Samuɛlə dɔlɔɔ 22:14 - Yálá laawoo hɛɓɛ (dc)

¹⁴ Ahimelɛkə ə tɔɔmun nwoo pulu pənə yɛ mą: «Ə́ wɔ tínuą lɔwai, nu ta kaa laa yii ya pɛli ə́ kilitɔɔi mą, yɛ həli Davidə pɔ? Davidə kaa a tɔɔmun mɔlɔ, ya ɓə a ə́ kpįnį mąą kpɛ, diɛ mąąwiɛ ə́ yəi bɛlɛ́n.

Yálá laawoo hɛɓɛ

¹⁴ Ahimelɛkə ə tɔɔmun nwoo pulu pənə yɛ mą: «Ə́ wɔ tínuą lɔwai, nu ta kaa laa yii ya pɛli ə́ kilitɔɔi mą, yɛ həli Davidə pɔ? Davidə kaa a tɔɔmun mɔlɔ, ya ɓə a ə́ kpįnį mąą kpɛ, diɛ mąąwiɛ ə́ yəi bɛlɛ́n.

Bible

¹⁴ Aimelɛ è gâloŋ wóo su tòo ǹyɛɛ m̀ai, “Ǹúu kɛ́tɛi, ítii kɛ́-ƃelai nenɛ̂ ƃé deniŋ ƃoɔɔ̂i yɛ̂ɛ Deeƃé! Gáa a íƃɔ̂lɔ, gɛ́ ƃò a íkɔlɛ ma kɔ-kuluƃa-ŋai láa túɛ-nuu. Íkaa-yɔɔ-ŋai kélee da ƃaa kɛ́-maa tɛ̀ɛ bɔ́.

Samuɛlə dɔlɔɔ 22:14 ပူးပေါင်းရင်းမြစ်များ

Samuɛlə dɔlɔɔ 17:25

Di kɛi kɛ mą: «Nui kulɔ ɓɛ li, ka gaa! Ə kɛi pa Israɛlə paa pɔlɔn dɔɔ mɛ̨nį ɓa, mɛ̨nį ə kulɔ la yaa li. Nui a ɉulɔnui tii paa, tɔɔmun a hɛn gɔw kɛnɛ̨ tɛɛ mąą nu pɔ, ə pənə ə non dɛɛ bɔ a nɛ̨ą, yili pulu, ə mąą nu nwɔ pɛlɛ́i laa kulɔ mɛ̨nį kəlee hu Israɛlə lɔi hu.»

Samuɛlə dɔlɔɔ 18:13

Yili ɓə gɛ, Saulə ə Davidə mąą kwɛa mą, ə ɉee kuláá waa tɔ̨nɔ̨ na. Ə həɠə ɲələ ɓa, Davidə ə kɛ nuą tii nwun na.

Samuɛlə dɔlɔɔ 18:27

Davidə ə muhəɠə, da nwɔ nuą diɛ li, ə Filisti nwun veelɛ paa, ə pa a di towo piɲɛ̨nɠaa, ə di lono Saulə ɲɛ̨i ɓa; ə kɛ kɛa a tɔɔmun mɔlɔ, Saulə ə non Mikalə tɛɛ pɔ a nɛ̨ą.

Samuɛlə dɔlɔɔ 20:32

Ɉonatan ə nąn Saulə woo pulu pənə, yɛ mą: «Da baa lə mɛ̨nį ɓa? Lə ɓə ə gɛ?»

Samuɛlə dɔlɔɔ 21:2

Davidə ə pa Nɔvə ɉaláá laa həli mun Ahimelɛkə pɔɔli. Ahimelɛkə ə pa Davidə laakwiɛn ɉii maa yɛ kpɛlin, yɛ Davidə ɓa: «Gɛ pələ kaa ləi yaai, yɛ́ tɔ̨nɔ̨ lɔ ɓə, nu ta hvo ə́ pɔ?»

Samuɛlə dɔlɔɔ 22:13

Saulə yɛ mą: lə mɛ̨nį ɓa yai ka lɔ gílii, yɛ́ ka Ɉɛse lon, yɛ́ lɛɠɛ tɛɛ bɔ, da kɔ́ kɔ́ ɓɔwa; yɛ́ Yai-Laa mąąnin gɛ mąą mɛ̨nį hu, yɛ pɛli tɔɔi ná? Yɛ́ ɓaalə tɛ dɔwɔ yɛ bələi gaa gɛi la háákələi.

Samuɛlə dɔlɔɔ 24:11

Ə́ gbaɠala kaa yɛ́, yɛ́ kpįnįi yɛ́ kɛ, Yai-Laa ə́ ə́ lɔ ɲéé ŋą háákələi gwɛni wolo hu? Kɛlaa, və́ gɛ və́ ə́ paa; ŋą́ ə́ mąąwɛli kaa, gɛ́ kɛ diɛ: ‹Vá ɲéé pɛlɛ nwún nąmu ɓa, mąąhɔlɔɓo, nui Yai-Laa aa ɉəɠə ɉu, aa ɉee a tɔɔmun yaa li.›

Samuɛlə dɔlɔɔ 25:28

Ə́ wɔ luwɔnɛ̨ąi mąąhvaalɛɛ, nɛ̨ɛ̨ yɛ́. Mąąhɔlɔɓo, Yai-Laa kaa pai lamun bɛlɛ́ tɔɔi nwɔ́ mɛ̨nį nąmu ɓa, yili hvo pai ɉəɠəi mą. Hvo gaai nwɔ́ mɛ̨nį nąmu kaa Yai-Laa nwɔ kɔ́ɠaa kɔ́i, ɛlɛɛ di hvo pai hɔn ɲɔ̨n gaai ə́ yíi hvóló kəlee hu.

Samuɛlə dɔlɔɔ 26:23

Yai-Laa kaa pai nu kəlee hvɛla kulɔi yɛ bələi dúwɔ́ pələ kaa la. Yai-Laa aa kɛ ə́ lɔ ɲéé ŋą háákələi, kɛlaa, və́ gɛ li və́ ɲéé pɛlɛ nui Yai-Laa aa dɔɔ wulɔ hiɛ mą.