Samuɛlə dɔlɔɔ 26:18 - Yálá laawoo hɛɓɛ (dc)

¹⁸ Davidə yɛ nwɔ̨nɔ̨ mą: «Akɛtii, nwɔ́ mɛ̨nį Nąmu hvilɛn mɛ̨nį nwɔ tí mun bulu, nwun maa a lə? Lə ɓə ŋą́ gɛ, ɉɔ́n maa a lə?

Yálá laawoo hɛɓɛ

¹⁸ Davidə yɛ nwɔ̨nɔ̨ mą: «Akɛtii, nwɔ́ mɛ̨nį Nąmu hvilɛn mɛ̨nį nwɔ tí mun bulu, nwun maa a lə? Lə ɓə ŋą́ gɛ, ɉɔ́n maa a lə?

Bible

¹⁸ Lé mɛni ƃé íkaa la ḿbôlui? Ŋa tá mɛni nyɔ́mɔɔ da kɛ́ a yá, kpaa máŋ ŋá tɔ̂ŋ da kara?

Samuɛlə dɔlɔɔ 26:18 ပူးပေါင်းရင်းမြစ်များ

Mąątɛ̨nɛ̨ 119:161

Tɔɔɓɛlaa di mɔ̨nɔ̨ ɓo, nwun və kɛ mą, Ə́ wooɠaa lɔ ɓə ŋą́ ɲɔw mą.

Mąątɛ̨nɛ̨ 35:7

Di lɔwa tee dɔ́wɔ́, di mɛ̨i kpulu, yaan, ɉɔ́n və ɉu, dee nwun və kɛ mą, di dee kpɔlɔ náá ɓa.

Mąątɛ̨nɛ̨ 69:4

Ŋą́ą́ tomą vį́i aa kpɛɛ, gwą́ną́ ɲąą aa nwąną. Ɲɛ̨́ilon ɉu aa haa, a lamui ŋą́ą́ mo nwɔ́ Yálá mąąkpɔn ɉii.

Ɉeremi 37:18

Yili pulu, Ɉeremi yɛ tɔɔmun Sedesiasə ɓa: «Hɔn nəi ɓə ŋą́ gɛ a yɛ́, awala kɛ ti, a ə́ wɔ tínuą, a wala kɛ ti, a nɔi lonnii, yai ka dóó gaho ŋą?

Ɉaan 10:32

Jesus ə pənə ə mo diɛ, yɛ diɛ: «Ŋą́ą́ mɛ̨nį lɛlɛɛ tamąą kɛ kaa, yii ŋį́ həɠə la ną́n bɔ; mɛ̨nįɠaa tii, nɛlɛ ɓə ka káá bɔ ka Ɉɔ́ɔ́ mąą mɛ̨nį ɓa?»

Ɉaan 18:23

Jesus ə nwoo pulu pənə yɛ mą: «Mɛ̨nį ŋɛ̨i ŋį́ mo, nɛlɛ ɓə ɉu a woo ɲɔ̨n? Yili lɛ mą́ą́. Akɛ və́ woo ɲɔ̨n mo li, lə mɛ̨nį ɓa ə́ gɛ́lɛi?»

Ɉaan 8:46

Gbɛɛ ɓə a ta ɉón gɛ́ nɛ̨ŋɛ̨n ɉəɠə? Akɛti, lə mɛ̨nį ɓa ŋą́ą́ kɛi tɛ̨ą ɓo kaa, ka hva laa ná?

Samuɛlə dɔlɔɔ 17:29

Davidə yɛ niɛ ɓa: «Lə ɓə ŋą́ gɛ? Lono lɔ ɓə ku kaa gɛi.»

Samuɛlə dɔlɔɔ 20:1

Davidə ə pu ə həɠə Nayotə Rama kwɛlɛ, ə pa ə Ɉonatan kaa, yɛ mą: «Lə ɓə ŋą́ gɛ, ɉɔ́n maa lə, lə nɛ̨ŋɛ̨n gbɔ ɓə ŋą́ ɉəɠə ə́ nąn ma yaai gaa bɔ ə báá?»

Samuɛlə dɔlɔɔ 24:9

Davidə ə muhəɠə kɛa, ə kulɔ gwɛni wolo hu, ə tomą Saulə pulu pələ, yɛ kɛ mą: «Nwɔ́ mɛ̨nį nąmu tɔɔmun!» Saulə ə tinɛ̨n ə nąą kaa, Davidə ə pɛlɛ nɔi ɓa niiɓa ə kwɛli hvilɛn mą.