Samuɛlə dɔlɔɔ 25:24 - Yálá laawoo hɛɓɛ (dc)

²⁴ Yili pulu, ə too gɔwɔ mun, yɛ mą: «Ɲą́ą́ ɉɔ́n ni nwɔ́ mɛ̨nį nąmu, ə́ wɔ luwɔnɛ̨ąi lɛɛ laa ə pələ wolo ɓo yɛ́, ə́ wəli tɔɔ ə́ wɔ luwɔnɛ̨ąi woo ɓa.

Yálá laawoo hɛɓɛ

²⁴ Yili pulu, ə too gɔwɔ mun, yɛ mą: «Ɲą́ą́ ɉɔ́n ni nwɔ́ mɛ̨nį nąmu, ə́ wɔ luwɔnɛ̨ąi lɛɛ laa ə pələ wolo ɓo yɛ́, ə́ wəli tɔɔ ə́ wɔ luwɔnɛ̨ąi woo ɓa.

Bible

²⁴ È ǹyɛɛ m̀ai, “Ǹalôŋ, tɔɔ ŋá mɛnii ŋí su-kula yɛ̂!

Samuɛlə dɔlɔɔ 25:24 ပူးပေါင်းရင်းမြစ်များ

Zɛnɛse 44:18

Ɉuda ə lɛɠɛ Ɉosɛfə ɓa, yɛ mą: «Nwɔ́ mɛ̨nį nąmu, ka nɔi ŋɛ̨i hutɔɔmun ka pɛliɛi, gɛ́ ə́ hvaa mą, ŋį́ hvaa ə́ pɔ, ə́ lii hvo holi bɔ́.

Samia Veerɛi 14:12

Nɛ̨ɛ̨nui tii yɛ mą: «Mą́ą́ hvaalɛɛ, ə́ wɔ tínɛ̨ɛ̨nu kaa nwɔ̨nɔ̨ bɔ ə woo tɔ̨nɔ̨ ɓo nwɔ mɛ̨nį nąmu tɔɔmun ma.» Yili yɛ mą: «Yii ə́ kaa bɔ ə́ mo, mo.»

Samia Veerɛi 14:9

Tekoa nɛ̨ɛ̨nui tii, yɛ tɔɔmun ma: «Nąą wulu a lɛɛ kwa ną́n ɲəi bɛlɛ́n nuą ku nwuɔ̨, nwɔ́ mɛ̨nį nąmu tɔɔmun da nwɔ tɔɔ kpəlin di hɔn va lɛɛ ɉu.»

Samia Veerɛi 20:17

Ɉoabə ə lɛɠɛ laa, Nɛ̨ɛ̨nui tii yɛ mą: «Yɛ́ ɓə da kɛ yɛ́ Ɉoabə?» Yili yɛ mą: «Ee! Ɲą́ą́ ɓə!» Nɛ̨ɛ̨nui tii yɛ mą: «Nwɔ́ mɛ̨nį Nąmu, ə́ wəli tɔɔ ə́ wɔɔ luwɔ nɛ̨ą woo ɓa.» Ɉoabə yɛ mą: «Ŋą́ą́ wə́li tɔɔ!»

Tɔɔɓɛlaa veelɛ 4:37

Nɛ̨ɛ̨nui tii ə pa, ə pɛlɛ Elise kɔ́wɔ mu, ə kwɛli hvilɛn mą, yili pulu, ə non ɉəɠə da yaa di kulɔ.

Hanwon 25:15

Liikpələ ɓə ɲee tɛɛ kiti teemun ma, yɛ bələi woo nɛ̨ɛ̨-nɛ̨ɛ̨ a liikələn gwəi hu haa la.

Ikilisiati 10:4

Ə́ nwun nąmu a niiɲąnwąną ə́ pɔ, hvo həɠə ə́ tɔɔi, hvo ə́ kɛ kóló lɛɛ. Mąąhɔlɔɓo, líilaamun mə ŋą mə́nə́n a mɔ̨.

Maafîu 18:29

Mɛlan tii yaa kpɛli ə too gɔwɔ mu, yɛ mą: ‹Gɛ Ə́ mąąhvaalɛɛ, əí liilaa, gaa pai ə wɔ kwələi kulɔi.›

Samuɛlə dɔlɔɔ 24:8

Nwooɠaa tii ɓə Davidə ə nwɔ nuąi kpɛla la bələi, hvo hvaa mą di hvo di yee pɛlɛ Saulə ɓa. Saulə ə muhəɠə, ə kulɔ gwɛni wolo hu, yɛ nwɔɔ li ɓo.

Samuɛlə dɔlɔɔ 25:23

Avigailə ə Davidə kaa, ə həɠə ɉoohvaalən mɛ̨i a mąąhulaa, ə hvilɛn. Ə pɛlɛ nɔi ɓa, ə kwɛli hvilɛn Davidə lííla.

Samuɛlə dɔlɔɔ 25:25

Nwɔ́ mɛ̨nį nąmu, hvo ə́ kili lɛɛ Navalə nu kpoloon tii ɓa; naa kpɔ-kpɔɔ li, naa ɓaa: Nu kpoloon. Ɛlɛɛ, nu kpoloon naa hvilɛn ŋaai bulu. Kɛlaa, nwɛ́i, ɉilɛlɛai nwɔ́ mɛ̨nį nąmu ə di tɔɔ, və́ di kaa.

Samuɛlə dɔlɔɔ 25:28

Ə́ wɔ luwɔnɛ̨ąi mąąhvaalɛɛ, nɛ̨ɛ̨ yɛ́. Mąąhɔlɔɓo, Yai-Laa kaa pai lamun bɛlɛ́ tɔɔi nwɔ́ mɛ̨nį nąmu ɓa, yili hvo pai ɉəɠəi mą. Hvo gaai nwɔ́ mɛ̨nį nąmu kaa Yai-Laa nwɔ kɔ́ɠaa kɔ́i, ɛlɛɛ di hvo pai hɔn ɲɔ̨n gaai ə́ yíi hvóló kəlee hu.