ ɓo nuą ɲɛ̨i tɔwɔ, yɛ di lɔ, yɛ di kulɔ; ə gɛ, Yai-Laa nwɔ nu kpului hvo pa lɛɛ lɔ yɛ taatɛlɛɛi mɛ̨i kaa mun və mą.»

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Dutɛrɔnome 10:20

Yai-Laa ka wɔ Yálái ɓə mąąnɛ̨ɛ̨ ka ɲɔw mą, kaa tí mą, ya ɓə ka ka kwɛla a naa.

Zasua 22:30

Nwooɠaa tii Rubɛn huwu, Gadə huwu, da Manase huwu bələ tɔ̨nɔ̨ di mo, tooi ə mo ɉaláá laa həli mun Pinasə wəlii, da nu kpulu ɲɛ̨itɔwɔ nuą, ə mą kɛ, Israɛlə kɔlaɠa nwun nąmįną, nwoo tii ə nu kəlee lii hon.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Piɛrə dɔlɔɔ 3:16

Kɛlaa, 'ká gɛ mąąwiɛlaa hu, da liinɛ̨ɛ̨ gwəi laa, əgɛ, nuą daa kɛi ká wɔɔ tuwɔ pələ lɛlɛ laa bələ ɓo Kristə hu, mɛ̨nįi da kɛ ká laa mąą hiɛi ɉu, ká laa mąą hiɛ nuą tii, di nwumɛ̨.

Samuɛlə dɔlɔɔ 20:3

Davidə ə gwɛla ma, yɛ mą: «Ə́ nąn gili kaa ɉu, yɛ gwa yɛ́ gu nɛɛi. Gaa giliŋąhiɛ yɛ kɛ diɛ: ‹Maa hvo nɛ̨ɛ̨li Ɉonatan gili hvo pu ɉu; a nee ɉukulɔ Davidə ɓa.› Kɛlaa, gáá gwɛlai a Yai-Laa laa, da ə́ wɔ yii yɛnɛ̨ɛ̨ kpɔ-kpɔ, ɉáá mɛ̨nį mąą hvo kwɛa li mą́ą́ kpɛli tiikpə.»

Samuɛlə dɔlɔɔ 28:10

Saulə ə gwɛla a Yai-Laa laa, yɛ mą: «Yii kpɔ Yai-Laa kaa a vulú, mɛ̨nį ta hva ə́ kaa mɛ̨nįi ŋɛ̨i hu.»

Samuɛlə dɔlɔɔ 29:3

Filisti tɔɔɓɛlaa diɛ Akisə ɓa: «Gbɛɛ nuą ɓaa Hebreuɠaai ŋɛ̨i?» Akisə yɛ diɛ: «Davidə ka tii yai a Israɛlə tɔɔmun Saulə nwɔ kɛla, gwɛlan dɔ̨nɔ̨ veelɛnąą ka, gaa gɔ́wɔ́ mɛ̨i, ə lɛɛ, yii kpɔ ə pa ɓɛ, ə lɛɛla ɉu, háákələi ə həli, və ta ɉɔn gaa li mą.»

Samuɛlə dɔlɔɔ 29:7

'Yáli ə́ pulu, li a ə́ liilaa yɛ́, ə gɛ hvo pa mɛ̨nį ta kɛ yɛ nwąną Filisti nuą diɛ.»

Samuɛlə dɔlɔɔ 5:8

Di Filisti tɔɔɓɛlaa təli di di ɲąąkpɔn di diɛ diɛ: «Kwa pɛli Israɛlə nwɔ Yálá nwɔ kəhii kɛ pələ kɛi ləi?» Yiliɠaai diɛ diɛ: «Israɛlə nwɔ Yálá nwɔ kəhii, ə li Gatə.» Də li a Israɛlə nwɔ Yálái nwɔ kəhii Gatə.