Samuɛlə dɔlɔɔ 22:17 - Yálá laawoo hɛɓɛ (dc)

¹⁷ Tɔɔmun yɛ gwɛlɛ nuą diɛ: «Ka lɛɠɛ ɓɛ, ka Yai-Laa nwɔ haláá laa həli nuą kəlee paa. Mąąhɔlɔɓo, diɛ kpɛli mąn da kɛ kpɔnmąą tɛɛi Davidə pɔ. Di kili ə kɛ ɉu diɛ kɛ Davidə kaa pui, ɛlɛɛ, di hvo ɉukulɔ li mą́ą́.» Kɛlaa, tɔɔmun ɲee pɔ nuą di hvo gɛ, di hvo di yee pɛlɛ Yai-Laa nwɔ haláá laa həli nuą diɛ.

Yálá laawoo hɛɓɛ

¹⁷ Tɔɔmun yɛ gwɛlɛ nuą diɛ: «Ka lɛɠɛ ɓɛ, ka Yai-Laa nwɔ haláá laa həli nuą kəlee paa. Mąąhɔlɔɓo, diɛ kpɛli mąn da kɛ kpɔnmąą tɛɛi Davidə pɔ. Di kili ə kɛ ɉu diɛ kɛ Davidə kaa pui, ɛlɛɛ, di hvo ɉukulɔ li mą́ą́.» Kɛlaa, tɔɔmun ɲee pɔ nuą di hvo gɛ, di hvo di yee pɛlɛ Yai-Laa nwɔ haláá laa həli nuą diɛ.

Bible

¹⁷ Sɔ̂ɔ è làɣi ŋɔkɔ-kuluƃa-ŋai da kâa mɛi kâai dîa ǹyɛɛi, “Yâwɛɛ ŋɔlóno kɛ́-ƃelai ŋí dí kpɔ́ŋ Deeƃé ma a gɛɛ é pú! Dí kɛ̀ a gɔ́lɔŋɔɔ a gɛ́ɛ a pûi, kɛ́lɛ, dífe m̀ó ní ḿâ. Ka dípaa!” Kɛ́lɛ gâloŋ ŋɔkɔ-kuluƃa-ŋai dífe díyee pɛlɛ ní Yâwɛɛ ŋɔsâla láa soŋ-ƃelai dîa.

Samuɛlə dɔlɔɔ 22:17 ပူးပေါင်းရင်းမြစ်များ

Samia Veerɛi 15:1

Mɛ̨nįɠaa tii kəlee tɛɛ pulu, Absalɔn ə wotolo həɠə, da hooɠaa, ə bɛlɛ nu pow lɔɔli ɓa, nuąi tii diɛ gilɛ həɠə ɲɛ̨i tɔwɔ.

Tɔɔɓɛlaa dɔlɔɔ 1:5

Davidə lon Adoniasə, yai ə gaa Hagitə ɓa, ə kɛi gbɔwɔ kɛ yɛ nui pai nąn Davidə mąąhvalin ɉii. Ə kɛi mo, yɛ kɛ: «Ɲą́ą́ ɓə pai kɛi a dɔɔmun.» Ə wotolo həɠə, ə bɛlɛ hooɠaa diɛ, da nu pow lɔɔli, diɛi kɛ ɲɛ̨i tɔwɔ diɛ gilɛ həɠə.

Tɔɔɓɛlaa dɔlɔɔ 14:27

Tɔɔmun Roboamə ə dakpɛliɠaa pɛli a ɓala kwɛli, ə di kalihvaɓo bɛlɛ́ mąąkpɛ kɔlaɠa nwun nąmįną diɛ, diɛi di ɲɛ̨i ə kɛ tɔɔmun nwɔ pɛ́lɛ́i laaləi.

Tɔɔɓɛlaa dɔlɔɔ 18:4

Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Tɔɔɓɛlaa veelɛ 10:25

Ɓɛlɔwai Ɉehu ə kpɛɛ la a Baalə mąąwiɛ haláá kulaa, ə mo gilɛ həɠə nuą da ɓíitiɛ̨ɠaa diɛ: «Ka lɔ́! Ka di paa! Da lɔpee hvo kulɔ.» Di nuą tii kɛ a kɔ́ kɔ́ ɓɔwa kɔ̨nɔ̨n, di di powa kulɔ diɛ bili. Yili pulu, gilɛ həɠə nuą da míitiɛɠaa di pənə di pa taai ɓɛi Baalə nwɔ pɛlɛ́i ə kɛ laa.

