Samuɛlə dɔlɔɔ 26:19 - Yálá laawoo hɛɓɛ (dc)

¹⁹ Nwɔ́ mɛ̨nį nąmu tɔɔmun, ə́ wəli tɔɔ yiihu ə́ wɔ tí mun woo ɓa: ‹Akɛ Yai-Laa ɓə ə́ ɲąątɔɔi mą́ą́, ə hvaa mą, haláá hɛn di kaa dɛɛi bɔ, yili ə niilaa. Kɛlaa, akɛ nuą ɓə, mąą nuąi di kɛ a nɛ̨ŋɛ̨n naa nuą Yai-Laa ɲɛ̨i ɓa. Hvo gai, daa gbɛ́ háákələi, yɛ́ gulɔ Yai-Laa nwɔ lɔi hu, diɛ kɛ mą́ą́: Li ə́ tí haliɠaa diɛ.›

Yálá laawoo hɛɓɛ

¹⁹ Nwɔ́ mɛ̨nį nąmu tɔɔmun, ə́ wəli tɔɔ yiihu ə́ wɔ tí mun woo ɓa: ‹Akɛ Yai-Laa ɓə ə́ ɲąątɔɔi mą́ą́, ə hvaa mą, haláá hɛn di kaa dɛɛi bɔ, yili ə niilaa. Kɛlaa, akɛ nuą ɓə, mąą nuąi di kɛ a nɛ̨ŋɛ̨n naa nuą Yai-Laa ɲɛ̨i ɓa. Hvo gai, daa gbɛ́ háákələi, yɛ́ gulɔ Yai-Laa nwɔ lɔi hu, diɛ kɛ mą́ą́: Li ə́ tí haliɠaa diɛ.›

Bible

¹⁹ Kpera yɛ̂ íwoli tɔ́ɔ ŋá mɛni da ƃó yâ. À kɛ̀ Yâwɛɛ a gɛ́ ya tɔɔ ḿâ, gɛ̀ ní sâla kuláa a pâi gɛ̂i é ǹíi maa fáleŋ. Kɛ́lɛ à kɛ̀ ǹûai da-ni ƃa gɛ́ ya tɔɔ ḿâi, gɛ̀ ní kili-kɛ-zu káa ńyêei a gɛ́ɛ Yâwɛɛ a pâi dímɛnii ŋáa têei! Da ŋ́gɛ ŋa kùla Yâwɛɛ ŋɔlɔii ma díkɛ mò ḿâ a gɛ́ɛ ŋa Ɣâla da kpɛ́ni fɛlîi.

Samuɛlə dɔlɔɔ 26:19 ပူးပေါင်းရင်းမြစ်များ

Zɛnɛse 44:18

Ɉuda ə lɛɠɛ Ɉosɛfə ɓa, yɛ mą: «Nwɔ́ mɛ̨nį nąmu, ka nɔi ŋɛ̨i hutɔɔmun ka pɛliɛi, gɛ́ ə́ hvaa mą, ŋį́ hvaa ə́ pɔ, ə́ lii hvo holi bɔ́.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Samia Veerɛi 14:16

Mąąhɔlɔɓo, tɔɔmun gaa pai hvaai ma, ə nwɔ tínɛ̨ɛ̨nui kulɔ nui tii yəi, yai gaa bɔ ə gúlɔ Yálá kwɛlin ɉu, ɲą́ą́ kwa nón.›

Samia Veerɛi 16:10

Tɔɔmun yɛ mą: «Ə́ wɔɔ naa ɓa a lə mɛ̨nįi ŋɛ̨i hu, Seruya lon? Akɛ nɛ̨ŋɛ̨n naa ŋɛ̨i gaa gɛi, Yai-Laa ɓə kɛ mą: ‹Li ə́ Davidə nɛ̨ŋɛ̨n naa›, gbɛɛ ɓə a pɛli kɛi ma: ‹Lə mɛ̨nį ɓa ə́ kaa yili kɛi?›»

Samia Veerɛi 16:11

Davidə yɛ Avisai da bɔ nuą kəlee kpɔ kpun diɛ: «Nón! A gáá gwəi lon gbɔɔ-kpɔ, a hvilɛn búlú, yɛ kɛ ə ɲíi hvóló tee mɛ̨i, gu hvo mun kɛ Bɛnɉamɛn mun ŋɛ̨i! Ka nɛɛ laa, ə nɛ̨ŋɛ̨n naa kɛ; Akɛ Yai-Laa ɓə dɔɔ la-o.

