Samuɛlə dɔlɔɔ 26:23 - Yálá laawoo hɛɓɛ (dc)

²³ Yai-Laa kaa pai nu kəlee hvɛla kulɔi yɛ bələi dúwɔ́ pələ kaa la. Yai-Laa aa kɛ ə́ lɔ ɲéé ŋą háákələi, kɛlaa, və́ gɛ li və́ ɲéé pɛlɛ nui Yai-Laa aa dɔɔ wulɔ hiɛ mą.

Yálá laawoo hɛɓɛ

²³ Yai-Laa kaa pai nu kəlee hvɛla kulɔi yɛ bələi dúwɔ́ pələ kaa la. Yai-Laa aa kɛ ə́ lɔ ɲéé ŋą háákələi, kɛlaa, və́ gɛ li və́ ɲéé pɛlɛ nui Yai-Laa aa dɔɔ wulɔ hiɛ mą.

Bible

²³ Yâwɛɛ è sâa ílɔ̀ ŋáwala-walai mu, kɛ́lɛ íkaa a ŋɔkâloŋ M̀ɛni ma ḿva pɔri mɛni nyɔ́mɔɔ da kɛ̂i a yá. Yâwɛɛ a deniŋ ƃó-ƃelai féla fè da diai tùa a zãai.

Samuɛlə dɔlɔɔ 26:23 ပူးပေါင်းရင်းမြစ်များ

Samia Veerɛi 22:21

Yai-Laa a ɉón yɛ bələi nwɔ́ tələnmolaa kaa la, yɛ bələi ɲéé mąąhəɠɛɛi la, mɛ̨nį ɲɔ̨n və ɲéé pɔ.

Samia Veerɛi 22:25

Yii kɛ ɉaŋąą Yai-Laa ɲɛ̨i ɓa, Ə lɛɛ tələnmo túwɔ́ yii ŋą́ mo, bələ ɓə ə və́la kulɔ la.

Tɔɔɓɛlaa dɔlɔɔ 8:32

Ee! Yai-Laa, lɛɛ yələkɔlɔn ɉu, ə́ ə́ wəli tɔɔ, ə́ ə́ kɛ mɛ̨nį kɛ ɉu, ə́ ə́ wɔ tínuą hutɔɔ, nui a ɉɔn gɛ, ə́ gala mą, a nwɔ nɛ̨ŋɛ̨n yɛɛi ya mo a nwun. Ɛlɛɛ, nui túwɔ́ a ɉaŋąą, nwɔ tələnmolaa ə kulɔ pɔ̨nɔ̨ŋą.

Nehemi 13:14

Ŋą́ Yálá hvɛli gɛ́ mą: «Nwɔ́ Yálá, mɛ̨nįɠaa ŋɛ̨i ŋą́ gɛ, ə́ wɔ tələnmo la yii ŋį́ golói ŋɛ̨i kɛ, ə́ wɔ pɛ́lɛ́i mu, ə́ mąąwiɛ mɛ̨nį ɓa, ə́ kili lɛɛ ɉu.»

Zôo 34:11

Mąąhɔlɔɓo, nu túwɔ́ pələ ɓə a bɔɔ kulɔ mą, yɛ nu tɛitɛi hon, yɛ bɛli ɉiɛ pələ ɓa.

Mąątɛ̨nɛ̨ 62:12

Yálá ə hvaa lɔ tanɔ̨n, ŋą́ mɛ̨nį hveelɛ ɓə ŋį́ mɛ̨n, doloo ɓaa a: Yálá pɔɔ ɓaa a huwalawalalaa,

Samuɛlə dɔlɔɔ 24:11

Ə́ gbaɠala kaa yɛ́, yɛ́ kpįnįi yɛ́ kɛ, Yai-Laa ə́ ə́ lɔ ɲéé ŋą háákələi gwɛni wolo hu? Kɛlaa, və́ gɛ və́ ə́ paa; ŋą́ ə́ mąąwɛli kaa, gɛ́ kɛ diɛ: ‹Vá ɲéé pɛlɛ nwún nąmu ɓa, mąąhɔlɔɓo, nui Yai-Laa aa ɉəɠə ɉu, aa ɉee a tɔɔmun yaa li.›

Samuɛlə dɔlɔɔ 24:12

Nán! Ə́ ɲɛ̨i hee ɓɛ, ə́ wɔ həɠəi gbuɔ ta kaa ɲéé ŋą. Ŋą́ ə́ wɔ həɠəi ta tee mą, ɛlɛɛ, və́ ə́ paa li. Ə́ kili ə pu ɉu, ɛlɛɛ, ə́ gbaɠala kaa, yɛ́ kiliŋąhiɛ ɲɔ̨nwɔ̨ɔ̨ hvo gwə́i yɛ hvilɛn na yɛ́, və́ ta tɔɔ li ə́ la; və́ ta ɓaɠaɓo li yɛ́. Yɛ́ lɔ ɓə yáá hvilɛn búlu, yáá ɓaɠaɓo mą́ą́ yɛ́ ə́ báá.

Samuɛlə dɔlɔɔ 24:18

Yɛ Davidə ɓa: «Ə́ haŋąąi ə́ tɛɛ mą́ą́! Mąąhɔlɔɓo, yáá mɛ̨nį lɛlɛɛɠaa kɛ mą́ą́, ə lɛɛ, ɲą́ą́n, ɲɔ̨nwɔ̨ɔ̨ ɓə gáá gəi a yɛ́.

Samuɛlə dɔlɔɔ 24:19

Yáá ə́ wɔ mɛ̨nį lɛlɛ pələ lɛ, a dúwɔ́ taaləi ŋɛ̨i yáá mo a ɲą́ą́i haakələi. Yai-Laa aa kɛ nɔ́ ə́ yee ŋą, kɛlaa, hvo báá li.

Samuɛlə dɔlɔɔ 26:11

Yai-Laa ə gɛ́ a hɔn maa mun, akɛ ŋą́ ɲéé pɛlɛ nui Yai-Laa ə ɉee a tɔɔmun ma. Gbalai tii gwɛlɛ, da nwɔ ya pu hɛn həɠə gwə li.»

Samuɛlə dɔlɔɔ 26:22

Davidə ə pənə yɛ diɛ: «Tɔɔmun nwɔ kpalai ka, tɔɔmun bɔ hulɔnon dɔ̨nɔ̨ ə pa ə ɉəɠə.

Samuɛlə dɔlɔɔ 26:9

Davidə yɛ Avisai ɓa: «Hvo baa. Nui Yai-Laa ə tɔɔ wulɔ lɔ mą, gbɛɛ ɓə a pɛli ɲee tunwɔ̨n ɉii mą, nu a yili kɛ, hvo kɛ li di mąą nu hutɔɔ.»