Samuɛlə dɔlɔɔ 20:1 - Yálá laawoo hɛɓɛ (dc)

¹ Davidə ə pu ə həɠə Nayotə Rama kwɛlɛ, ə pa ə Ɉonatan kaa, yɛ mą: «Lə ɓə ŋą́ gɛ, ɉɔ́n maa lə, lə nɛ̨ŋɛ̨n gbɔ ɓə ŋą́ ɉəɠə ə́ nąn ma yaai gaa bɔ ə báá?»

Yálá laawoo hɛɓɛ

¹ Davidə ə pu ə həɠə Nayotə Rama kwɛlɛ, ə pa ə Ɉonatan kaa, yɛ mą: «Lə ɓə ŋą́ gɛ, ɉɔ́n maa lə, lə nɛ̨ŋɛ̨n gbɔ ɓə ŋą́ ɉəɠə ə́ nąn ma yaai gaa bɔ ə báá?»

Bible

¹ Deeƃé è pù é kúla Ɣâla ŋɔlóno kɛ́-ƃelai díkpanâŋ lá. È pà Zonetaŋ pɔ́-naa é m̀arê kɛ́ ǹyɛɛ m̀ai, “Lé mɛni ƃé ínâŋ Sɔ̂ɔ a ŋ̀wɛ̂lii é ḿbaa lai? Lé mɛni nyɔ́mɔɔ ƃé ŋá gɛ̀ lai?”

Samuɛlə dɔlɔɔ 20:1 ပူးပေါင်းရင်းမြစ်များ

Mąątɛ̨nɛ̨ 54:3

Yálá, 'ə́ laa mąą mɛ̨nį ɓa, málo, nwɔ́ tɛ̨ą mɛ̨nį kulɔ pɔ̨nɔ̨ ŋą a ə́ wɔ kuláálaa.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Piɛrə veelɛ 2:9

Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.

Zɔ̂ŋ Maa-ŋuŋ 3:21

Nwɛ́likɛmąą nuą, a kɛ gu lii a wala gu hɔnmoi, gwa pɛli gu gu woo tɛ Yálá pɔ pələ a kilitɔɔmąą laa;

Samuɛlə dɔlɔɔ 12:3

Ɲą́ą́ ka tɔɔni ka lííla Yai-Laa ɲɛ̨i ɓa da nwɔ nui ə ɉəɠə ɉu, nui ɉɔ́n gaa gwəi, ə mo. Gbɛɛ ɓə ŋą́ Nįŋɛ̨ ɲəi? Gbɛɛ ɓə ŋą́ hoohvaalən ɉəɠə ɲəi? Gbɛɛ ɓə ŋą́ ɲéé pənə ɉu? Gbɛɛ ɓə ŋą́ too mɛ̨i hɛn ɉəɠə ɲəi? Gbɛɛ ɓə ŋą́ wali həɠə ɲəi a gili ŋapɛlɛ pələ? Nui ŋą́ yili kɛ la, mąą nu ə hvaa, ŋą́ pənə ŋą́ dɛɛ bɔ.»

Samuɛlə dɔlɔɔ 19:1

Davidə paa mɛ̨nį kili teei Saulə ə dee gwəi, ə ɉu kulɔ non Ɉonatan ɓa, da yee tii nuą kəlee. Ɛlɛɛ yaan, Davidə wɛli ə kɛ Saulə lon Ɉonatan ɓa kpɔ kɛnɛ̨.

Samuɛlə dɔlɔɔ 19:18

Davidə ə gbɔwɔ nwun mąąkɔ̨nwɔ̨, ə pu ə li, Samuɛlə pɔɔli Rama. Mɛ̨nįɠaai kpɔ Saulə ə naa ma, ə ɉukulɔ Samuɛlə ɓa. Yaa da Samuɛlə də li di hee Nayotə.

Samuɛlə dɔlɔɔ 20:2

Ɉonatan ə nwoo pulu pənə yɛ mą: «Yili kulɔ ə́ wɔɔ kiliŋąhiɛ hu, hvo pai haai. Nán va mɛ̨nįi lɔpee ta kɛ, akɛ hvo ɉukulɔ li mą́ą́. Lə mɛ̨nį ɓa yai ną́n ə mɛ̨nį yii loo mą́ą́? Hvo pai pɛlii.»

Samuɛlə dɔlɔɔ 20:32

Ɉonatan ə nąn Saulə woo pulu pənə, yɛ mą: «Da baa lə mɛ̨nį ɓa? Lə ɓə ə gɛ?»

Samuɛlə dɔlɔɔ 24:11

Ə́ gbaɠala kaa yɛ́, yɛ́ kpįnįi yɛ́ kɛ, Yai-Laa ə́ ə́ lɔ ɲéé ŋą háákələi gwɛni wolo hu? Kɛlaa, və́ gɛ və́ ə́ paa; ŋą́ ə́ mąąwɛli kaa, gɛ́ kɛ diɛ: ‹Vá ɲéé pɛlɛ nwún nąmu ɓa, mąąhɔlɔɓo, nui Yai-Laa aa ɉəɠə ɉu, aa ɉee a tɔɔmun yaa li.›

Samuɛlə dɔlɔɔ 24:12

Nán! Ə́ ɲɛ̨i hee ɓɛ, ə́ wɔ həɠəi gbuɔ ta kaa ɲéé ŋą. Ŋą́ ə́ wɔ həɠəi ta tee mą, ɛlɛɛ, və́ ə́ paa li. Ə́ kili ə pu ɉu, ɛlɛɛ, ə́ gbaɠala kaa, yɛ́ kiliŋąhiɛ ɲɔ̨nwɔ̨ɔ̨ hvo gwə́i yɛ hvilɛn na yɛ́, və́ ta tɔɔ li ə́ la; və́ ta ɓaɠaɓo li yɛ́. Yɛ́ lɔ ɓə yáá hvilɛn búlu, yáá ɓaɠaɓo mą́ą́ yɛ́ ə́ báá.

Samuɛlə dɔlɔɔ 24:17

Kpɛɛi Davidə ə mo, a mɛ̨nįɠaa tii ɓoɔ Saulə ɓa, Saulə yɛ Davidə ɓa: «Ə́ woo li nón Davidə!» Yili pulu, Saulə ə pola a wɔlɔ.

Samuɛlə dɔlɔɔ 24:9

Davidə ə muhəɠə kɛa, ə kulɔ gwɛni wolo hu, ə tomą Saulə pulu pələ, yɛ kɛ mą: «Nwɔ́ mɛ̨nį nąmu tɔɔmun!» Saulə ə tinɛ̨n ə nąą kaa, Davidə ə pɛlɛ nɔi ɓa niiɓa ə kwɛli hvilɛn mą.

Samuɛlə dɔlɔɔ 26:18

Davidə yɛ nwɔ̨nɔ̨ mą: «Akɛtii, nwɔ́ mɛ̨nį Nąmu hvilɛn mɛ̨nį nwɔ tí mun bulu, nwun maa a lə? Lə ɓə ŋą́ gɛ, ɉɔ́n maa a lə?