Samuɛlə dɔlɔɔ 25:36 - Yálá laawoo hɛɓɛ (dc)

³⁶ Avigailə ə pənə ə pa Navalə pɔ, Navalə ə kɛi hɛli pu ɲəi bɛlɛ́n, ə kɛ kpɔ a tɔɔ kuu kpɔ-kpɔɔ. Lɔɔ yee a kɛ tɛɛ mą, nɛ̨ą hvo mɛ̨nįi tii hukulɔ mą, ə lɛɛ ɉu yələ ə ɓɔ.

Yálá laawoo hɛɓɛ

³⁶ Avigailə ə pənə ə pa Navalə pɔ, Navalə ə kɛi hɛli pu ɲəi bɛlɛ́n, ə kɛ kpɔ a tɔɔ kuu kpɔ-kpɔɔ. Lɔɔ yee a kɛ tɛɛ mą, nɛ̨ą hvo mɛ̨nįi tii hukulɔ mą, ə lɛɛ ɉu yələ ə ɓɔ.

Bible

³⁶ Aƃigee è lì pôlu bɔ́naa é Neeba káa gɛ́ kúu kɛ̀ kpɔ́ yɛ̂ɛ kâloŋ. E kɛ̀ kpɔ́ a gbelɛɛ a lɔ̀ɔ ǹíi láa. Mɛni ma vé mɛni da ƃó ní ma a gbínii tí.

Samuɛlə dɔlɔɔ 25:36 ပူးပေါင်းရင်းမြစ်များ

Samia Veerɛi 13:23

Kwɛlan veelɛ tɛɛ pulu, di kɛi Absalɔn nwɔ ɓɛlaɠaai ləɠa mɛ̨i tee, Baalə-Hasɔrə daai, yii kɛ Ɛfraimə kwɛlɛ. Absalɔn ə tɔɔmun non ɉinąą kəlee təli ɉɛli ɓa.

Samia Veerɛi 13:28

Absalɔn yɛ ɲəi bɛlɛ́n góló kɛ nuą diɛ: «Ka gɛ a nɛlɛɛ, ɓɛlɔwai ka Amnɔn kaa la nɔɔ aa ɉon, ŋą́ kɛ kaa: ‹Ka Amnɔn kɛlɛ›, ka baa. Ka hvo ɲɔw, ɲą́ą́ ɓə ka tɔɔ la ka ká liikpələ, ka gɛ a hulɔnu laa.»

Samia Veerɛi 3:20

Avnɛrə ə nu pow hveelɛ hvilɛn bɔ, ə pa, ə həli Davidə ɓa Hebrɔn daai. Davidə ə Avnɛrə da bɔ nuą di nwea laa kɛ kpɔ a nɛlɛɛ.

Tɔɔɓɛlaa dɔlɔɔ 20:16

Di kulɔ a hvóló paa nwun ma lɔwai, Bɛn-Hadadə da nwɔ nuąi di ɓo ɉəɠə kələɠaa mu, diɛ pilɛ lɔɔ hu; da dɔɔɓɛlaa pow haaɓa kɔ́w hveelɛi tii kɛ bɔi.

Mąątɛ̨nɛ̨ 112:5

A nu ɲɛ̨imąąwɛli kaa yɛ kwələ tɔɔ, gaa pai gbɔwɔ mɛ̨nįɠaa ɲɛ̨i kulɔi tɛ̨ą pələ mɛ̨i.

Hanwon 20:1

Lɔɔ a nu kɛ a yɛlɛkulɔɉumun, lɔɔ kpəɠiɛ yɛ hvaa too. Nui a gbɔwɔ lɛɛ a lɔɔ ŋą hon, hva pɛli kɛi a kilimąą mun.

Ikilisiati 10:19

Hɛn gɔw nąmįną da kɛ di di ɲąąnɛ̨ɛ̨ gulɔ, hɛli ɓə da bu, hɛn gɔw ɓə a ɲąŋą tɛ nu hu; wali a pɛlɛ́ kəlee laa ɓo.