Samia Veerɛi 20:19

Kuɔ taai kaa a liilaa taa, dɛɛ Israɛlə taaɠaa kəlee ɓa, ya ɓə ə́ kaa bɔ ə́ daai ŋɛ̨i hu nuą kəlee nwun na pili! Ə́ Israɛlə taa walawalai ŋɛ̨i wolo! Lə mɛ̨nį ɓa, ə́ kaa bɔ ə́ Yai-Laa kwɛlin ɉukala?»

Samia Veerɛi 21:3

Davidə ə mo Gabaɔn nuą diɛ, yɛ diɛ: «Lə ɓə ŋą́ pɛli gɛi kaa? Lə ɓə ŋą́ pɛli gɛi a bɔnaa kulɔ hɛn gwa kaa ni gu lɔwai, ə gɛ, ka lúwɔ́ too Yai-Laa kwɛlin ma?»

Samia Veerɛi 24:1

Yai-Laa lii ə holi Israɛlə nuą pɔ nwɔ̨nɔ̨, ə Davidə lii muhəɠə di pɔ ə gɛ, yili ə Israɛlə nuą da Ɉuda nuą di lonon.

Tɔɔɓɛlaa dɔlɔɔ 22:22

Malakai tii yɛ mą: ‹Gáá lii, ŋą́ kɛ a lɛɛ kili, ŋą́ too Yálá kwəi mɛ̨nį hukulɔ nuąi tii laa diɛ.› Yai-Laa yɛ mą: ‹'Li, ə́ yee kaa lii lɔi, li ə́ gɛ tii.›

Kɔlɔnikɔ Maa-ŋuŋ 21:1

Ɓilihi ə pɛlɛ Israɛlə ɓa, ə Davidə ɲąątɛ, yili ə Israɛlə nuą lonon.

Mąątɛ̨nɛ̨ 120:5

Ee kə néé gboo! Kpalo aa gáá! Ɲą́ą́ ka Mɛsɛkə lɔi hu, gɛ́ ɓo heeni Kedarə lɔi hu.

Mąątɛ̨nɛ̨ 20:4

Ə gili lɛɛ ə́ wɔ Yálá kɔ́ hɛnŋaa kəlee hu, yɛ́ haláái yá gəlee kələn, ə níi hon.

Hanwon 30:10

'Hvó nu nwɔ luwɔ laa pələ ɓo gwɛlɛ, əgɛ, nuwɔi tii hvo pa ə́ nɛ̨ŋɛ̨n naa, nɛ̨ŋɛ̨n və lɛɛ ə́ nwuɔ̨.

Azaya 60:5

Yá pa yili nąą kaai, ə́ kaa pai kɛi kwəinɛ̨ɛ̨ hu, ə́ lii yɛ too ə́ kwəi pin, pin, yɛ kɛ ə ɓɛla a kwəinɛ̨ɛ̨. Mąąhɔlɔɓoɔ, di kaa pai pai a gboloyá hu hɛngɔwɠaa kəlee ə́ pɔ pələ, hįį lɔi takpɛliɠaa hu hɛngɔwɠaa diɛ həli yɛ́.

Levetekɔ 26:31

Gáá pai ka wɔ taa kpɛa-kpɛa lɛɛi a taa kpoloon, gɛ́ ka wɔ kɛɛnąą mąąhəɠɛɛɠaai mąąwɛli; vá kɛa ka wɔ lansan kun mɛ̨n.

Lonon mo 36:7

Yili a kɛ tii, nɔiɠaai di ɲąąkwɛlɛ ka lɔwai, hva kulɔ huwu ta yəi hvo li da kpɛli pɔ; əgɛ, huwu kəlee kwɛlin ə lɛɛ ɲəi.

