Samuɛlə dɔlɔɔ 24:15 - Yálá laawoo hɛɓɛ (dc)

¹⁵ Gbɛɛ ɓə tii Israɛlə tɔɔmun gaa kɔ́ pɛlɛi mąi? Gbɛɛ ɓə tii vilɛn ŋąą bulu yɛ gbɛi? Yilɛ powai li mɔ̨ɔ̨, a wala kɛ tii, kpə-kpə ta li!

Yálá laawoo hɛɓɛ

¹⁵ Gbɛɛ ɓə tii Israɛlə tɔɔmun gaa kɔ́ pɛlɛi mąi? Gbɛɛ ɓə tii vilɛn ŋąą bulu yɛ gbɛi? Yilɛ powai li mɔ̨ɔ̨, a wala kɛ tii, kpə-kpə ta li!

Bible

¹⁵ Tɔɔ Yâwɛɛ é kúloai káa kwa yá é gáa a gɛ́ɛ m̀ɛnii yâ kɔ̂i la ḿbɔi ńzɔŋ fé zu é ŋ́uŋ ma ƃó íyêei.”

Samuɛlə dɔlɔɔ 24:15 ပူးပေါင်းရင်းမြစ်များ

Kɔlɔnikɔ Veerɛi 24:22

Tɔɔmun Ɉoasə hvo kpɛli giliŋąhiɛ, hvo vilɛn Zakaria nąn Yehoyada nwɔ mɛ̨inɛ̨ɛ̨ ɓa, ə Yehoyada lon Zakaria paa. Ɓɛlɔwai Zakaria ə kɛi pa haai la, ə nwoo tɛ Yálá ɓa, yɛ mą: «Yai-Laa! Ɓɛ kaa, Ə́ ku lɔwai mɛ̨nį hutɔɔ!»

Mąątɛ̨nɛ̨ 119:154

Mą́ą́ mɛ̨nį ɲɛ̨i kulɔ, nwún mąąkɔ̨nwɔ̨, ə́ woo too ɉu, əgɛ ŋą́ pənə ŋą́ too nwúnų kɔ́lɔi, yɛ bələi ə́ naakwɛlanmo la mą́ą́.

Mąątɛ̨nɛ̨ 35:1

Davidə nwɔ wələ woo. Ee kə Yai-Laa! Nuąi ɉɔ́n moi, 'di hɔn nɛ, nuąi kɔ́ pɛlɛi mą́ą́, 'kɔ́ pɛlɛ diɛ.

Mąątɛ̨nɛ̨ 43:1

Yálá, mą́ą́ tɛ̨ą ɓo, nwún mąą kɔ̨nwɔ̨, nuąi di ɲɛ̨iyá hvo di hu, di yəi, gúlɔ, nui a nwoo kala, da ɲɛ̨nimun di yəi.

Mise 1:2

Yɛ diɛ: Hį́i kəlee, 'ka ka wəli tɔɔ! Lɔi, ə pɛlɛ ɉu hɛnŋąą diɛ, aa həli kaa! Nąmu Yálá kaa bɔ ə ka hɔn mo! Yai-Laa, yaa tii nwɔ pɛlɛ́ mąąhəɠɛɛ mui.

Mise 7:9

Yai-Laa aa níiholi bɔ́, váái mą, Mąąhɔlɔɓo, ŋą́ą́ nɛ̨ŋɛ̨n ɉəɠə mą. Gaa pai gúlɔi kɛɛ pɔ̨nɔ̨ŋą, ə lɛɛ ɉu ə mą́ą́ mɛ̨nį ɓo, yɛ nwɔ́ tɛ̨ą mɛ̨nį too pɔ̨nɔ̨ŋą. Gɛ́ níí pɔ kɛlɛ nwɔ tələnmo kóloi ɓa.

Nwun mąąɓo 11:27

Nwɛ́i, və́ nɛ̨ŋɛ̨n ɉəɠə li yɛ́, kɛlaa, yɛ́ ɓə yáá mɛ̨nį ɲɔ̨n gɛ a ɲą́ą́, ya ka tii, ə́ kaa kɔ́ pɛlɛi la mą́ą́. Gɛ́ Yai-Laai a nuą lɔwai mɛ̨nį hutɔɔ, ə Israɛlə nuą da Amɔn nuą di mąą mɛ̨nį hutɔɔ háákələi.»

Samuɛlə dɔlɔɔ 17:43

Goliatə yɛ Davidə ɓa: «Gaa ə́ kwəi yilɛ lon maa a ɲą́ą́, yai ə́ kaa pai bɔ́ gbɔn yɛ ɓo ə yəi?» Goliatə ə́ Davidə nɛ̨ŋɛ̨n naa a nwɔ haliɠaai laa.

Samuɛlə dɔlɔɔ 24:12

Nán! Ə́ ɲɛ̨i hee ɓɛ, ə́ wɔ həɠəi gbuɔ ta kaa ɲéé ŋą. Ŋą́ ə́ wɔ həɠəi ta tee mą, ɛlɛɛ, və́ ə́ paa li. Ə́ kili ə pu ɉu, ɛlɛɛ, ə́ gbaɠala kaa, yɛ́ kiliŋąhiɛ ɲɔ̨nwɔ̨ɔ̨ hvo gwə́i yɛ hvilɛn na yɛ́, və́ ta tɔɔ li ə́ la; və́ ta ɓaɠaɓo li yɛ́. Yɛ́ lɔ ɓə yáá hvilɛn búlu, yáá ɓaɠaɓo mą́ą́ yɛ́ ə́ báá.

Samuɛlə dɔlɔɔ 25:39

Davidə ə Navalə haa mɛ̨nį bələ mɛ̨n, yɛ diɛ: «Mąąwiɛ ə kɛ Yai-Laa ɓa, aa mą́ą́ tɛ̨ą ɓo nwumɛ̨ mɛ̨nįi Navalə ə gɛ a ɲą́ą́ ɉu. Ɛlɛɛ ə ɲee too nwɔ tí mun ɉu, yili hvo mɛ̨nį ɲɔ̨nwɔ̨ɔ̨ kɛ li. Navalə nwɔ mɛ̨nį ɲɔ̨n tii, Yai-Laa aa nwulu lɛɛ Navalə kpįnįi nwuɔ̨.» Davidə ə nuą tɔɔ, diɛ li Avigailə hu hvɛlii hilɛ tai mɛ̨nį ɓa.

Samuɛlə dɔlɔɔ 26:20

Yálá hvo gɛ ɲą́mą hvo pu lɔi ɓa, mą́ą́ kwɛa Yai-Laa ɓa. Mąąhɔlɔɓo, Israɛlə tɔɔmun aa kɔ́ muhəɠə, vilɛn ŋąą la kpə-kpə pulu, yɛ da kɛi haɉali kpɛ yeeɠaa lɔwai.»

Samuɛlə dɔlɔɔ 26:4

Davidə ə nuą tɔɔ, diɛ li nɛ̨lɛ̨ɛ̨n naa kɛi, akɛ Saulə aa pa kpɔ a nelee.