Azaya 28:3

di kaa pai di kɔ́wɔ tɔɔi, Ɛfraimə lɔɔ honŋąą di wɔ ɓɔlɔ ɲɛ̨i tɔɔi mɛ̨i;

Azaya 5:11

Nuąi da humo diɛ lɔɔ kpəɠiɛɠaa mąą gilɛ həɠə, ɛlɛɛ, kpinį ə mąn pɛlɛ, di ɓo lɔ lɔɔ ɓa, kpalo ɓɛlaai diɛ, mąąhɔlɔɓo, lɔɔ aa di kili mɛ̨i kpulu.

Ɉeremi 51:57

«Gáá lɔɔ tɔɔi Babilonə lɔi hu kóló kɛ nu kpɛa kpɛa kəlee la, da nwɔ mɛ̨nį kɔ́lɔn nuą, da nɔi ɲɛ̨itɔwɔ nuą, bɛlɛɛ galanɉonŋaa diɛ, da gulaaɠaa; yɛ di hon. Di kaa pai yíi, kpɛla bələi hva kɛ mą, di hva kɛa di ɲįnąąɓo. Dɔɔmun da kɛ naa ɓaa a: Yai-Laa Mɛ̨nį Kəlee ŋą Hééɓomun nwoo li!»

Osia 4:11

Lɔɔ da wɛli mɛ̨nį daa di nwun ɉu lan.

Nahumə 1:10

Mąąhɔlɔɓo, di kaa yɛ ɲąąlən gbɔlɔ pilɛɛ geehu, diɛ di kpələ, nɔɔ yɛ di hon, di kaa pai kələn ɉii kpɔ tɛ̨ɛ̨ tɛ̨ɛ̨ yɛ mɔ̨nun gbowo.

Maafîu 10:16

Jesus ə mo nwɔ kalan nɛai diɛ, yɛ diɛ: «Ka ka wəli tɔɔ! Gáá ka tɛɛi yɛ ɓɛlaa lonnii kwɛliɠaa lɔwai. Ka kɛ gili-gili yɛ kaalə, ka kɛ a ka wɔ mɛ̨nį lɛlɛɛ, yɛ gbohvoló-hvoló.

Lukə 14:12

Nui ŋɛ̨i dəli, yɛ yili ɓa: «Yá kɛ ə́ kaa nuą təli la kɔ̨nɔ̨n mai, ə kɛ a hvóló ŋą, ə kɛ a yələwulii, hvó gɛ lɔ a ə́ wɛlikɛmąą nuą da ə́ kaayɔɠaa, a wala kɛ tii, hɛn nąmįnąi di kaa ə́ kwɛlɛ; əgɛ, diɛ kpɛli di hvo pa ə́ təli kɔ̨nɔ̨n ma hvóló ta. A kɛ tii, mɛ̨inɛ̨ɛ̨ tii ə́ gɛ, daa gwələ kulɔ.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Lomaŋ 13:13

Ká gu kaa kɛɛpono hu, 'ká gu túwɔ́ a tələnmolaa. Gu hvo ɓowo pələ kɛ, gu hvo too lɔɔ kpələ kpun ɉu, gu hvo gu laai lɛɛ, gu hvo kɛ lɔ a wɛli hon nuą. Ɛlɛɛ, gu hvo hvaa kɛ, gu hvo tolo kulɔ.

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Samuɛlə dɔlɔɔ 25:19

Yɛ ɉilɛlɛa diɛ: «'Ka li dɔ́wɔ́ gáá ka pulu gɛ́ pa.» Kɛlaa, hvo mo ɉilɛ Navalə ɓa.

Samuɛlə dɔlɔɔ 25:37

Yələ ɓɔɔ, yələ wala pɔ nɔɔ təɠɛɛ kɛa Navalə ɲɛ̨i, mɛ̨nį tɛɛ, nɛ̨ą ə ɉukulɔ mą. Ə kɛ lɔ tii, Navalə nii a gbəla ə tɔɔ gwəi, ɉu ə yili lɔ tin a ɲɔw.