Lonon mo 36:9

Yili a kɛ tii, nɔi tɔ̨nɔ̨i tii hva həɠə ɉuwu yəi, hvo li ɉuwu yii pɔ. Nu kəlee nwɔɔ a lɛɛ ɲəi, yɛ bələi di nąnni di ɉɔlɔɓo la.»

Lomaŋ 14:15

Kɔ̨nɔ̨n yá mįi ə kɛ a ə́ ɓɛlanmun nan ɉɛn, yá mįi, a kɛ tii, hvó hiɛi wɛlikɛmąąlaa hu. 'Gɛ a nɛlɛɛ, ə́ kɔ̨nɔ̨n və, nui Kristə ə haa mąą mɛ̨nį ɓa, nwun na pili.

Galatə 5:12

Akɛ yili kaa tii, nuąi ká nwun ɉu kɛi vuwú-vuwú, di hvo kpɛla lɔ di kpɔwɔ kɛ́nɛ̨ kɛɛ ɓa, kɛlaa di gəlee tee laa kpɔ tɛ̨ɛ̨tɛ̨ɛ̨?.

Dutɛrɔnome 13:3

ɛlɛɛ mɛ̨nį ɲɛ̨i kɛnɛ̨i tii, awala kɛ tii, gbalo mɛ̨nįi tii ə nɛɛ kwɛala yɛ ɉukulɔ, mąą mɛ̨nį yɛ kɛ; mąą nu ə tɔɔ kɛa, yɛ kɛ diɛ: «Gu hvilɛn haliɠaa pulu, gu di mąąwiɛ» diɛi di kaa a hɛnŋąąi ka hvo di kɔ́lɔn.

Timote veelɛ 4:14

Alɛsandrə, gwɛli-yɔwmun, aa túwɔ́ kpɔ a ɲą́ą́ a ɲɔ̨nwɔ̨ɔ̨, gu Ną́mu Jesus kpinįi kaa pai vɛla kulɔi yɛ pələi dúwɔ́ pələ kaa la.

Samuɛlə dɔlɔɔ 18:10

Bulu ɓa yələ laa ɓoɔ, Yálá ə ɲįnɛ̨n da tɔɔ, ə hvilɛn Saulə pulu, hvo kɛi kɛa mɛ̨nį ta kɛ ɲəi bɛlɛ́n gbɔwɔ yee kɔ́ma. Davidə ə kɛi nwɔ gwɛnįn ɲɔw, yɛ bələi ə kɛi gɛ la a yələ takpɛliɠaa, Saulə nwɔ kpalai ə ɓo ɲee ŋą.

Samuɛlə dɔlɔɔ 24:9

Davidə ə muhəɠə kɛa, ə kulɔ gwɛni wolo hu, ə tomą Saulə pulu pələ, yɛ kɛ mą: «Nwɔ́ mɛ̨nį nąmu tɔɔmun!» Saulə ə tinɛ̨n ə nąą kaa, Davidə ə pɛlɛ nɔi ɓa niiɓa ə kwɛli hvilɛn mą.

Samuɛlə dɔlɔɔ 25:24

Yili pulu, ə too gɔwɔ mun, yɛ mą: «Ɲą́ą́ ɉɔ́n ni nwɔ́ mɛ̨nį nąmu, ə́ wɔ luwɔnɛ̨ąi lɛɛ laa ə pələ wolo ɓo yɛ́, ə́ wəli tɔɔ ə́ wɔ luwɔnɛ̨ąi woo ɓa.

Samuɛlə dɔlɔɔ 27:1

Davidə ə mo gwəi pələ, yɛ kɛ mą: «yələ ta, ə kɛ a pələ lɔpee, gbəli hu, Saulə kaa pai báái, mɛ̨nįi ŋɛ̨i hon bələ takpɛli hvo laa, hvo kɛ li lɔ ŋą́ mą́ą́kilɛ Filisti nuą pɔɔli, Saulə kaa pai kpɛlai gwɛ́liɛ ɓa Israɛlə lɔi kɔ́lɔ kəlee, gúlɔ pələ lɔ ka tii ɲəi.»