Lɛɛ gbɔwɔ ɓa 1:17

Kɛlaa, vɛlɛɛlee kɛ nɛ̨ąą tii, di ɲɔw Yálá ɓa, di hvo gɛ, di hvo lɛɛ dɔɔmun nwoo ɲą. Di hvo kɛi ɉinąą paa.

Gɛlaɠaa 4:19

Kɛlaa Piɛrə da Ɉaan di di woo hutoo diɛ diɛ: Nɛlɛ ɓə ɉaŋąą Yálá ɲɛ̨i ɓa? Ku lɛɛ ká woo mu, awala kɛ tii ku lɛɛ Yaa ti nwoo mu? Kaa kpinį ka mɛ̨nį ŋɛ̨i hutɔɔ.

Samuɛlə dɔlɔɔ 14:45

Kɛlaa, nuą kəlee diɛ Saulə ɓa: «Ɉonatan a pɛli mɔ̨ɔ̨ haai, Yaai gɛ gɔ́ kɛnɛ̨i ŋɛ̨i yɛ nɛɛ guɔ? Yili hvo pɛli li ɉu. Yai-Laa kaa a vulú, akɛ yili a kɛ tii, kɛɛ kala mɛ̨nį kɛnɛ̨ kpɔ-kpɔɔ li. Ɉonatan nwun nəɠa tɔ̨nɔ̨ kpɛli hva kulɔ nwuɔ̨. Mąąhɔlɔɓo, Yálá ɓə kpɔnmąą tɛɛ bɔ, yɛ mɛ̨nįi ŋɛ̨i kɛ háákələi.» Bələ ɓə nuą di Ɉonatan nwun mąąɓo la diɛ gulɔ haa hu.

Samuɛlə dɔlɔɔ 2:31

Yələ ta kaa pai həli, gɛ́ ə́ huwu pu, da ə́ wɔ pɛlɛ́i. Hulɔgolo hva kɛa hɔlɔɓo ə́ yəi bɛlɛ́n.

Samuɛlə dɔlɔɔ 20:33

Saulə ə nwɔ kpalai tɛ ɲee mɛ̨i, yɛ kɛ ə bili ma, Ɉonatan ə gbaɠala kaa yɛ kɛ nąn aa Davidə paa mɛ̨nį mąą kili tee gwəi.

Samuɛlə dɔlɔɔ 22:13

Saulə yɛ mą: lə mɛ̨nį ɓa yai ka lɔ gílii, yɛ́ ka Ɉɛse lon, yɛ́ lɛɠɛ tɛɛ bɔ, da kɔ́ kɔ́ ɓɔwa; yɛ́ Yai-Laa mąąnin gɛ mąą mɛ̨nį hu, yɛ pɛli tɔɔi ná? Yɛ́ ɓaalə tɛ dɔwɔ yɛ bələi gaa gɛi la háákələi.

Samuɛlə dɔlɔɔ 22:16

Tɔɔmun yɛ mą: «Ə́ kaa haai, Ahimelɛkə yɛ́, ka ə́ nąn ɲəi bɛlɛ́n nuą kəlee.»

Samuɛlə dɔlɔɔ 25:17

Mɛ̨nį a kɛ tii, hvo kɛli ə́ gɛ pələ kwɛli mą, yii yá pɛli gɛi, ə́ gɛ. Mąąhɔlɔɓo, ku ną́mu da nwɔ pɛlɛ́i kəlee di nwun na pili mɛ̨nį hvo pai ɉəɠəi mą. Nwɛi tii nwɛi, nu kpoloon ni, nu hva pɛli mɛ̨nį ɓoi mą.»

Samuɛlə dɔlɔɔ 8:11

«Dɔɔmun pai ka ɲąąwooɓoi, bələi gaa pai ka hon ɉii la bələ ka: Gaa pai ka lon ɉinąą həɠəi, yɛ di tɔɔ nwɔ kɔ́ kɔ́ wotoloɠaa diɛ da nwɔ hooɠaa, diɛ gilɛ həɠə nwɔ wotolo ɲɛ̨i tɔwɔ.