Samuɛlə dɔlɔɔ 22:10 - Yálá laawoo hɛɓɛ (dc)

¹⁰ Ahimelɛkə ə Yai-Laa mąąnin gɛ Davidə mąą mɛ̨nį hu, yili pulu, ə kɔ̨nɔ̨n dɛɛ bɔ, ə Filisti hulɔnu Goliatə nwɔ kɔ́ kɔ́ ɓɔwai tɛɛ bɔ.»

Yálá laawoo hɛɓɛ

¹⁰ Ahimelɛkə ə Yai-Laa mąąnin gɛ Davidə mąą mɛ̨nį hu, yili pulu, ə kɔ̨nɔ̨n dɛɛ bɔ, ə Filisti hulɔnu Goliatə nwɔ kɔ́ kɔ́ ɓɔwai tɛɛ bɔ.»

Bible

¹⁰ Aimelɛ è lòno Yâwɛɛ pɔ́ m̀ɛni ma. Nya ƃe è mii-sɛŋ tɛ̀ɛ bɔ́. È ŋɔ́nɔ Felesia-nuui Golaya ŋɔƃóa-sɔkpɔi tɛ̀ɛ bɔ́.”

Samuɛlə dɔlɔɔ 22:10 ပူးပေါင်းရင်းမြစ်များ

Lonon mo 27:21

Mąąnɛ̨ɛ̨ ə li ɉaláá laa həli mun Eleazarə pɔ, yili ə urimə mɛ̨nį mąąni kɛ, yɛ hvilɛn na mą Yai-Laa ɲɛ̨i ɓa. Bələi urimə kaa pai moi la, bələ ɓə di kaa pai gɛi la, diɛ lɔ, diɛ kulɔ, yaa da Israɛlə nuą kəlee.»

Samuɛlə dɔlɔɔ 10:22

Di Yai-Laa mąąnin gɛ, diɛ mą: «Nui tii ə pa mun ɓɛ ɓəi?» Yai-Laa yɛ diɛ: «Ya ka tii nooi diɲɛɠaa lɔwai.»

Samuɛlə dɔlɔɔ 21:10

Ɉaláá laa həli mun yɛ mą: «Filisti mun ŋɛ̨i a Goliatə, yaa tii wɔlɔ ə́ baa ɲá ɓoloon bɔ nwulu kpulu mu, nwɔ kɔ́ kɔ́ ɓɔwai kaa ɓɛ, mąą kpįnįnŋaa a həɠə; noɔ ɉaláá kulɔ həɠə pulu, ya kɛ bɔ ə́ ɉəɠə a ə́ wɔɔ, ɉəɠə. Mąąhɔlɔɓo, dakpɛli hvo ɓɛ.» Davidə yɛ mą: «Ɲɔ̨nwɔ̨mąn va hɔlɔɓo, və.»

Samuɛlə dɔlɔɔ 22:11

Tɔɔmun ə ɉaláá laa həli mun Ahituvə lon Ahimelɛkə təli, da ɲəi bɛlɛ́n nuą, da Nɔvə haláá kulɔ nuą kəlee, di kəlee di pa tɔɔmun bɔɔli.

Samuɛlə dɔlɔɔ 22:13

Saulə yɛ mą: lə mɛ̨nį ɓa yai ka lɔ gílii, yɛ́ ka Ɉɛse lon, yɛ́ lɛɠɛ tɛɛ bɔ, da kɔ́ kɔ́ ɓɔwa; yɛ́ Yai-Laa mąąnin gɛ mąą mɛ̨nį hu, yɛ pɛli tɔɔi ná? Yɛ́ ɓaalə tɛ dɔwɔ yɛ bələi gaa gɛi la háákələi.

Samuɛlə dɔlɔɔ 22:15

Ɲələi tii lɔ ɓə mɔ̨ɔ̨ ŋą́ gɔwɔ tɔɔ la gɛ́ Yálá mąąnin gɛ mąą mɛ̨nį hu? Ee kə! Tɔɔmun, hvo mɛ̨nį hee ə́ wɔ tí mun nwuɔ̨ da ɲəi bɛlɛ́n nuą kəlee. Mąąhɔlɔɓo, ə́ wɔ tí mun hvo kɛ mɛ̨nįi tii hukɔlɔn ni gbɔ tanɔ̨n gbɛli.»

Samuɛlə dɔlɔɔ 23:12

Davidə ye mą: «Akɛtii Keila nuą kaa pai ɲą́ą́ kwa nwɔ́ nuąi ku tɛɛi Saulə pɔ?» Yai-Laa yɛ mą: «Di kaa pai ka lɔ ɲee ŋą.»

Samuɛlə dɔlɔɔ 23:2

Davidə ə Yai-Laa mąąnin gɛ, yɛ mą: «Akɛtii, mąąnɛ̨ɛ̨ ŋą́ li ŋą́ kɔ́ pɛlɛ Filisti nuą diɛ?» Yai-Laa yɛ Davidə ɓa: «Li ə́ kɔ́ pɛlɛ diɛ, ə́ yee kaa li lɔi ə́ Keila taa nwun mąąɓo.»

Samuɛlə dɔlɔɔ 23:4

Davidə ə pənə nwɔ̨nɔ̨ ə Yai-Laa mąąnin gɛ, Yai-Laa yɛ mą: «Hvilɛn bələ ɓa, ə́ li Keila daai, gáá lii yeetɛɛmąą tɛɛi ə́ pɔ Filisti nuą mɛ̨i.»

Samuɛlə dɔlɔɔ 30:8

Davidə ə Yai-Laa mąąnin gɛ, yɛ mą: «Ŋą́ pɛli hvilɛn ɉii nu kpului tii pulu, gáá pai di hon ɉii ɓai?» Yai-Laa yɛ mą: «Hvilɛn di pulu, ə́ kaa pai di hon ɉii, ə́ ə́ wɔ nuąi kaa, ə di kulɔ di yəi.»